توقاەۆتىڭ نازارىنا: قازاقستانداعى پنەۆمونيا كوروناۆيرۋس دەپ تانىلسىن!

قازاقستاننىڭ دەنساۋلىق ساقتاۋ مينيسترلىگى وكپەسى قابىنىپ اۋىرىپ جاتقان ناۋقاستاردى كوروناۆيرۋس ەمەس, پنەۆمونيا دەۋدەن تانباي وتىر. الايدا دۇنيەجۇزىلىك دەنساۋلىق ساقتاۋ ۇيىمى, قازاقستان جانە شەتەل عالىمدارى ەلدە جاپپاي تارالىپ جاتقان پنەۆمونيا دەرتىنىڭ ءىس جۇزىندە كوروناۆيرۋس ەكەنىن مالىمدەدى.

قازاقستاندا سوڭعى رەسمي دەرەككە ساي, 56 ؛455 ادامنان covid-19 انىقتالعان. ونىڭ ىشىندە 32 500 ناۋقاس اۋرۋدان ايىعىپ شىقسا, 264 ادام ىندەتتەن كوز جۇمعان. بۇل كوروناۆيرۋس پاندەمياسى ەندى باستالعان شاقتا دەنساۋلىق ساقتاۋ مينيسترلىگى بولجاعان مەجەدەن 16 ەسەگە كوپ.

ال ەلدە پنەۆمونيادان كوز جۇمعانداردىڭ سانى جاريالانبادى. دەنساۋلىق ساقتاۋ ءمينيسترى "ناقتى دەرەكتى حابارلايمىز" دەگەنىمەن, اقپارات ءالى شىققان جوق. تەك جىل باسىنان بەرى 6 ايدا اتالعان سىرقاتتان مەرت بولعاندار ستاتيستيكاسى ايتىلدى. الايدا ونىڭ ءوزى الا-قۇلا. ماسەلەن, 3 شىلدەدە قازاقستاننىڭ باس سانيتار دارىگەرى ايجان ەسماعامبەتوۆا ەلدە سوڭعى جارتى جىلدا پنەۆمونيادان 1 772 ادام اجال قۇشقانىن مالىمدەگەن. ال دەنساۋلىق ساقتاۋ مينيستر الەكسەي سوي 9 شىلدەدە وتكەن بريفينگتە سوڭعى التى ايدا 1 172 ادامنىڭ پنەۆمونيادان قايتىس بولعانىن ايتقان.

باس سانيتار ايجان ەسماعامبەتوۆانىڭ دەرەگىنشە, پنەۆمونيادان كوز جۇمعاندار covid-19-دان قازا تاپقانداردان 7 ەسەگە, مينيستر مالىمەتى بويىنشا پنەۆمونيادان قايتىس بولعاندار كوروناۆيرۋس ولىمىنەن 5 ەسەگە ارتىق.

بۇل مالىمدەمەلەردەن كەيىن, رەسمي دەرەكتى نەگىزگە الىپ الدىمەن قىتاي, ارتىنشا باتىستىڭ ون شاقتى ءىرى ءباسپاسوز قۇرالى قازاقستاندا ءولىم كورسەتكىشى كوروناۆيرۋستان دا جوعارى وكپە اۋرۋى ياعني پنەۆمونيا تاراپ جاتقانى تۋرالى جازدى.

كەيىن ۇلىبريتانيالىق daily mail باسىلىمى اعىلشىن جانە قىتاي مەديسينا ماماندارىنان سۇحبات الىپ, ماماندارىنىڭ "قازاقستاندا تارالىپ جاتقان پنەۆمونيا ءىس جۇزىندە covid-19" دەگەن قورىتىندىسىن ؛جاريالاعان.

ال دۇنيەجۇزىلىك دەنساۋلىق ساقتاۋ ۇيىمى جۇما كۇنى قازاقستانداعى وكپە اۋرۋىن covid-19 دەپ سانايتىنىن مالىمدەدى.

ددسۇ توتەنشە جاعداي باعدارلاماسىنىڭ جەتەكشىسى مايك راياننىڭ سوزىنشە, قازاقستانداعى covid-19 قوزعالىسىنىڭ جوعارى تراەكتورياسى پنەۆمونيانىڭ شىن مانىندە covid-19-دىڭ انىقتالماعان جاعدايلارى ەكەنىن بىلدىرەدى.

بۇعان دەيىن قازاقستاندىق نەيروحيرۋرگ دارىگەر مىڭجىلقى بەردىقوجاەۆ "پنەۆمونيادان قايتىس بولىپ جاتقان ادامداردىڭ 99 پايىزىنىڭ ولىمىنە كوروناۆيرۋس سەبەپ" ەكەنىن ءمالىم ەتكەن.

قامشى پورتالى وسى رەتتە دۇنيەجۇزىلىك دەنساۋلىق ساقتاۋ ۇيىمىنىڭ, قازاقستان جانە شەتەل عالىمدارىنىڭ مالىمدەمەلەرىن نەگىزگە الىپ, پرەزيدەنت قاسىم-جومارت توقاەۆ پەن دەنساۋلىق ساقتاۋ ءمينيسترى الەكسەي سويدى قازاقستانداعى پنەۆمونيانى كوروناۆيرۋس دەپ تانۋعا شاقىرادى.