قازاقستاننىڭ ىشكى ىستەر مينيسترلىگى بەلسەندى ؛ دۋلات ءاعادىلدىڭ "يزولياتوردان قاشىپ شىققانىنا" قاتىستى تۇسىنىكتەمە بەردى. بۇل تۋرالى ۆەدومستۆو وكىلدەرى بەلسەندى تۋرالى اقپارات بەرۋدى تالاپ ەتىپ نۇر-سۇلتانداعى مينسترلىك عيماراتىنا بارعان ەلوردالىق بەلسەندىلەرگە ايتقان.
ىشكى ىستەر مينيسترلىگى اكىمشىلىك پوليسيا كوميتەتىنىڭ وكىلى كارىم قاسىموۆ ءاعادىلدىڭ اقمولا وبلىسى سيلينوگراد اۋدانىنداعى ۋاقىشا ۇستاۋ يزولياتورىنان قاشىپ شىققاننى تۋرالى ۆيدەو ايعاق بار ەكەنىن ايتقان. ؛
- ۆيدەودان ونىڭ سىرتقى كيىمىن قالاي كيگەنى, جارىقتى قالاي سوندىرگەنى كورىنەدى. ول "اياعىم اۋىرادى, ءبىراز جازىپ الايىن" دەپ دالىزدە جۇرۋگە سۇرانعان. ونىڭ سەرۋەندەۋگە قۇقىعى بار. كەزەكشى دالادا سۋىق بولعاندىقتان دالىزدە جۇرۋگە رۇقسات بەرگەن. ءسۇيتىپ جۇرگەن كەزدە كەزەكشىنى تەلەفونعا شاقىرعان. ال ءدال سول كەزدە ول دارەتحاناعا بارۋعا سۇرانعان. رۇقسات بەرگەن. سۇيتسە سىرتقى قۇلپىنىڭ ءبىرى جابىلماي قالعان ەكەن. سونى كورىپ, اشىپ كەتىپ قالعان. ىزدەرى دە بار, - دەدى كارىم قاسىموۆ.
ىشكى ىستەر مينسترلىگىنىڭ تاعى ءبىر وكىلى اباي قايىربەكوۆ دۋلات ءاعادىل تۋرالى اقپارات بەرۋدى تالاپ ەتكەن بەلسەندىلەرگە "وقيعا ورىن العان اقمولا وبلىسى سيلينوگراد اۋدانىنداعى ۋاقىتشا ۇستاۋ يزولياتورىندا وسى ىسكە قاتىستى تەرگەۋ ءجۇرىپ جاتقانىن" ايتتى. تەرگەۋ ءجۇرىپ جاتقانىنا بايلانىستى باسقا مالىمەتتەر ايتىلمايتىن ايتقان قايىربەكوۆ ءاعادىلدى ىزدەپ جاتقاندارىن مالىمدەدى. ؛
مينيسترلىك وكىلدەرنىڭ اعادىلگە قاتىستى ايتقان اقپاراتىنا سەنبەيتىنىن ايتقان بەلسەندىلەر "ەگەر دۋلات ءاعادىلدى بۇگىن تاپپاسا, الاڭعا شىعامىز" دەدى.
اعادىلدىڭ ۋاقىتشا ۇستاۋ يزولاياتورىنان "قاشىپ شىققانى" تۋرالى اقپارات 13 قاراشا كۇنى كەشكە قاراي ؛شىققان.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر