جامبىلدا تۇڭعىش پرەزيدەنت كۇنىنە وراي الەۋمەتتىك نىساندار پايدالانۋعا بەرىلدى

جامبىل وبلىسىندا قازاقستان رەسپۋبليكاسى تۇڭعىش پرەزيدەنتى كۇنى قايىرىمدىلىق شارالارى وتكىزىلىپ, ءبىرقاتار الەۋمەتتىك نىساندار پايدالانۋعا بەرىلدى

تۇڭعىش پرەزيدەنت كۇنىنە وراي اۋداندار مەن تاراز قالاسىندا قايىرىلىم اكسيالار ۇيىمداستىرىلدى.
قايىرىمدىلىق شاراعا وبلىس باسشىلىعى, قالا, اۋدان اكىمدەرى باستاعان مەكەمە باسشىلارى, ءىرى كاسىپورىن باسشىلارى, كاسىپكەرلەر وبلىستاعى تۇرمىسى تومەن, تابىسى از, كوپبالالى جانە تولىق ەمەس وتباسىلارعا, جالپى 1281 وتباسىنا ازىق-تۇلىك سەبەتتەرىن, كومىر, قىسقى كيىمدەر, جالپى تۇرمىسقا قاجەتتى زاتتاردى تابىس ەتتى.

ماسەلەن, تاراز قالاسىندا 83 وتباسىنا كومەك كورسەتتى.
(تاراز قالاسى &ndash؛ 83, بايزاق اۋدانىندا &ndash؛ 110, جامبىل اۋدانىندا &ndash؛ 133, جۋالى اۋدانىندا &ndash؛ 116, قورداي اۋدانىندا &ndash؛ 228, مەركى اۋدانىندا &ndash؛ 117, مويىنقۇم اۋدانىندا &ndash؛ 141, تالاس اۋدانىندا &ndash؛ 93, ت.رىسقۇلوۆ اۋدانىندا &ndash؛ 62, سارىسۋ اۋدانىندا &ndash؛ 101, شۋ اۋدانىندا &ndash؛ 97 وتباسى).

سونىمەن قاتار, مەرەكە قارساڭىندا وبلىستا 28 نىسان ەل يگىلىگىنە بەرىلدى. اتاپ ايتقاندا, 1 فرونت وفيس, 22 مەديسينالىق پۋنكت, 2 بالاباقشا اشىلىپ, 3 ينجەنەرلىك جۇيەسى ىسكە قوسىلدى.

- 28 قاراشادا تاراز قالاسىندا "zhambyl invest" فرونت-وفيسى, بايزاق اۋدانىندا كەڭەس, بوتامويناق, باگارا, جاڭاساز اۋىلدارىندا مەديسينالىق پۋنكتەرى بەرىلدى.

- 29 قاراشادا جۋالى اۋدانىندا ت.دۇيسەبايۇلى, قوسبولتەك, قاراسۋ, مايبۇلاق, اقتاستى اۋىلدارىندا مەديسينالىق پۋنكتەر, قورداي اۋدانى, قورداي اۋىلىنداعى 75 ورىندىق «؛كوركەم قورداي»؛, قىزىلساي اۋىلىندا 50 ورىندىق ء«؛تىلاشار 2»؛ جەكە مەنشىك بالاباقشالارى, بايتەرەك, قىزىلساي اۋىلدارىندا مەديسينالىق پۋنكتەر, مەركى اۋدانىندا تالدىبۇلاق, قازاقديحان, سىپاتاي باتىر, اققاينار, تەسكەنتوعان اۋىلدارىندا مەديسينالىق پۋنكتەر پايدالانۋعا بەرىلدى.

- 30 قاراشادا جۋالى اۋدانىندا تەرىس, قوسبولتەك, نۇرلىكەنت اۋىلدارىندا جاڭا تۇرعىن القابىنىڭ ينجەنەرلىك جۇيەسى ىسكە قوسىلدى.

- 1 جەلتوقساندا قورداي اۋدانىندا قالعۇتى, مۇزبەل, كەنەن اۋىلدارىندا مەديسينالىق پۋنكتەر, مەركى اۋدانىندا التىنارىق, قاراسۋ, قايىڭدىساي اۋىلدارىندا مەديسينالىق پۋنكتەر پايدالانۋعا بەرىلدى.

مەرەكەگە وراي وبلىستا 102 مادەني-كوپشىلىك شارا ۇيىمداستىرىلدى.