27 قاراشا, 2019 ماڭعىستاۋ وبلىسى
اقتاۋ قالاسىنداعى نازارباەۆ زياتكەرلىك مەكتەبىنىڭ 9-سىنىپ وقۋشىسى اسلان باقىتكاليەۆ گرەپلينگتەن وتكەن الەم چەمپيوناتىندا قولا مەدالدى جەڭىپ الدى. ازەربايجان استاناسى باكۋدە 8-9 قاراشادا ۇيىمداستىرىلعان جارىس جاسوسپىرىمدەر, جاستار جانە ارداگەرلەر اراسىندا ءوتتى.
جاس سپورتشى جاسوسپىرىمدەر اراسىندا 53 كەلىدە باق سىناسىپ, ەكى كەزدەسۋ وتكىزگەن.
- مەنىڭ سالماق دارەجەمدە 10 سپورتشى بولدىق. العاشقى كەزدەسۋدە ءازىربايجان سپورتشىسى گەيدار حاگۆەرديليدى (heydar ؛ hagverdili) ۇتتىم. ال جارتىلاي فينالدا رەسەيلىك تەمىرلان قاراوچەۆپەن كەزدەستىم. ءبىراق ۇرىس مەن ءۇشىن ءساتسىز بولدى, - دەيدى اسلان.
ايتا كەتۋ كەرەك, اسلان گرەپلينگپەن وتكەن جىلدان اينالىسا باستاعان. ونىڭ قىزىعۋشىلىعى «؛lions fight club»؛ سپورتشىلارى ءوز مۇمكىندىكتەرىن تەڭىز جاعالاۋىندا تانىستىرعاننان كەيىن پايدا بولعان.
- باپكەرىم يسلام دولگاتوۆ ەرەكشە قىزىعۋشىلىعىمدى بايقاپ, جارىستارعا دايىنداي باستادى. ماعان قولداۋ بىلدىرگەن اتا-اناما, باپكەرىمە, مەكتەبىمە العىسىم شەكسىز. بۇدان دا بيىك بەلەستەردى باعىندىرۋعا تىرىسامىن, - دەيدى قولا جۇلدەگەر.
اتالعان جارىسقا قازاقستاننان 120 سپورتشى اتتاندى. ونىڭ 19-ى ماڭعىستاۋلىق. جالپى ەسەپ بويىنشا ماڭعىستاۋلىق بوكسشىلار 3 التىن, 1 كۇمىس, 6 قولا مەدالمەن ورالدى.
 ؛
 ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر