تۇركىستاندا قازاقستاننىڭ ەكس-پرەزيدەنتى نۇرسۇلتان نازارباەۆقا قويىلعان ءمۇسىن
6 شىلدە ؛&ndash؛ قازاقستاندى ؛30 جىلعا جۋىق ۇزدىكسىز بيلەپ, بىلتىر ناۋرىز ايىندا ءوز ەركىمەن پرەزيدەنتتىكتەن ؛ كەتكەن نۇرسۇلتان نازارباەۆتىڭ تۋعان كۇنى. ول بۇگىن 80 جاسقا تولىپ وتىر. نازارباەۆتىڭ تۋعان كۇنى بىلتىر ءوزىنىڭ ەسىمى بەرىلگەن ەل استاناسى نۇر-سۇلتان قالاسىنىڭ كۇنىمەن تۇسپا-تۇس. ؛
سوڭعى جىلدارى قازاقستاندا ازاماتتاردىڭ قارسىلىعىنا قاراماستان, نازارباەۆقا ەسكەرتكىشتەر قويىلىپ, ونىڭ ەسىمى كوشەگە, ۆوكزالعا, ساياباققا, مەكتەپكە بەرىلە باستادى. كەيبىر ساراپشىلار بۇنى "جەكە باسقا تابىنۋ" دەپ ەسەپتەيدى. ال بيلىكشىل كوزقاراستاعى ادامداردىڭ ويىنشا, بۇل &ndash؛ نازارباەۆقا كورسەتىلگەن قۇرمەت. ؛ قامشى ءتىلشىسى ؛ ينتەرنەتتەگى مالىمەتتەردى نەگىزگە الا وتىرىپ, قازاقستاندا جانە شەتەلدەردە نازارباەۆتىڭ اتى بەرىلگەن كوشەلەر مەن نىساندارعا شولۋ جاسادى. ؛
نازارباەۆتى قازاقستاننان تىس جەرلەردە دارىپتەۋ
الەمنىڭ بىرنەشە مەملەكەتىندە قازاقستاننىڭ ەكس-پرەزيدەنتىنىڭ اتىندا كوشە بار. ەڭ العاش 2007 جىلى رەسەيدىڭ قۇرامىنداعى شەشەن رەسپۋبليكاسىنىڭ استاناسى گروزنىي قالاسىنداعى ورتالىق كوشەلەردىڭ بىرىنە نازارباەۆتىڭ اتى بەرىلگەن. كەيىن 2010 جىلى ءدال وسى گروزنىي قالاسىنداعى مەكتەپتەردىڭ ءبىرى دە نازارباەۆتىڭ ەسىمىمەن اتالدى. بۇدان بولەك, رەسەيدەگى قازان (تاتارستان استاناسى) جانە ماگاس (ينگۋشەتيا استاناسى) قالاسىندا نازارباەۆ اتىنداعى كوشە بار.
گروزنىي قالاسىنداعى نازارباەۆ اتىنداعى مەكتەپ
قازاقستاننىڭ ەكس-پرەزيدەنتىنە رەسەيدەن باسقا دا پوستكەڭەستىك ەلدەردىڭ بىرنەشەۋى كوشە بەرىپ, مونۋمەنت قويعان. ولاردىڭ قاتارىندا ارمەنيا, قىرعىزستان جانە ۋكراينا بار.
ارمەنيادا نازارباەۆتىڭ اتىندا كوشە بولسا, ؛قىرعىزستاندا وعان 2005 جىلى ؛ ۇلكەن ەسكەرتكىش قويىلدى. ال ؛ۋكراينانىڭ دنەپرودزەرجينسك قالاسىندا پرەزيدەنت نازارباەۆ وقىعان كاسىپتىك كوللەدجدە 2011 جىلى ؛ نازارباەۆ مۋزەيى اشىلىپ, پرەزيدەنتتىڭ ءمۇسىنى ورناتىلعان. ؛
قازاقستانمەن باۋىرلاس ەل بوپ سانالاتىن تۇركيادا نازارباەۆقا دەگەن قۇرمەت ەرەكشە. ينتەرنەتتەگى اقپاراتقا ساي, ءقازىر بۇل ەلدە نازارباەۆ اتىنداعى ءتورت كوشە جانە ۇلكەن ءبىر ەسكەرتكىش بار. ؛
يوردانيا استاناسى امماندا دا نازارباەۆقا ءبىر كوشە بەرىلگەن. ؛
تۇركيادا نازارباەۆقا قويىلعان ەسكەرتكىش
نۇر-سۇلتانداعى نۇرسۇلتان نازارباەۆ
نازارباەۆ ەسىمىمەن بايلانىستى نىسانداردىڭ كوپ بولىگى قازاقستاننىڭ استاناسىندا. ؛
بۇل قالادا ونىڭ اتىنداعى نىساندار 2000 جىلدان بەرى پايدا بولا باستادى. ؛ەڭ العاش نازارباەۆ ەسىمى بەرىلگەن نىساندار قاتارىندا پرەزيدەنت ءارحيۆى مەن كىتاپحاناسى تۇر. ولاردان بولەك, ؛ ەل استاناسىندا تۇڭعىش پرەزيدەنت مۇراجايى مەن نازارباەۆ ۋنيۆەرسيتەتى بار.
قالاداعى تەمىر جول ۆوكزالى مەن اۋەجاي دا نازارباەۆتىڭ اتىندا. ؛
قازاقستاننىڭ ءىرى قالالارىنىڭ بارىندە جۇمىس ىستەپ جاتقان "نازارباەۆ زياتكەرلىك مەكتەپتەرىنىڭ" العاشقىسى دا ءدال وسى ەل استاناسىندا اشىلعان. ؛
نازارباەۆ ؛ 2019 جىلى ءوز ەركىمەن پرەزيدەنتتىكتەن كەتكەننىڭ ەرتەسىندە-اق ونىڭ اتىنداعى نىساندار كوبەيە باستادى. ول كەتە سالا ورنىنا كەلگەن سول كەزدەگى سەنات سپيكەرى قاسىم-جومارت توقاەۆ حالىقتىڭ پىكىرىن تىڭداماستان, استانا قالاسىن نۇر-سۇلتان دەپ وزگەرتتى. بۇعان قوسا, توقاەۆ بارلىق وبلىس ورتالىقتارىنداعى ورتالىق كوشەلەردىڭ ءبىرىن نازارباەۆتىڭ اتىنا وزگەرتۋ تۋرالى بۇيرىق بەردى. ؛
80 جىلدىعى قارساڭىندا ەل استاناسىندا نازارباەۆتىڭ اتى بەرىلگەن تاعى ءبىر ەسكەرتكىش بوي كوتەردى. ول ؛ەسكەرتكىش ؛ۇلتتىق قورعانىس ۋنيۆەرسيتەتىنىڭ الدىنا قويىلدى. بۇل ۋنيۆەرسيتەت تە نازارباەۆتىڭ اتىندا. ؛
80 جىلدىعى قارساڭىندا نازارباەۆقا قويىلعان ەسكەرتكىش
الماتىدا 2010 جىلى ءبىرىنشى پرەزيدەنت ساياباعى اشىلدى. ال 2011 جىلى ساياباققا ونىڭ ۇلكەن ەسكەرتكىشى ورناتىلدى.
تۇڭعىش پرەزيدەنت اتىنداعى ساياباق تاراز, قىزىلوردا جانە اقتوبە قالاسىندا دا بار. ؛
ەكس-پرەزيدەنت تۋرالى وسى ۋاقىتقا دەيىن كوپتەگەن فيلمدەر ءتۇسىرىلىپ, كىتاپتار جازىلدى. ەلدە وعان ولەڭ شىعارعان اقىندار دا, ءان ارناعان كومپوزيتورلار دا كوپ. ؛
؛
؛
؛
؛
؛
؛
؛
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر