qamshy.kz
22 اقپان كۇنى تۇستەن كەيىن الماتىداعى "استانا" الاڭىنىنىڭ ماڭىندا فرانسيادا تۇراتىن قۋعىنداعى ەكس-بانكير مۇحتار ءابليازوۆ جەتەكشىلىك ەتەتىن "قازاقستاننىڭ دەموكراتيالىق تاڭداۋى" (قدت) ۇيىمىنىڭ ميتينگىسىنە كەلگەندەر اكىمدىك وكىلدەرىنىڭ تاراڭىزدار دەگەن تالابىن ەلەمەدى. تاراماعانداردى پوليسيا بىرتىندەپ ۇستاپ, ارنايى كولىكتەرگە كۇشتەپ تيەدى.
وقيعا ورنىندا جۇرگەن قامشى ءتىلشىسىنىڭ حابارلاۋىنشا, پوليسيا ازاماتتاردى "ميتينگى وتەدى" دەگەن "استانا" الاڭىنا جەتكىزبەي, اۆتوزاكتارعا سالىپ اكەتىپ جاتىر. پوليسيا ۇستاعان نارازىلاردىڭ كەيبىرى "ويان, قازاقستان!", "شال كەت!" دەپ ايقايلاعان.
"ميتينگى وتەدى" دەگەن الاڭ تۇگەلدەي پوليسيا مەن ارنايى جاساقتىڭ باقىلاۋىندا. ارنايى جاساق وكىلدەرى اراسىندا ايەلدەر جاساعى دا ءجۇر.
الاڭ اۋماعىندا ؛ينتەرنەت مۇلدەم ىستەمەي تۇر.
تۇسكە دەيىن ءدال وسى "استانا" الاڭىندا "قازاقستان بيلىگىنە وپپوزيسيامىز" دەپ جۇرگەن تاعى ءبىر ۇيىم &ndash؛ "دەموكراتيالىق پارتيا" بەلسەندىلەرى دە ميتينگى وتكىزبەكشى بولدى. ولاردىڭ ءبىر شوعىرىن تاڭعى ساعات 9.30-دا الاڭعا جەتكىزبەي پوليسيا ۇستاپ الىپ كەتتى.
ال وسى ۇيىمنىڭ ون شاقتى بەلسەندىسى "استانا" الاڭىنا جەتىپ, سول ماڭداعى ءاليا مەن مانشۇك ەسكەرتكىشىنىڭ الدىندا بيلىككە ءوز تالاپتارىن ايتتى. ولار كەشە قاسكەلەڭ قالاسىندا ۇستالىپ, "ميتينگىگە شاقىردى" دەگەن ايىپپەن ءۇش تاۋلىككە قامالعان "دەمپارتيا" باستاماشىل توبىنىڭ جەتەكشىسى "جانبولات ماماي مەن باسقا دا ۇستالعان بەلسەندىلەردى بوساتسىن" دەگەن تالاپ قويدى. ولارعا اكىمدىك قىزمەتكەرلەرى مەن پروكۋراتۋرا وكىلدەرى ەسكەرتۋ جاساپ, تاراۋعا شاقىردى. سودان كەيىن پوليسيا بەلسەندىلەردىڭ بارلىعىن ۇستاپ اكەتتى. ۇستالعانداردىڭ اراسىندا ساياساتكەر تولگەن جۇكەەۆ پەن جانبولات مامايدىڭ ايەلى, "جاس الاش" گازەتىنىڭ باس رەداكتورى ينگا يمانباي دا بار. ءبىراق تۇسكىتەن كەيىن يمانباي facebook پاراقشاسىندا پوست جازىپ, پوليسيا ءوزىن ؛ بوساتقانىن حابارلادى. ؛
بۇعان دەيىن قدت قوزعالىسىنىڭ جەتەكشىسى مۇحتار ءابليازوۆ تا, "دەمپارتيا" باستاماشىل توبىنىڭ جەتەكشىسى جانبولات ماماي دا ءوز جاقتاستارىن 22 اقپان كۇنى "استانا" الاڭىنا ميتينگىگە شاقىرعان بولاتىن. قازاقستاننىڭ باس پروكۋراتۋراسى 21 اقپاندا ءابليازوۆتى "الاياق, ادام ءولتىرۋشى" دەپ قارالاپ, ەل ازاماتتارىنا ول شاقىرعان جيىنعا بارماۋعا كەڭەس بەرگەن بولاتىن. ؛
ازاماتتاردى ءبىر كۇنگە, ءبىر جەرگە ميتينگىگە شاقىرعانىمەن ماماي مەن ءابليازوۆ سوڭعى كەزدەرى ءبىر-بىرىن ءجيى سىناپ ءجۇر. ۇيىمى قازاقستاندا "ەكستريميستىك" دەپ تانىلعان ءابليازوۆ مامايدى "بيلىكتىڭ جوباسى" دەپ ەسەپتەيدى, ال ماماي ءوزى قۇرايىن دەپ جۇرگەن "دەموكراتيالىق پارتيانى" ناعىز "وپپوزيسيالىق ۇيىم" بولادى دەپ ايتادى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر