ديماش قىتايدا قازاقتىڭ تاريحي ءانىن ورىنداپ, الەمدى ءتانتى ەتتى (ۆيدەو)

ديماش قىتايدا "سامالتاۋ" اتتى قازاقتىڭ حالىق ءانىن ورىنداپ كورەرمەندەردى ءتانتى ەتتى ؛دەپ جازادى qamshy.kz اقپارات اگەنتتىگى. ؛ ؛بۇل ءاندى ديماش قىتايدىڭ فۋچجوۋ قالاسىندا وتكەن "ۇلى جىبەك جولى" حالىقارالىق كينوفەستيۆالىنىڭ جابىلۋ سالتاناتىندا ايتتى. ؛

اننىڭ تاريحى 1916 جىلعى تاريحي وقيعالارمەن بايلانىستى. 1916 جىلى ماۋسىمنىڭ 25-ىندە رەسەي پاتشاسى ءىى نيكولايدىڭ «؛رەكۆيزيسيالاۋ تۋرالى»؛ جارلىعى شىعىپ, قازاقستان, ورتا ازيا مەن سىبىردەگى «؛بۇراتانا حالىقتاردان»؛ 19 بەن 43 جاس ارالىعىنداعى 400 مىڭ ادامدى مايداننىڭ تىل جۇمىستارىنا الۋ كوزدەلدى. ونىڭ 240 مىڭىن قازاقتان الىناتىن بولدى. وسى جارلىققا ىلە-شالا قازاق دالاسى مەن ورتا ازيادا جيىرماسىنشى عاسىرداعى ەڭ ايتۋلى, جاپپاي كوتەرىلىستەردىڭ ءبىرى باستالدى.ارقاعا تىرەلگەن قارا مىلتىقتىڭ كۇشىمەن جات ەل, بوگدە جۇرتقا ەرىكسىز كەتىپ بارا جاتقان قازاق جىگىتىنىڭ وسى ءبىر ءانى ارتتا قالعان اتا جۇرتقا دۇعاي سالەم بولىپ جەتتى.