• usd 389.52
  • eur 429.21
  • rub 6.07
  • cny 54.94
29 قاڭتار, 11:50:23
قازاقستان ۋكراينانىڭ ساۋدا نارىعىنا الاڭداۋلى

18 جەلتوقسان, 2019 سپورت

توقاەۆ دوپينگپەن ۇستالعان سپورتشىلاردى سىياقىدان ايىرۋ تۋرالى زاڭعا قول قويدى

tengrinews.kz

قازاقستان پرەزيدەنتى قاسىم-جومارت توقاەۆ "قر سپورت جانە دەنە شىنىقتىرۋ تۋرالى كەيبىر زاڭنامالىق اكتىلەرگە وزگەرتۋلەر مەن تولىقتىرۋلار ەنگىزۋ تۋرالى»؛ زاڭ جوباسىنا قول قويدى. بۇل تۋرالى سپورت كوميتەتىنىڭ ءباسپاسوز قىزمەتى حابارلادى. ؛

 ؛

زاڭ جوباسى دوپينگكە قارسى ەرەجەلەردى بۇزعانداردىڭ جاۋاپكەرشىلىگىن قاتاڭداتۋعا, ۇلتتىق دوپينگكە قارسى ۇيىمنىڭ مارتەبەسىن كۇشەيتۋگە باعىتتالعان.

"قولدانىستاعى زاڭناماعا دوپينگكە قارسى ەرەجەلەردى بۇزعانى ءۇشىن جاۋاپكەرشىلىكتى قاتاڭداتۋ بويىنشا وزگەرىستەر مەن تولىقتىرۋلار ەنگىزۋ, اتاپ ايتقاندا سپورتشىعا دوپينگ تاعايىنداعان ادامدارعا قاتىستى اكىمشىلىك جاۋاپكەرشىلىكتى ەنگىزۋ قاجەتتىلىگى تۋىندادى. ول 200 ايلىق ەسەپتىك كورسەتكىش مولشەرىندە ايىپپۇل تۇرىندە جازانى كوزدەيدى" - دەلىنگەن كوميتەتتىڭ حابارلاماسىندا.

زاڭ جوباسىندا دوپينگتى پايدالانعان سپورتشىعا ديسكۆاليفيكاسيا, سپورتشىنىڭ سپورتتاعى ناتيجەسىن جويۋ جانە بىلىكتىلىك ۇپايلارىن نەمەسە بالدارىن الىپ تاستاۋ, اقشالاي كوتەرمەلەۋدى قايتارۋ, سپورتشىلار مەن جاتتىقتىرۋشىلارعا ءومىر بويى اي سايىنعى ماتەريالدىق قامسىزداندىرۋدى تولەۋدى توقتاتۋ, سپورتشىلارعا, جاتتىقتىرۋشىلارعا جانە كلۋب كوماندالارىنىڭ باسشىلارىنا اي سايىنعى اقشالاي قامتۋدى توقتاتۋ, سپورتتىق اتاعىنان ايىرۋ, وليمپيادا, پاراليمپيادا جانە سۋردليمپيادا ويىندارىنىڭ چەمپيونى جانە جۇلدەگەرى تۇرعىن ءۇيدى پايدالانۋ شارتىن بۇزۋ, سپورت تۇرلەرى بويىنشا قازاقستان رەسپۋبليكاسىنىڭ قۇراما جانە شتاتتىق قۇراما كوماندالارىنىڭ قۇرامىنان سپورتشىلاردى, جاتتىقتىرۋشىلاردى شىعارۋ جازالارى قاراستىرىلعان.

توقاەۆ قول قويعان زاڭ بويىنشا, وليمپيادا, پاراليمپيادا جانە سۋردليمپيادا چەمپيوندارى مەن جۇلدەگەرلەرىنە 10 جىل مەرزىمگە جالعا باسپانا بەرۋ, سونداي-اق دوپينگ-تەستىلەردى ساقتاۋ مەرزىمى 10 جىل بولۋىنا بايلانىستى وسى مەرزىمگە اتالعان تۇرعىن ءۇيدى يەلىكتەن شىعارۋعا تىيىم سالۋ كوزدەلگەن. ەگەر وسى كەزەڭدە سىنامالاردا دوپينگ انىقتالماسا, تۇرعىن ءۇي سپورتشىنىڭ مەنشىگىنە بەرىلەدى.

قازاقستان سپورتشىلار 2016 جىلى دوپينگ پايدالاندى دەگەن كۇدىككە ىلىنگەن كەزدە قوعامدا سىني پىكىرلەر كوپ ايتىلىپ, "دوپينگ داۋىنا ىلىككەن سپورتشىلار مەملەكەتتەن العان سىياقىلارىن قايتارسىن" دەگەن تالاپتار قويىلعان. ؛2016 جىلى حالىقارالىق وليمپيادا كوميتەتى ؛ 2008 جىلى پەكيندە جانە 2012 جىلى لوندوندا وتكەن وليمپيادانىڭ دوپينگ سىنامالارىن قايتا ؛49 اۋىر اتلەتتىڭ اناليزىنەن دوپينگ تابىلعان. ولاردىڭ باسىم بولىگى - پوستسوۆەتتىك ەلدەردىڭ, قىتاي, بولگاريا, تۇركيا اتلەتتەرى.

"قايتا تەكسەرۋ" كەزىندە پەكين جانە لوندوندا چەمپيون اتانعان قازاقستاندىق اۋىر اتلەت يليا ءيليننىڭ ەكى وليمپياداداعى سىناماسىنان دوپينگ تابىلعانى حابارلانىپ, ول ەكى التىنىن قايتارىپ بەرگەن. ؛پەكيندە قولا مەدال العان قازاقستاندىق اۋىر اتلەت ماريا گرابوۆەسكايا, لوندوندا چەمپيون بولعان مايا مانەزا, ءزۇلفيا چينشانلو, سۆەتلانا پودوبەدوۆانىڭ دا اناليزدەرى وڭ ناتيجە بەرىپ, ولار دا مەدالدارىن قايتارعان. پەكين مەن لوندون وليمپياداسىنا قاتىسقان ۆلاديمير سەدوۆ پەن الماس وتەشوۆ تە دوپينگ قولداندى دەپ ايىپتالعان.

iwf (حالىقارالىق اۋىر اتلەتيكا فەدەراسياسى) شەشىمىمەن يليا يلين, ءزۇلفيا چينشانلو, مايا مانەزا ەكى جىلعا, سۆەتلانا پودوبەدوۆا سەگىز جىلعا (ەكى رەت دوپينگپەن ۇستالعانى ءۇشىن) سپورتتان شەتتەتىلدى. العاشقى ۇشەۋىنىڭ جازاسى 2016 جىلدىڭ ماۋسىمىنان باستالىپ ەسەپتەلىپ, 2018 جىلدىڭ جازىندا اياقتالدى. چينشانلو مەن يلين سپورتقا ورالدى. ال مانەزا سپورتتان كەتتى.

بۇدان بولەك, 2018 جىلى قىستا قازاقستاندىق شاڭعىشىسى الەكسەي پولتورانين اۆسترياداعى الەم چەمپيوناتى كەزىندە قان دوپينگىن قولدانباق بولدى دەپ ايىپتالىپ, ۋاقىتشا جارىستان شەتتەتىلگەن. حالىقارالىق شاڭعى فەدەراسياسى مەن دۇنيەجۇزىلىك دوپينگكە قارسى اگەنتتىك (wada) پولتورانين ىسىنە قاتىستى ءالى ناقتى شەشىم قابىلداعان جوق.



قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر