ماجىلىس دەپۋتاتى كرەديتتى كەشىرۋ تاقىرىبىن قايتا كوتەردى

دەپۋتاتتار قازاقستاندىقتاردىڭ نەسيەلەرىن كەشىرۋ باستاماسىن تاعى دا كوتەردى. ماسەلە بويىنشا ءماجىلىس دەپۋتاتى ازات پەرۋاشەۆ پرەمەر-مينيسترگە, ۇلتتىق بانك جانە قارجى نارىعىن رەتتەۋ جانە دامىتۋ اگەنتتىگىنىڭ ءتوراعاسىنا ساۋال جولدادى, دەپ حابارلادى ؛tengrinews.kz.

ازات پەرۋاشەۆ سوڭعى ايلاردا قوعام مەن ماجىلىستە كرەديتتىك امنيستيا تۋرالى ماسەلە كوتەرىلىپ جاتقانىن ايتىپ, بۇل باستاما "پاندەميا كەزىندە حالىقتىڭ جاعدايى ناشارلاۋى مەن شاعىن جانە ورتا بيزنەستىڭ جاپپاي كۇيرەۋىن ەسكەرە وتىرىپ, نازار اۋدارۋعا لايىق" دەپ اتاپ ءوتتى.

&ndash؛ تەك دۇنيەجۇزىلىك بانكتىڭ دەرەكتەرى بويىنشا بيىل كەدەيلىك شەگىنەن تومەن ءومىر ءسۇرىپ جاتقان قازاقستاندىقتاردىڭ سانى ءبىر جارىم ەسەگە, ياعني 800 مىڭ ادامعا ارتىپ, 2 ميلليون 300 مىڭنان اسقان. ءبىزدىڭ ەلىمىزدەگى ءاربىر سەگىزىنشى ازامات كەدەيلىكتىڭ شەگىندە ءومىر سۇرەتىنى بەلگىلى بولدى.

بۇل مۇناي وندىرەتىن مەملەكەت ءۇشىن قورقىنىشتى جانە جول بەرۋگە بولمايتىن كورسەتكىش. سوندىقتان ادامداردىڭ نەسيەلىك امنيستيا جاساۋ تۋرالى تالاپتارىنىڭ نەگىزى بار جانە ول بارىنە دە تۇسىنىكتى, ؛&ndash؛ دەدى دەپۋتات.

ول وتكەن جىلى شامامەن 106 ميلليارد تەڭگە سوماعا از قامتىلعانداردىڭ بانكتىك بورىشتارى كەشىرىلگەنىن ەسكە سالىپ, ءبىراق ماسەلەنىڭ شەشىلمەگەنىن, كەرىسىنشە ۋشىعىپ كەتكەنىن ايتتى.