فوتوكوللاج
اقپاراتتى بۇۇ باس حاتشىسىنىڭ ءباسپاسوز حاتشىسى ستافان ديۋجارريك راستادى. ونىڭ سوزىنشە, قۇراما شتاتتار دۇنيەجۇزىلىك دەنساۋلىق ساقتاۋ ۇيىمىنا 1948 جىلدىڭ 21 ماۋسىمىنان بەرى مۇشە.
ۇيىمعا كىرۋ مەن شىعۋدىڭ بەلگىلى ءبىر تالاپتارى بار. ۇيىمنان شىعۋشى ەلگە قويىلاتىن تالاپتاردىڭ ءبىرى شىعۋشى مەملەكەت مۇنداي قادامى تۋرالى ءبىر جىل بۇرىن ەسكەرتىپ, بارلىق قارجىلاي مىندەتتەمەلەرىن وتەۋى كەرەك.
بۇۇ باس حاتشىسى ددسۇ قاۋلىسىنىڭ ؛دەپوزيتارييى ەسەبىندە, ۇيىمنان شىعۋ تالاپتارىنىڭ ورىندالۋىن قاداعالايدى.
بۇعان دەيىن اقش پرەزيدەنتى دونالد ترامپ دۇنيەجۇزىلىك دەنساۋلىق ساقتاۋ ۇيىمىن "كوروناۆيرۋستىڭ ورشۋىنە جول بەردى", "نەگىزگى مىندەتىن ورىندامادى", "قىتاي بيلىگىن جاقتايدى جانە بەيجىڭنىڭ جالعان اقپاراتتارىن قولدايدى" دەپ ؛ ايىپتاپ, قارجىلاندىرۋدى توقتاتاتىنىن مالىمدەگەن.
ال اقش مەملەكەتتىك حاتشىسى مايك پومپەو fox news راديوسىنا بەرگەن سۇحباتى كەزىندە ددسۇ-نى باسقا ۇيىممەن اۋىستىرۋ ماسەلەسى قارالاتىنىن حابارلاعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر