04 قاراشا, 2019 الەم
امەريكالىق وتباسى اسىراپ العان ايسۇلۋدىڭ سۋيسيد جاساۋىنا نە سەبەپ بولعان؟ (ۆيدەو)
بۇل تۋرالى ونىڭ اسىراپ العان اكەسى ايتىپ بەردى.
اقش-تا قايتىس بولعان 17 جاستاعى دەۆين ايسۇلۋ تاكاباريدىڭ سۋيسيد جاساۋىنا نە سەبەپ بولعانى بەلگىلى بولدى ؛دەپ جازادى qamshy.kz اقپارات اگەنتتىگى استانا ارناسىنىڭ دەرەگىنىڭ نەگىزگە الىپ. بۇل تۋرالى ونىڭ اسىراپ العان اكەسى ايتىپ بەردى.
ايسۇلۋدى 1 جاسىندا قوستاناي قالاسىنان امەريكالىق ەرلى-زايىپتى اسىراپ العان. كىشكەنتاي كەزىندە كويلەك كيىپ, دومبىرا ساباعىنا قاتىسىپ, سۋرەت سالۋدى جاقسى كورگەن. الايدا ەسەيە كەلە وزگەرە باستادى. ؛
ال ءجاسوسپىرىم كەزىندە ايسۇلۋ ءوزىنىڭ ترانسگەندەر ەكەنىن ايتىپ, اتىن دەۆين دەپ وزگەرتكەن. كەيىن ؛لگبتك (لەسبياندار, گەيلەر, بيسەكسۋالدار, ترانسگەندەرلەر مەن كۆيرلەر) بەلسەندىسى بولىپتى. ؛
"ول ۇل بولاتىنىن ايتتى. ءبىراق فيزيكالىق جاعىنان ترانسگەندەر ەمەس ەدى. وسىلايشا ديانا ايسۇلۋ دەۆين بولدى. ءبىز قايران قالدىق. ءبىراق وعان قولداۋ بىلدىرۋگە تىرىستىق", - دەيدى ايسۇلۋدىڭ اسىراپ العان اكەسى ۋاين تەكاباري.
سونداي-اق اكەسى سوڭعى كەزدەرى ايسۇلۋدىڭ مىنەزى وزگەرىپ, قيىنداپ كەتكەنىن ايتتى. ؛
"سوڭعى 3 جىلدا ول قاتتى قينالدى. ءتىپتى ەمحانادا جاتىپ, ەموسياسىن باسقارۋدى ۇيرەندى. سونىمەن قاتار, دەۆين ءبىر جىگىتتى قاتتى جاقسى كورگەن. جاۋاپسىز ماحابباتتان زارداپ شەكتى. ؛ونىڭ ۇستىنە جاڭا, جوعارى مەكتەپتە ۇلكەن قىسىمعا تاپ بولدى. كەيىن مۇنىڭ ءبارى ونىڭ وزىنە قول جۇمساۋىنا سەبەپ بولدى. سۋيسيد جاسادى", - دەدى ايسۇلۋدىڭ اسىراپ العان اكەسى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر