17 قاڭتار, 2020 ان-كۇي
فوتوكوللاج
كۇنى كەشە كوپتەگەن ونەر ادامدارىنىڭ قولداۋىمەن قازاقستان ورىنداۋشىلار وداعىنىڭ باسقارما ءتوراعاسى قىزمەتىنە سايلانعان ءانشى مەيرامبەك بەسباەۆ ءماجىلىس دەپۋتاتى زاعيپا باليەۆا مەن ونىڭ ۇلى جاڭا باسشىلىققا قوقان-لوقى جاتىر دەپ ايىپتادى. بۇل تۋرالى بەسباەۆ instagram جەلىسىندەگى پاراقشاسىندا جازدى.
بەسباەۆتىڭ سوزىنشە, ؛ قازاقستان ورىنداۋشىلار وداعىنىڭ جاڭا باسشىلىعىنا بۇرىنعى باسشىلىق قوقان-لوقى كورسەتىپ جاتىر. ال ونىڭ ارتىن ءماجىلىس دەپۋتاتى زاعيپا باليەۆا تۇر.
"قۇرمەتتى, زاعيپا ياحياقىزى! مەن 2020 جىلدىڭ 15 قاڭتار كۇنى قازاقستان ورىنداۋشىلار وداعىنىڭ باسقارما ءتوراعاسى بوپ سايلاندىم. داۋىس بەرۋگە ۇيىمنىڭ ەڭ جوعارعى باسقارۋ ورگانى - قۇرىلتايشىلاردىڭ جالپى جيىنى جاساقتاعان باسقارما مۇشەلەرىنىڭ بارلىعى قاتىستى. سايلاۋ وتكىزۋگە قاجەتتى كۆورۋم بولدى. بارلىق رەگلامەنت پەن زاڭدىلىق تولىقتاي ساقتالدى. حاتتاما تولتىرىلىپ, مەنى باس ديرەكتور قىزمەتىنە كىرىسۋىم تۋرالى بۇيرىق تا شىعىپ قويدى. ەندى كەلىپ, بۇرىنعى باسشىلىق جاڭا باسشىلىققا قارسى قوقاڭ-لوققى كورسەتىپ, ءارتۇرلى جاعىمسىز ارەكەتتەر ارقىلى قارسىلىق كورسەتۋدە. بۇرىنعى باسشىلىقتىڭ ارتىندا ءسىزدىڭ ۇلىڭىز جانە ءوزىڭىز تۇر ەكەنسىز. ءسىز زاڭدى تۇردە سايلانعان ماعان, باسقارما مۇشەلەرىنە قىسىم كورسەتىپ, ءارتۇرلى مەملەكەتتىك جانە قۇقىق قورعاۋ ورگاندارىنا تەلەفون شالىپ جاتىر ەكەنسىز. مۇنىڭىز مۇلدە دۇرىس ەمەس دەپ بىلەمىز! نەگە ءسىز انشىلەردىڭ شارۋاسىنا ارالاسىپ, الاشاپقىن بوپ جاتىرسىز؟! ءبىز سونى تۇسىنبەي وتىرمىز. بۇل ارەكەت-قىلىعىڭىز سىزدەي ۇلكەن مەملەكەت قايراتكەرىنە جاراسپايتىن شارۋا." دەپ جازدى ءانشى.
بەسباەۆ دەپۋتاتتىڭ ۇلى انشىلەردىڭ شارۋاسىنا ارالاسپاۋ كەرەك ەكەنىن اتاپ ءوتىپ, باليەۆادان الداعى ۋاقىتتا جاڭا باسشىلىققا قوقان-لوقى جاساماۋىن تالاپ ەتتى. ؛
"انشىلەرگە تيەسىلى اقشاعا تەك ءسىزدىڭ بالاڭىز يەلىك ەتۋ كەرەك دەگەن وي سىزگە قايدان كەلگەن؟! ءبىز ءوز شارۋامىزدى ءوزىمىز شەشۋىمىز كەرەك, وزىمىزگە تيەسىلى قاراجاتتى ءوزىمىز تيىسىنشە جۇمساۋىمىز قاجەت. ەڭبەكتەن تۇسكەن قاراجات ءبىر قالتاعا, ناقتىراق ايتقاندا ءسىزدىڭ بالاڭىزعا ەمەس, مىڭ قالتاعا ياعني ماڭداي تەرىمەن تاۋىپ جۇرگەن انشىلەر مەن ءان وندەۋشىلەردىڭ قالتاسىنا ءتۇسۋ كەرەك. سىزدەن وسىنداي ارەكەتتەرىڭىزدى توقتاتۋدى تالاپ ەتەمىز!" دەدى بەسباەۆ.
15 قاڭتاردا قازاقستاندىق ءبىر توپ ءانشى قازاقستان ورىنداۋشىلار وداعىنان 10 جىلدان بەرى قالاماقىلارىن الا الماي جۇرگەندەرىن ايتىپ, جيىن وتكىزگەن. ولار ؛قازاقستان ورىنداۋشىلار وداعىنىڭ بۇرىنعى باسشىسىن انشىلەرگە ءتيىستى قالاماقىنى تولەمەدى دەپ ايىپتاعان. ارتىنشا انشىلەر سايلاۋ جاساپ, مەيرامبەك بەسباەۆتى وداقتىڭ جاڭا ءتوراعاسى ەتىپ سايلاعان ەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر