05 ناۋرىز, 2020 الەم
اشىق دەرەككوزدەن
يتاليادا كوروناۆيرۋس جۇقتىرعاندار سانى 3000-نان اسىپ كەتتى. يتاليا ازاماتتىق قورعانىس ۇلتتىق قىزمەتىنىڭ باسشىسى اندجەلو بوررەلليدىڭ ايتۋىنشا, ەلدە ۆيرۋستان كوز جۇمعاندار سانى 107 ادامعا جەتكەن. بۇعان قوسا, ؛297-گە جۋىق ادام جانساقتاۋ بولىمىندە جاتىر. ؛
يتاليا ۇكىمەتى كوروناۆيرۋس سالدارىنان بەيسەنبىدەن باستاپ ناۋرىز ايىنىڭ ورتاسىنا دەيىن ەلدەگى بارلىق مەكتەپتەر مەن ۋنيۆەرسيتەتتەردى جابۋ شەشىمىن قابىلدادى. بۇل تۋرالى يتاليانىڭ ءبىلىم ءمينيسترى ليۋسيا اسسولينا ءمالىم ەتتى.
دۇنيەجۇزىلىك دەنساۋلىق ساقتاۋ ۇيىمىنىڭ دەرەگىنشە, يتاليا وڭتۇستىك كورەيا مەن يران سياقتى ۆيرۋس ءورشىپ بارا جاتقان ەلدەردىڭ قاتارىندا.
سوڭعى اقپاراتقان قاراعاندا, دۇنيەجۇزى بويىنشا شامامەن 3200 ادام كوروناۆيرۋستان كوز جۇمعان, 90 مىڭنان استام ادامنان ۆيرۋس تابىلعان. ولاردىڭ كوبى ۆيرۋس تاراعان قىتايدا تىركەلگەن.
؛
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر