02 ناۋرىز, 2020 ساياسات
"؛سىزدەردىڭ بالالارىڭىز قازاق ءتىلىن ۇيرەنۋى كەرەك"؛: توقاەۆتىڭ قوردايعا تاستاعان "؛جىڭىشكە"؛ ساياساتى
ەكى توپتىڭ اراسىنداعى ايقايدان ەكى ۇلتتىڭ قانتوگىسىنە ۇلاسقان قورداي وقيعاسىنىڭ قولامتاسى ءالى سۋىعان جوق. سۋىعانى تۇرىپتى, ول ەندى ساياسي ويىندار ساحنالاناتىن "؛ادرەسكە"؛ اينالدى. وعان مەملەكەت باسشىسى قاسىم-جومارت توقاەۆتىڭ سورتوبە اۋىلىنداعى مادەنيەت ۇيىندە دۇنگەن دياسپوراسىنىڭ وكىلدەرىمەن كەزدەسۋ وتكىزۋى دالەل-اق.
فوتو: akorda.kz
يا, پرەزيدەنت سول كەزدەسۋدە تۇپ-تۋرا دۇڭگەندەرگە: "سىزدەردىڭ بالالارىڭىز قازاق ءتىلىن ۇيرەنۋى كەرەك" دەپ ەسكەرتتى. مۇنى ول قورداي وقيعاسى بۇرىن-سوڭدى بولماعان جاعداي ەكەنىن, ءتىپتى بۇندا بيلىكتىڭ دە قاتەلىگى بار ەكەنىن اتاي وتىرىپ مالىمدەدى. ؛
ول ؛&ndash؛ ول ما, توقاەۆ وسى كەزدەسۋىندە ؛دۇنگەن دياسپوراسىنىڭ وكىلدەرىنە جاستاردىڭ تاربيەسىنە باسا ءمان بەرۋى كەرەكتىگىن دە باسا ايتتى. ؛
"سىزدەردىڭ بالالارىڭىز قازاق ءتىلىن ۇيرەنۋى كەرەك. سونداي-اق ورىس ءتىلى مەن ءوزىنىڭ انا ءتىلىن دە ءبىلۋى قاجەت. مەملەكەت سىزدەردىڭ مادەنيەتتەرىڭىز بەن داستۇرلەرىڭىزدى ساقتاپ, دامىتۋعا جان-جاقتى قولداۋ كورسەتەدى. دەگەنمەن سىزدەر, اسىرەسە, اۋىلدا تۇراتىن ازاماتتار مەملەكەتتىك ءتىلدى بىلگەندەرىڭىز اسا ماڭىزدى", ؛&ndash؛ دەدى توقاەۆ.
سويتىپ, سوققىدان سۇيرەتىلىپ ءجۇرىپ ميتينگىگە شىعاتىن "جارالى" قازاق ۇلتشىلدارىنىڭ ءسال دە بولسا قاباعىن جازعىسى كەلگەندەي. ويتپەسە, توقاەۆتىڭ "توي" تارقاعاندا توپتانىپ سارتوبەگە بارۋى, وسىعان دەيىن باق بەتى "جانىپ" تۇرعاندا ايتپاعان پىكىردى اۋىلداعى از حالىققا عانا ايتۋ ءۇشىن بارۋى مۇمكىن دەيسىز بە؟.. ؛
ەڭ قىزىعى سول, كەمەلۇلى ۇكىمەت وتىرىستارىنىڭ بىرىندەگى ب. ساپارباەۆتىڭ تۇرعىنداردى باسقا جاققا كوشىرىۋ تۋرالى: "مەنىڭ ويىمشا, بۇل سۇراقتى كوتەرۋ ەرتە. بۇعان دەيىن قالاي تۇرىپ كەلسە, سولاي تۇرۋ كەرەك. ەڭ باستىسى كەلىسىم مەن ءوزارا تۇسىنىستىك بولۋى ءتيىس" دەگەن ءسوزىن دە ءسال "كاسىبيلەندىردى". ؛
دالىرەك ايتقاندا, بەردىبەك ايتقان "بۇعان دەيىن قالاي تۇرىپ كەلسە, سولاي تۇرۋ" دەگەن نەمكەتتىلەۋ پىكىردى مەملەكەت باسشىسىنىڭ تومەندەگى ەمەۋرىنى ەپتەپ تۇزەدى دەۋگە نەگىز بار. ونى دا وقىپ كورىڭىز: ؛
"قازاقستان ؛&ndash؛ بايتاق ءارى باي مەملەكەت. ەلىمىزدىڭ سولتۇستىگىندە قۇنارلى جەرلەر بار. ءبىز نەگە ءبىر جەردە عانا تۇراقتاۋىمىز كەرەك؟ بالالارىڭىزدى سولتۇستىككە, شىعىسقا قاراي جىبەرىڭىزدەر. سولتۇستىك, باتىس, وڭتۇستىك, شىعىستا سىزدەردىڭ بالالارىڭىزعا جۇمىس ىستەپ, اقشا تابۋعا مۇمكىندىك مول", ؛&ndash؛ دەدى قاسىم-جومارت توقاەۆ.
"مۇمكىندىك" دەمەكشى, قازاقستان پرەزيدەنتى قاراكەمەر, ماسانشى جانە سورتوبە اۋىلدارىنداعى ارنايى جەدەل ارەكەت ەتۋ جاساعىنىڭ مۇمكىندىگىن دە تەكسەرىپ قايتتى وسى ساپارىندا. ءتىپتى, ۇلتتىق گۆارديانىڭ اسكەري قىزمەتشىلەرىمەن دە اڭگىمەلەسكەن. بۇل دا قورداي قاۋپىندەگى "سەزىمتال" تۇس.
بىر سوزبەن ايتقاندا, الماتى ميتينگىدەن "كوز اشپاي" تۇرعان كىلتەڭ تۇستا توقاەۆ قوردايداعى "قولامتانىڭ" ىستىعىن ءوزى بارىپ قوپسىتىپ-قوپسىتىپ تەكسەردى. ءسويتتى دە ديپلومات "جىڭىشكە" ساياساتتىڭ ء"جىبىن" قالدىردى سوندا.
سەبەبى, پرەزيدەنتتىڭ قوردايعا ساپارى ميتينگلەردى "كومەسكىلەندىرۋ" نەمەسە "قارا قازاننىڭ بۋىن شىعارۋ" دەگەنىمىزبەن, جوعارىداعى مىسالدار-اق قازاق-دۇڭگەن قاتىناسىنىڭ دا ۇنەمى "جورمەپ" وتىرىلۋى ءتيىس جۇبىنا جەتكەن ماسەلە ەكەنىن ايعاقتاسا كەرەك. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر