شاشتاراز شىنبولات: 38 مىڭداي ادامنىڭ شاشىن الىپپىن

31 جاستاعى الماتى تۇرعىنى شىنبولات ابدىكارىموۆتىڭ ماماندىعى &ndash؛ ؛ شاشتاراز. ول بۇل سالاعا كەلمەستەن بۇرىن بالىقشى, قۇرىلىسشى بولعان, اسحانادا ىستەگەن. ءتۇرلى جۇمىستىڭ باسىن شالعان ول وسىدان سەگىز جىل بۇرىن, ياعني 2012 جىلى ءوزىنىڭ وڭ جامباسىنا كەلەتىن ماماندىق ؛&ndash؛ شاشتاراز ەكەنىن تۇسىنگەن. ؛

"روبينزون كرۋزو بولاسىڭ"

&ndash؛ 1989 جىلى وزبەكستاندا تۋعانمىن. "يزۆەستيا" دەگەن اۋىلدا تۇردىق. 2008 جىلى جەتىساي جاققا اباي اۋىلىنا كوشتىك. وتباسىمدا اكە-شەشەم, ەكى اعام, بەس اپكەم, ءبىر قارىنداسىم بار. 9-سىنىپتان كەيىن ەش جەردە وقىعان ەمەسپىن. ول كەزدە وقيتىن جاعداي دا جوق, &ndash؛ دەپ باستادى شاشتاراز اڭگىمەسىن.

وزىنىڭ ايتۋىنشا, مەكتەپتەن كەيىن بىردەن جۇمىسقا ارالاسقان. باسىندا سىنىپتاستارىمەن شاردارا سۋ قويماسىندا بالىق اۋلاپ ساتتى. نەگىزىنەن سازان ۇستايتىن. ەڭ ۇلكەن ولجاسى &ndash؛ 15 كەلىلىك سازان. بالىق اۋلاۋ بارىسىندا قىزىقتى دا قاتەرلى تالاي جاعدايعا ؛ تاپ بولعان.

&ndash؛ بىرنەشە كۇنگە ارالعا كەتەتىنبىز. سول جەردە اۋ سالىپ, بالىق ۇستايمىز. ەكى ءۇش كۇن سايىن تاپسىرىس بەرۋشىگە ۇستاعانىمىزدى وتكىزىپ, اس-سۋ الدىرامىز. كەيدە كەنەتتەن جەل تۇرىپ, سۋ كوتەرىلەدى. بيىكتىگى 1-2 مەترگە دەيىن جەتەتىن تولقىن پايدا بولادى. جەل كەيدە ۇزاماي تىنا قالسا, ەندى بىردە ورشەلەنىپ, بىرنەشە كۇن توقتامايدى. سونداي ساتتەردە قيىن. سىرتقى الەممەن بايلانىس ءۇزىلىپ, ارالدا جاپادان جالعىز قالاسىڭ. ول كەزدە تەلەفون دەگەنىڭ جوق. ازىق-تۇلىك تاۋسىلىپ, ماكاروندى سۋعا قايناتىپ ىشكەن كەزدەر كوپ بولدى عوي. كادىمگى روبينزون كرۋزو بولاسىڭ. ەندى بىردە جاعا مەن ارال اراسىندا ءجۇزىپ بارا جاتقاندا جەل سوعادى. قايىق اۋدارىلا جازداعاندا جاعاعا جەتكەنشە يمانىڭدى ءۇيىرىپ باراسىڭ. باسىندا قورىققاننان بۇتقا جىبەرىپ قويعان كەزدەر دە بولعان (كۇلدى). كەيىنىرەك اكەم ء"بىر كۇنى سۋعا كەتىپ ولەسىڭ" دەپ بالىققا شىعارماي قويدى, &ndash؛ دەيدى ول.

وسىلاي بالىق اۋلاۋمەن قوشتاسقان شىنبولات 2010 جىلى الماتىعا كەلدى. قالانىڭ قىم-قۋىت تىرشىلىگىنە بىتە قايناسىپ كەتۋدە قۇداشالارىنىڭ كوپ كومەگى ءتيدى. بىرگە پاتەر جالداپ, قارا ناندى ءبولىپ جەپ, اپكە-ىنى سەكىلدى ارالاسىپ كەتتى.

اسحانادان استاناعا دەيىن

&ndash؛ الماتىداعى ەڭ العاشقى جۇمىس ورنىم &ndash؛ كازگۋ-دىڭ تاماقتانۋ كومبيناتىنداعى اسحانا. قۇداشامنىڭ قۇربىسى مەن ونىڭ ءىنىسى ۇشەۋمىز ىستەدىك. باسىندا ءبارى جاپ-جاقسى باستالعان. ءۇشىنشى ايدا مەنى تۇنگى اۋىسىمعا اۋىستىردى. ۇيقىنىڭ دۇرىس بولماعانى قيىن ەكەن. كۇندىزگى اۋىسىمعا اۋىسقىم كەلەتىنىن ايتقانىمدا, باستىقتىڭ وڭ قولى رۇحسات بەرمەدى. "ىستەسەڭ, تۇندە ىستە, ىستەمەسەڭ جۇمىستان شىق" دەپ جەكىدى. مەن "ولاي بولسا, شىعام" دەدىم. باستىعىمىز جاقسى كىسى ەدى. كەتەتىنىمدى ەستىپ, قالۋعا ۇگىتتەدى. كۇندىزگىگە اۋىستىراتىنىن ايتتى, ءبىراق مەن ەكى سويلەگىم كەلمەي, جۇمىستان شىعىپ كەتتىم.

كەيىن "سترويكادا" ىستەدىك. ەۆرورەمونت جاساۋدى ۇيرەندىم. پرايم پلازانىڭ (قازىرگى ازيا پارك ساۋدا ءۇيى &ndash؛ رەد.) قۇرىلىسى ءجۇرىپ جاتقان. سونىڭ ءۇش قاباتىنىڭ ەدەنىن كافەلدەپ شىقتىق. ادك ساۋدا ءۇيىنىڭ قۇرىلىسىندا بۋتيكتاردىڭ ءىشىن ارلەدىك, &ndash؛ دەگەن شىنبولات ءبىراز ۋاقىت ەلوردادا قۇرىلىستا ىستەپ قايتقان.

&ndash؛ 2011 جىلدىڭ قىسىندا استاناعا باردىق. قالانىڭ شىعا بەرىسىندە تىگىنەن قوستانايعا, وڭعا قاراي كوكشەتاۋعا باراتىن جولدا كوپىر بار. سونى 5-6 اي بويى ءبىز سالدىق. كەيىن 4-5 اي الەكسەەۆكا اۋدانىندا تۇرعىزىلعان 360 ءۇيدىڭ بلوگىن قويدىق. تابىسىمىز ءتاپ-تاۋىر ەدى. 250 مىڭ تەڭگەگە دەيىن الىپ جۇردىك. ءبىراق استانانىڭ ايازى مەن ادامدارى ۇنامادى. باسىما ەكى باس كيىمدى قاباتتاپ كيىپ الاتىنمىن. سونىڭ وزىندە قۇلاعىم ۇسە جازدايتىن. وڭتۇستىكتەن بارعاننان كەيىن بە ماعان قيىنعا سوقتى. جەرگىلىكتى تۇرعىنداردىڭ ايتۋىنشا, قايتا ءبىز بارعان جىلى قىس جىلى بولىپتى. ول جاقتىڭ قىسى عانا ەمەس, ادامدارى دا سۋىق پا دەيمىن. بىزدە اماندىق سۇراسقاندا "اسسالاۋماعالەيكۋمنان" باستاپ, ءۇي ءىشى, بالا-شاعا ءبارىن قالدىرماي سۇرايدى عوي. ول جاقتا "قال-قالاي" دەيدى, ءبىتتى. قىزىق. سونىمەن جۇمىس بىتكەن سوڭ الماتىعا قايتتىق, &ndash؛ دەيدى شىنبولات.

كەيىپكەرىمىز الماتىدا كەلگەن سوڭ كوپ ايالداماي جاركەنتكە, تەمىر جول ۆوكزالى جانىنان سالىنعان 4 قاباتتى قوناق ءۇي قۇرىلىسىنا جۇمىسقا كەتتى. ول جاقتا ەكى جارىم اي ىستەپ, 85 مىڭ تەڭگە تاۋىپتى. سوزىنشە, اقىلارىن بريگاديرى جەپ قويعان. ول ادامنىڭ الماتىدا قايدا تۇراتىنىن, نە ىستەيتىنىن بىلگەنىمەن, تاجىكەلەسىپ جاتقىسى كەلمەي, "ۇياتى ءبىلسىن" دەپ اقىسىن تولىق سۇراماستان ۇندەمەي الماتىعا قايتىپتى.

شاشتاراز بولۋىنا اعاسى سەبەپكەر

بۇل جولى شىنبولاتقا الماتىدان جۇمىس وڭاي تابىلا قويعان جوق. كۇندىك جۇمىستارمەن كۇنەلتىپ, تۇراقتى جۇمىس ىزدەۋمەن بولدى. ءسويتىپ جۇرگەندە ءۇش اي وتە شىعادى. وسى ءۇش ايدا تاستاقتا شاشتاراز بولىپ ىستەيتىن نەمەرە اعاسى "اۋىلدا قايشى, تاراقپەن ازداپ شاش الاتىنىڭ بار ەدى عوي. مەنىڭ قاسىما كەل, ءوزىم ۇيرەتەم" دەپ تالاي شاقىردى. شىنبولات باستاپقىدا جۇرەكسىنىپ, ۇسىنىستان باس تارتىپ ءجۇردى. تۇراقتى جۇمىستان حابار بولماعاندىقتان ءتورتىنشى اي دەگەندە اعاسىنىڭ جانىنا باردى. بۇل 2012 جىلدىڭ جازى بولاتىن.

شىنبولات شاش قيۋدى بىردەن ۇيرەنىپ, قىسقا ۋاقىتتىڭ ىشىندە ەرلەر شاشىن قياتىن شەبەر بولىپ شىعا كەلدى. اعاسىمەن 5-6 اي ىستەگەننەن كەيىن, جيەنىنىڭ شاقىرۋىمەن ساياحاتتىڭ ماڭىنان اشىلعان سالونعا اۋىستى.

بىراق اكەسى شىنبولاتتىڭ شاشتاراز بولۋىن قۇپتاماي, اۋىلعا قايتارىپ الدى. سويتسە, اكە ارمانى ۇلكەن قالادا جۇرگەن بالاسىنىڭ اياعىنا تۇساۋ سالىپ, ۇيلەندىرۋ ەكەن. شىنبولات سول بارعاننان اۋىلدا 9 اي بولىپ, ۇيلەنىپ, قالاعا كەلىنشەگىمەن كەلدى. ءقازىر ءبىر ۇلى, ەكى قىزى بار. كەنجەسى جاقىندا بىرگە تولادى.

قالاعا كەلگەن ساتىندە ۇيرەنشىكتى ساياحاتىندا جاڭا سالون اشىلىپ جاتتى. شىنبولات &ndash؛ 6 جىلدان بەرى سول جەردە بەلگىلى شاشتاراز. كارانتينگە دەيىن كۇنىنە ورتا ەسەپپەن 20-25, كارانتين ەنگىزىلگەلى 16-17 ادامنىڭ شاشىن قيادى. ءوزىنىڭ ەسەبىنشە, 8 جىل ىشىندە شامامەن 38 مىڭعا جۋىق ادامنىڭ شاشىن الىپتى.

"پالۋانعا وڭ-تەرىسى بىردەي" دەگەندەي قانداي شاش بولماسىن, قانداي شاش ۇلگىسى بولماسىن شىنبولات ءۇشىن ءسوز ەمەس. تەك ءبىر ورىندا وتىرمايتىندىقتان بالالار شاشىن الۋ ءبىراز قيىنداۋ. قالعانى &ndash؛ جارتى ساعاتتىق شارۋا. و باستا قيىنعا سوققان "پلوششادكا" ۇلگىسىن ءقازىر شەبەر مەڭگەرگەن.

جاڭا شىعىپ جاتقان شاش ۇلگىلەرىن ءار شاشتاراز ءارقالاي ۇيرەنەدى. بىرەۋ ارنايى كۋرس وقىسا, بىرەۋى ۆيدەوعا قاراپ مەڭگەرەدى. شىنبولات بىرەۋدىڭ العانىن سىرتتاي باقىلاپ, ءبىر كورىپ السا بولعانى. ءوزى مۇنى "ونەر ۇرلاۋ دەپ اتايمىز" دەيدى.

قايشى, تاراق سۇراۋ &ndash؛ كاسىبي مامانعا جات قىلىق

ار شاشتاراز قۇرال-سايماندى ءوزى الادى. ونى ەشكىمگە بەرمەيدى. ونىمەن شاشتان باسقا ەشتەڭە قيمايدى. بىر-بىرىنەن "قايشى-تاراعىڭدى بەرە تۇرشى" دەپ سۇرامايدى دا. سۇراۋ &ndash؛ كاسىبي مامانعا جات قىلىق.

كەلۋشىلەرىنىڭ كوبى &ndash؛ جاستار. اراسىندا "نەنىڭ جاراساتىنى ساعان كوبىرەك ءمالىم عوي" دەگەندەي اينا الدىنا ءۇنسىز وتىرا سالاتىندار دا كەزدەسەدى.

سوزىنشە, جاستاردىڭ دەنى سوڭعى جىلدارى ەكى شەتىن قىسقا ەتىپ, توبە شاشتى ءبىر جاققا قاراي قايىرىپ, قايىرىلعان تۇستى سىزدىرىپ الاتىن بولعان. مۇنداي شاش ۇلگىسى "اندەركات" دەپ اتالادى ەكەن. "كارانتيندە ەكىنىڭ ءبىرى "پود ماشينكۋ" العىزدى. ءبىراق ارتىنان جاراسپايدى ەكەن, وسپەي جاتىر دەپ وكىنەدى" دەيدى شىنبولات.

شاشتارازدى شەبەرلىنەن بۇرىن ايتقان اڭگىمەسى ءۇشىن تاڭدايتىن كليەنتتەر دە بار بولىپ شىقتى. شىنبولات الدىنداعى ادام ءوزى اڭگىمە باستاماسا, ءبىرىنشى بولىپ سوزگە تارتپايدى.

&ndash؛ ادام ءارتۇرلى عوي. بىزگە كەلگەندە ولاردىڭ كوڭىل-كۇيى دە ءارتۇرلى بولۋى مۇمكىن. بىرەۋ شارشاپ تۇرادى, ەندى بىرەۋ الدەكىممەن رەنجىسىپ كەلەدى. بىرەۋ پروبلەماسىمەن باس قاتىرىپ تۇرۋى مۇمكىن. سوندىقتان ءوزىمنىڭ اڭگىمەممەن كليەنتتى مەزى ەتكىم كەلمەيدى. ءوزى سويلەسە, اڭگىمەسلەسە كەتەم. ونىڭ ۇستىنە جۇمىس كەزىندە ۇساق شاشتاردىڭ اۋىزعا كىرىپ كەتپەۋ جاعىن دا ويلايسىڭ. كليەنتتىڭ شاشىن جۋىپ جاتقاندا باسىن قىسىپ, ۋقالاپ جىبەرەتىنىم بار. بۇل &ndash؛ وزىندىك "فيشكام". مۇنى كوپ ادام ۇناتادى. ء"بىر سەرىگىپ قالدىم" دەپ ريزا بولىپ جاتادى. "قىتىعىم كەلەدى" دەپ جاقتىرا بەرمەيتىندەر دە تابىلادى. نەگىزىنەن الدىن الا سۇراپ الامىن. مۇنداي مايدا-شۇيدە نارسەنىڭ ءوزى كەلۋشىنى ريزا ەتۋى مۇمكىن. ريزا كليەنت كەلەسىدە ءوزى عانا كەلمەي, تانىسىن دا ەرتە كەلۋى مۇمكىن, &ndash؛ دەيدى ول.

شاشتاراز جۇمىسىنا شاش الدىرۋشىلاردىڭ بارلىعىنىڭ بىردەي كوڭىلى تولا بەرمەيتىنى تاعى بار. مۇنداي ساتتەر شاشتارازدىڭ كوڭىل-كۇيىنە, ونىڭ جۇمىسقا دەگەن ىنتاسىنا دا قاتتى اسەر ەتەدى. كوڭىلىنىڭ قوشى جوق ادامنىڭ مازاسى بولماي, جۇمىسى دا جۇرمەيدى. وسىندايدا شىنبولات كەلەسى كليەنتتىڭ كوڭىلىنەن بارىنشا شىعىپ, سونىڭ ريزاشىلىعىن الۋعا تىرىسادى. كەيىنگى كەلۋشىنىڭ العىسىن السا, جۇمىسقا قۇلشىنىسى قايتا اشىلادى.

"اۋىلداعى تانىستارىما 300 مىڭ تەڭگە ۇلكەن قاراجات بولىپ كورىنەدى"

قىستا ادام ازاياتىنى بولماسا, شاشتاراز &ndash؛ قاشان دا سۇرانىسقا يە ماماندىق. شىنبولات بۇل كاسىپكە كوبىنە ەر ادام ەپتى كەلەدى دەپ سانايدى. شاش قيىپ ۇيرەنۋ مەرزىمى اركىمدە ءارقالاي. بىرەۋ ەكى-ۇش كۇندە الىپ كەتۋى مۇمكىن. 5-6 اي بويى ۇيرەنەتىندەر دە بار. شاش العاندا ەرلەردىڭ شاشىن قيۋ قيىنداۋ. ويتكەنى مايدا جۇمىسى كوپ.

شاشتارازداردىڭ تابىسى ءارتۇرلى. شىنبولات ساۋدا ۇيلەرىندە ىستەيتىن شاشتارازدار كوبىرەك الاتىنىن, ءوزىنىڭ ايىنا 300 مىڭ تەڭگەدەي تاباتىنىن ايتتى.

&ndash؛ ورىسشاعا شورقاقپىن. سوندىقتان ساۋدا ۇيلەرىندە ىستەي المايتىن سياقتىمىن. ونىڭ ۇستىنە ول جاقتىڭ "ماستەرلەرىن" قاراساڭ, دەنەسىنە سۋرەت سالىپ العان, كيىم كيىستەرى دە بىزدىكىنەن بولەك. باسقاشا ادامدار سياقتى. ءبىز ونداي ورتاعا ۇيرەنبەگەنبىز عوي. ايتپەسە, سولار شاشتى بىزدەي-اق الادى. كەيبىرىنەن اسىپ تۇسپەسەك, كەم ەمەسپىز. ايىنا شامامەن 300 مىڭ تەڭگەدەي تابام. كەيدە ازىراق, كەيدە كوبىرەك. اۋىلداعى تانىستارىما 300 مىڭ تەڭگە ۇلكەن قاراجات بولىپ كورىنەدى. ءبىراق الماتىدا شىعىن كوپ ەكەنىن ولار قايدان ءبىلسىن. پاتەراقى مەن بالالاردىڭ بالاباقشاسىنىڭ وزىنە ايىنا 100 مىڭ تەڭگە كەتەدى. ازىق-تۇلىك, كيىم-كەشەك الاسىڭ. كرەديت تولەيسىڭ. ءولىم-جىتىم, توي-تومالاق بار. كارانتيندە تابىس ازايىپ كەتتى. كوكتەمدەگى كارانتيندە ءتىپتى ءبارىن جاۋىپ, اۋىلدا جاتتىق, &ndash؛ دەيدى ول.

شىنبولات "الماتىدا ۋاقىتشا ءجۇرمىن" دەيدى.

&ndash؛ بالالار مەكتەپكە بارعانعا دەيىن, بولماسا ەس كىرگەنگە شەيىن الماتىدا جۇرە تۇراتىن شىعارمىن. ءبىراق مۇندا تۇراقتاپ قالمايمىن. ويتكەنى الماتىدا ءبىر تۋىسىم جوق. ارالاسپاساڭ, جات بولاساڭ. اتا-انام, اعالارىم دا, اپالارىم دا شىمكەنت جاقتا. مەن دە ءتۇبى كەتەم, &ndash؛ دەيدى شاشتاراز.