گۇلنار كاريموۆا ميرزياەۆكە اشىق حات جازدى

تۇرمەدە جازاسىن وتەپ جاتقان گۇلنار كاريموۆا وزبەكستان پرەزيدەنتى شاۆكات ميرزياەۆكە اشىق حات جازدى. ول 686 ميلليون دوللار بەرۋگە دايىن ەكەندىگىن حابارلاعان.

حاتتىڭ ءماتىنىن گۇلنار كاريموۆانىڭ لوندوندا تۇراتىن 22 جاستاعى قىزى يمان كاريموۆا ءوزىنىڭ instagram پاراقشاسىنا جاريالادى.

"مەن سىزگە, ەلىمىزدىڭ باسشىسىنا كوپتەن بەرى تانيتىن ادام رەتىندە ۇلكەن ۇمىتپەن حات جازىپ وتىرمىن. مەنىڭ جانايقايىمدى ەستيدى دەپ ۇمىتتەنەم. وسى ۋاقىتقا دەيىن بىرنەشە رەت تۇرمەدەن-تۇرمەگە كوشتىم. بارلىعىن وي ەلەگىنەن وتكىزىپ, شەشىم قابىلداۋعا ۇزاق ۋاقىتىم بولدى", - دەپ جازعان كاريموۆا. ؛

سونداي-اق ميرزياەۆكە جازعان حاتىندا كاريموۆا ءبىر تۇرمەدەن ەكىنشى تۇرمەگە شەكسىز اۋىسۋلارعا جانە وزبەكستاننىڭ كونستيتۋسياسى مەن قىلمىستىق ءىس جۇرگىزۋ كودەكسىن بۇزۋمەن جالعاسىپ جاتقان قىلمىستىق ىستەرگە شاعىمدانادى.

گۇلنار كاريموۆا وزىنە جانە بالالارىنا تيەسىلى مۇلىكتەردىڭ جالپى قۇنى 1,2 ميلليارد دوللار تاركىلەگەنىنە قاراماستان, ولار «؛ماتەريالدىق شىعىندى»؛ وتەۋگە ەسەپتەلمەگەنىن مالىمدەدى. ؛

"وتباسىم مەن دەنساۋلىعىمدى ساقتاۋ ءۇشىن شۆەيسارياداعى بارلىق مۇلكىمدى مەملەكەت پايداسىنا بەرە وتىرىپ, 686 ميلليون دوللار تولەۋگە دايىنمەن", - دەلىنگەن حاتتا.

كاريموۆا «؛مەملەكەت بۇل ماسەلەگە جاقسى پايدا كورۋى مۇمكىن جانە ايتارلىقتاي مولشەردە قاراجاتتى گۋمانيتارلىق جوبالارعا (مەديسينا, ءبىلىم بەرۋ جانە ت.ب.) جاراتا الادى»؛ دەپ جازعان.

حاتتىڭ سوڭىندا كاريموۆا ؛دەنساۋلىعى ناشارلاعانىن, سوندىقتان وتا جاساتۋ قاجەت ەكەنىن ايتادى.

"جوعارىدا ايتىلعان سەبەپتەرگە بايلانىستى مەنىڭ ۇندەۋىم اشىق تۇردە جاريالانادى دەپ ۇمىتتەنەمىن جانە دە بۇعان دەيىن جازعان رەسمي حاتتارىمنىڭ ءسىزدىڭ قولىڭىزعا جەتپەگەنىنە سەنىمدىمىن. ءبىز 7 جىلدان سوڭ بالا-شاعامىزبەن بىرگە ءومىر سۇرە الاتىنىمىزعا سەنەمىز جانە بۇل ءۇشىن سىزگە ريزاشىلىعىمىزدى بىلدىرەمىز", - دەپ جازدى گۇلنار كاريموۆا. ؛