"؛وزىمىز ساتىپ العان وتتەگى باللونىن تارتىپ الدى"؛. شىمكەنت تۇرعىنى اناسىنىڭ ولىمىنە كىنالىلەردى ىزدەيدى

شىمكەنت تۇرعىنى ايجان ەرگەشوۆا پنەۆمونيامەن اۋىرىپ, ەمدەلۋگە بارعان اناسى دارىگەرلەردىڭ سالعىرتتىعىنان كوز جۇمعانىن, وزدەرىنىڭ اقشاسىنا ساتىپ الىنعان وتتەگى باللونىن باسقا ناۋقاسقا بەرىپ قويعانىن ايتتى. قامشى تىلشىسىمەن سويلەسكەن ول ءىستى اقىرىنا دەيىن جەتكىزگىسى كەلەتىنىن, پرەزيدەنت پەن باس پروكۋرورعا رەسمي حات جازىپ قويعانىن جەتكىزدى.

"اۋرۋحانادا ادامدار "وتتەگى تاۋسىلدى" دەپ بايبالام سالىپ, اۋىرىپ جاتقان تۋىستارىنا باللون اكەلىپ جاتتى"

انام ؛امانكۇل اعاباەۆا مەيىربيكە بولىپ ىستەيتىن. ەشقايدا قىدىرىپ شىقپايتىن, كارانتين تالاپتارىن قاتاڭ ساقتادى. ؛سىرقاتتى ناۋقاستاردان جۇقتىرىپ الدى ما, ايتەۋىر 3 شىلدە كۇنى تاماعى اۋىرىپ, ءوزىن جايسىز سەزىندى. ءبىراق قىزۋى كوتەرىلىپ, جوتەل سىندى بەلگىلەر بولماعاندىقتان, ەم شارالارىن ۇيدە جاساۋدى شەشتىك. الايدا كۇننەن-كۇنگە جاعدايى ناشارلاعان سوڭ 7 شىلدەدە رەنتگەنگە تۇسىردىك. انامنان ەكىجاقتى پنەۆمونيا انىقتالدى. ارتىنشا جەدەل-جاردەم شاقىرىپ, "اسار" ىقشاماۋدانىنداعى جاڭادان سالىنعان اۋرۋحاناعا اپارعانىمىزدا تىركەلۋشىلەردىڭ تىزىمىندە انامنىڭ جوعىن ايتتى. دارىگەرلەرگە جالىنىپ-جالبارىنىپ, ارەڭ دەگەندە ەمحاناعا جاتقىزۋعا رۇقسات الدىق. دارىگەرلەر اۋرۋحانادا ءدارى تاپشى ەكەنىن ايتىپ, قاجەتتى دارى-دارمەكتەردى وزىمىزگە الۋدى وتىنگەن سوڭ 300 مىڭ تەڭگەگە ءدارى ساتىپ الدىق. سول ءتۇنى ءىنىم ەكەۋمىز انام جاتقان رەانيماسيانى كۇزەتۋمەن بولدىق. ءبىر ۋاقىتتا ادامدار شۋلاپ, "وتتەگى تاۋسىلدى" دەپ وتتەگى باللونىن اكەلىپ جاتىر ەكەن. ؛بىز دە سول ءتۇنى كەزەكشىلىكتە بولعان سانيتار دارىگەرگە وتتەگى تولتىرىلعان باللوندى اكەلىپ بەرگەنبىز. ول باللوندى اناما قوسىپ بەرگەنىن ايتقان. ءبىز وعان سەندىك.

"ىنىم رەانيماسياعا كىرىپ بارعاندا, انام وتتەگىسىز جاتتى"

دارىگەرلەر وتتەگى باللونىن اپارىپ بەرگەنىن, انامىزعا جاعدايى جاقسى ەكەنىن ايتقان. ءبىراق ءىنىم انامىزعا كەزەكتى رەت كىرگەندە ؛انامنىڭ وتتەگىسىز جاتقانىن كوردى. انام مەن بىرنەشە ادام قينالىپ دەمالىپ جاتىر ەكەن. ناۋقاستاردىڭ جانىندا بىردە-بىر دارىگەر بولمادى. ءبىز ايقايلاسىپ ءجۇرىپ, باسقا ناۋقاسقا بەرىلگەن باللونىمىزدى الدىرتتىق. ىشىندەگى وتتەگى تاۋسىلۋعا از قالىپتى. سودان ەكىنشى باللوندى الىپ كەلۋگە كەتكەنىمىزدە انامنىڭ قايتىپ كەتكەنىن ەستىدىك. سول كۇنى ؛اناممەن قاتار تاعى كوپتەگەن ادام قينالىپ انا دۇنيەگە اتتاندى. ؛بۇل ؛شىلدەنىڭ 8-ىنەن 9-نا قاراعان ءتۇن بولاتىن. ءبىز وتتەگى باللونىن انامنىڭ اۋزىنان كىمنىڭ العانىن انىقتاي المادىق. دارىگەرلەر سول جەردە اۋىرىپ جاتقان ناۋقاستاردىڭ ءبىرىنىڭ تۋىسى العانىن ايتىپ وتىر. ءتىپتى سولاي بولعان كۇننىڭ وزىندە دە ول جەردەگى جاۋاپتى مەديسينا قىزمەتكەرى قايدا جۇرگەن. ول ءوز ورنىندا بولعاندا مۇنداي قايعىعا دۋشار بولماس ەدىك قوي. مەن وتتەگىنى بىرەۋ قاساقانا العانىنا سەنىمدىمىن.

مارقۇم امانكۇل اعاباەۆا

"پروكۋراتۋرا ادام ءولىمى بويىنشا تەكسەرىس جۇرگىزۋگە ءتيىس"

انامنىڭ جەتىسى وتكەننەن كەيىن ۇيگە شىمكەنت قالاسى اكىمىنىڭ ورىنباسارى جانە ءباسپاسوز حاتشىسى كەلىپ, ءبىزدى سابىر ساقتاۋىمىزدى سۇراپ, بولعان جاعدايعا كەشىرىممەن قاراۋعا شاقىردى, مەنىڭ ويىمشا, ءقازىر سابىرعا سالىپ, كەشىرىممەن قاراپ وتىراتىن ۋاقىت ەمەس. مۇندا اكىمشىلىكتەن باستاپ, سول كۇنى كەزەكشىلىكتە بولعان دارىگەرلەرگە دەيىن زاڭبۇزۋشىلىققا بارىپ وتىر. وتكەن سەنبى, 18 شىلدەدە پرەزيدەنت قاسىم-جومارت توقاەۆقا جانە باس پروكۋرور عيزات ؛ نۇرداۋلەتوۆكە رەسمي حات جولدادىم. ؛بۇل وقيعا ءبىر عانا تەكسەرىسپەن توقتاپ قالماۋعا ءتيىس, جاۋاپتى ورگاندار جاۋاپكەرشىلىككە تارتىلۋى كەرەك. مەن ءىستى سوڭىنا دەيىن الىپ بارامىن. پروكۋراتۋرا ادام ءولىمى بويىنشا تەكسەرىس جۇرگىزۋگە ءتيىس. ەگەر دارىگەرلەر انامدى قۇتقارىپ قالۋ ءۇشىن بارلىق امالدى جاساپ, قولدان كەلگەنشە كومەكتەسسە, بۇلاي بايبالام سالماس ەدىم. ءوزىمىزدىڭ قاراجاتىمىزعا ساتىپ الىنعان وتتەگىدەن ايىرعان ەمحانادا ۇلكەن ماسقارا بولىپ جاتىر. ءالى دە سول ەمحانادا قايتىس بولىپ جاتقان ادامدار كوپ. سالعىرتتىقپەن قاراعان دارىگەرلەردىڭ جانە جاۋاپتى باسشىلاردىڭ كەسىرىنەن قانشاما ادام ومىرىمەن قوشتاسىپ جاتىر. مەن ءوز قۇقىعىمدى ساقتاي وتىرىپ, جان-جاققا بارىنشا جازىپ, ءوتىنىش بىلدىرەتىن بولامىن.