30 قىركۇيەك, 2020 الەۋمەت
فوتو: اشىق دەرەككوز
ۇكىمەت وتىرىسىندا پرەمەر-مينيستر اسقار مامين سانيتارلىق تالاپتاردى ساقتاۋ بويىنشا شارالاردى كۇشەيتۋدى تاپسىردى.
ونىڭ ايتۋىنشا, ەلدەگى سانيتارلىق-ەپيدەميولوگيالىق احۋال تۇراقتى.
&ndash؛ جالپى, ەلدەگى سانيتارلىق-ەپيدەميولوگيالىق احۋال تۇراقتى. ينفەكسيانىڭ رەپرودۋكتيۆتى كوەففيسيەنتى 0,93 قۇرايدى, بۇل قابىلدانعان شارالاردىڭ تيىمدىلىگىن كورسەتەدى. الەمدەگى جانە ءبىرقاتار شەكارالاس ەلدەردەگى ەپيدەميانىڭ تۇراقسىزدىعىن ەسكەرە وتىرىپ, ءبىز سانيتارلىق تالاپتاردى ساقتاۋ بويىنشا شارالاردى كۇشەيتۋىمىز كەرەك, &ndash؛ ؛ دەدى ول.
اتاپ ايتقاندا, مۇددەلى مەملەكەتتىك ورگاندار مەن وبلىستىق اكىمدىكتەرگە سانيتارلىق-ەپيدەميولوگيالىق ءىس-شارالاردىڭ 100% دايىندىعىن قامتاماسىز ەتۋ, ال دەنساۋلىق ساقتاۋ مينيسترلىگىنە 15 قازانعا دەيىن جىلجىمالى مەديسينالىق كەشەندەر مەن جەدەل جاردەم ماشينالارىن, قاجەتتى قۇرال-جابدىقتار, قورعانىس قۇرالدارىن ساتىپ الۋ جانە ايماقتارعا بەرۋ تاپسىرىلدى.
سونداي-اق مامين ىشكى ىستەر جانە دەنساۋلىق ساقتاۋ مينيسترلىكتەرى اكىمدىكتەرمەن بىرلەسىپ, سانيتارلىق تالاپتاردىڭ ساقتالۋىن باقىلاۋ بويىنشا باقىلاۋ توپتارىنىڭ جۇمىسىن كۇشەيتۋدى جانە وڭىرلەردەگى دارى-دارمەكتىڭ باعاسىن باقىلاۋدى تاپسىردى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر