نازارباەۆ: وندايدى ەشقاشان جاساعان ەمەسپىز

بەينەبايلانىس ارقىلى شىققان ۇكىمەت باسشىسى اسقار مامين بيىلعى جىلىتۋ ماۋسىمىندا استانادا گاز جاعىلاتىنىن جەتكىزدى.

"الداعى جىلۋ بەرۋ ماۋسىمىندا نۇر-سۇلتان قالاسى گازدى قابىلدايدى. بۇگىندە "سارىارقا" گاز قۇبىرى پايدالانۋعا بەرىلدى. قۇبىردىڭ ىشىندە قىسىم بار. قازىرگى كەزدە جەس-2-نى گازعا اۋىستىرۋ جۇمىستارى اتقارىلىپ جاتىر", &ndash؛ دەدى مامين.

پرەمەر-مينيستردىڭ ايتۋىنشا, استانادا گاز تاراتۋ جۇيەلەرى ىسكە اسىرىلۋدا. بيىل نىسانداردىڭ ءبىراز بولىگى گازعا قوسىلادى.

"بۇدان بولەك, تەمىرتاۋدى گازعا كوشىرۋ شارالارى جۇرگىزىلۋدە. قاراعاندى مەن جەزقازعاندا ءبىراز جۇمىس جاسالدى. جالپى, قازىرگى كەزدە قۇبىر جەلىسىنىڭ بويىندا جاتقان بارلىق ءىرى ەلدى مەكەندەردى الداعى جىلىتۋ ماۋسىمىندا گازبەن قامتۋعا تىرىسامىز", &ndash؛ دەپ اتاپ ءوتتى مامين.

ەلباسى ءوز كەزەگىندە ءىرى گاز قۇبىرىنىڭ العاش سالىنعانىنا توقتالىپ, سونىڭ ارقاسىندا ەكولوگيانىڭ جاقساراتىنىن دا ەرەكشە اتاپ ءوتتى.

"بىز العاش رەت وڭتۇستىكتەن سولتۇستىككە ۇلكەن گاز قۇبىرىن تارتتىق. وندايدى ەشقاشان جاساعان ەمەسپىز. ەندى, وسىنى حالىقتىڭ يگىلىگىنە جاراتۋ قاجەت, حالىق سەزىنۋى كەرەك. سونىڭ ارقاسىندا نۇر-سۇلتاننىڭ ەكولوگياسى جاقسارادى, قالالار گازبەن قامتاماسىز ەتىلەدى. حالىق مۇلدەم باسقاشا ءومىر سۇرەتىن بولادى", &ndash؛ دەدى نازارباەۆ.

نۇر-سۇلتاندى گازداندىرۋ قالاي ءجۇرىپ جاتىر؟

اكىمدىك مالىمەتى بويىنشا ونەركاسىپ كەشەندەرى مەن تۇرعىن ءۇي سەكتورلارىن گازداندىرۋ ءۇش كەزەڭنەن تۇرادى.

الداعى جىلۋ بەرۋ ماۋسىمىندا كوكتال-1, كوكتال-2, اگروقالاشىق, پرومىشلەننىي, جەلەزنودوروجنىي تۇرعىن ءۇي الاپتارىنا گاز جەتكىزىلەدى دەگەن جوسپار بار.

ەكىنشى كەزەڭدە ميچۋرينو, ينتەرناسيونالنىي, كۇيگەنجار ء(1-2-شى ىسكە قوسۋ كەشەنى), تەلمان ء(3-شى ىسكە قوسۋ كەشەنى), پريگورودنىي, garden village جانە family village ء(4-شى ىسكە قوسۋ كەشەنى) تۇرعىن ءۇي الاپتارى كوگىلدىر وتىنمەن قامتاماسىز ەتىلەدى.

ۇشىنشى كەزەكتە يلينكا ء(1-2-شى ىسكە قوسۋ كەشەنى), شۇبار ء(3-شى ىسكە قوسۋ كەشەنى), ءوندىرىس ء(4-شى ىسكە قوسۋ كەشەنى) تۇرعىن ءۇي الاپتارىنا تارتىلادى.

جوبالاردى ىسكە اسىرۋ مەرزىمى 2020-2023 جىلدار ارالىعىن قامتيدى.