15 قىركۇيەك, 2020 الەۋمەت
فوتو: qamshy.kz
"گارانت 24 لومبارد", "ۆىگودنىي زايم" جانە "estete لومبارد" قارجىلىق پيراميدالارىنا قاتىستى ىشكى ىستەر مينيسترلىگىنە جابىرلەنۋشىلەردەن 17 مىڭنان استام ءوتىنىش كەلىپ تۇسكەن. كەلتىرىلگەن ماتەريالدىق شىعىن 22 ميللياردتان استام تەڭگەنى قۇرادى. بۇل تۋرالى ىشكى ىستەر مينيسترلىگى تەرگەۋ ءبولىمىنىڭ باستىعى سانجار ءادىلوۆ ۆەدومستۆو پاراقشاسىنداعى ونلاين بريفينگ بارىسىندا مالىمدەدى.
وسى ۇيىمداردىڭ باسشىلارىنا قاتىستى 32 قىلمىستىق ءىس تىركەلدى. 51 كۇدىكتى قىلمىستىق جاۋاپكەرشىلىككە تارتىلدى, جەتى كۇدىكتىگە ىزدەۋ جاريالاعان.
ابدىلوۆ كۇدىكتىلەردەن 70 ميلليون تەڭگەدەن استام قولما-قول اقشا الىنعانىن, تەرگەۋ بارىسىندا كۇدىكتىلەردىڭ ەكى ميلليارد تەڭگەدەن استام مۇلكى تابىلىپ, تاركىلەنگەنىن جانە قاماۋعا الىنعانىن ايتتى.
بۇعان دەيىن ناۋرىزدا "estate lombard" جشس ديرەكتورى اسەت ىسقاقوۆ قىرعىزستاننان, ءساۋىر ايىندا "garant 24" كومپانياسىنىڭ نەگىزىن قالاۋشى اسلان مىرزابەكوۆ مولدوۆادان ەكستراديسيالاندى. ماۋسىمدا پيراميدا جاساۋشىلاردىڭ ءبىرى سەرگەي فرولوۆ ماسكەۋدە ۇستالعان بولاتىن.
جالپى, قارجىلىق پيراميدالاردى قۇرۋعا بايلانىستى قىلمىستىق ىستەر سانى بىرنەشە ەسەگە وسكەن.
ىشكى ىستەر مينيسترلىگىنىڭ مالىمەتتەرى بويىنشا, اعىمداعى جىلدىڭ باسىنان باستاپ مينيسترلىكتە قارجى پيراميدالارىن ۇيىمداستىرۋ بويىنشا 217 قىلمىستىق ءىس تىركەلگەن. ونىڭ ىشىندە 116 قىلمىستىق ءىس سوتقا جولداندى, بارلىعى 79 كۇدىكتى قىلمىستىق جاۋاپكەرشىلىككە تارتىلۋدا. قازىرگى ۋاقىتتا ىشكى ىستەر مينيسترلىگىنىڭ تەرگەۋ باسقارماسى ءتۇرلى قارجىلىق پيراميدالارعا قاتىستى 13 قىلمىستىق ءىستى تەرگەپ جاتىر...
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر