نازارباەۆا: بىرەۋىنىڭ دە ناتيجەسىن كورمەدىك

جامبىل وبلىسىندا پيلوتتىق جوبا قولعا الىنىپ, اۋىل حالقىنا 2,5 پروسەنتپەن كرەديتتەر جانە ميكروكرەديتتەر بەرىلمەك.

سەناتتىڭ بۇگىنگى وتىرىسىندا 2019 جىلعا ارنالعان ناقتىلانعان رەسپۋبليكالىق بيۋدجەتتىڭ جوباسى قارالدى. اتالمىش جوبا ىشىندە جامبىل وبلىسى حالقىنىڭ تابىسىن ارتتىرۋ بويىنشا پيلوتتىق جوباعا بولىنەتىن قىرۋار قارجى دا بار, &ndash؛ دەپ qamshy.kz اقپارات اگەنتتىگى حابارلايدى, ؛سپۋتنيككە ؛سىلتەمە جاساپ.

پيلوتتىق جوبانىڭ العاشقى كەزەڭىن ىسكە اسىرۋعا 7,2 ميلليارد تەڭگە قاراستىرىلعان. سونىڭ ەسەبىنەن اۋىل حالقىنا 2,5 پروسەنتپەن كرەديتتەر جانە ميكروكرەديتتەر بەرىلەدى. مەرزىمى &ndash؛ 5-7 جىل. وسى شارالاردىڭ ارقاسىندا كەلەسى جىلى جامبىل وبلىسىندا 7 مىڭنان استام وتباسىنىڭ تابىسى 104 000 مىڭ تەڭگەگە دەيىن وسەدى دەگەن جوسپار بار. 2021 جىلدا &ndash؛ 156 000 تەڭگە, ال 2022 جىلى جوباعا قاتىساتىن ءاربىر وتباسىنىڭ تابىسى 200 000 تەڭگەگە دەيىن ارتادى.

وبلىس اكىمى اسقار مىرزاحمەتوۆتىڭ ايتۋىنشا, بۇگىندە بارلىق ەسەپ-قيساپ جاسالدى. ءتىپتى, جەم-شوپتىڭ قۇنارلىعى زەردەلەندى. سەبەبى, الدىمەن جەم-شوپتىڭ ارقاسىندا مالدىڭ ونىمدىلىگىن ارتتىرۋعا بولادى. ارزان كرەديتتەر دە وسى كاسىپكە بەرىلەدى. ال شاعىن كرەديتتەردى قايتارۋ كورسەتكىشى 95 پروسەنت بولادى دەگەن بولجام بار.

"بۇگىندە 10 پيلوتتىق وكرۋگ انىقتالدى. ءبىز ءاربىر اۋىلدى وكرۋگتە كرەديت بەرۋ ورتالىقتارىن اشتىق. ول جەردە بارلىق مامان وتىرادى. بۇگىندە پيلوتتىق جوباعا قاتىسۋشىلاردىڭ جارتىسى ءوز قۇجاتتارىن راسىمدەپ الدى. ەندى, قاراشانىڭ باسىندا اقشا وبلىستىق بيۋدجەتكە تۇسسە, ونى تاراتۋعا بولادى. جىلدىڭ اياعىندا قارجىنى يگەرەمىز", &ndash؛ دەدى مىرزاحمەتوۆ سەناتتىڭ بۇگىنگى وتىرىسىندا.

وسى ورايدا سەنات ءتورايىمى داريعا نازارباەۆا ماڭىزدى ءبىر ماسەلەگە توقتالدى.

"نەگىزى, ءبىز "پيلوتتىق جوبا" دەگەن سوزدەن ۇرەيلەنەمىز. سەبەبى, وسى سالادا "تاجىريبە" بار. بۇعان دەيىن تالاي پيلوتتىق جوبا ىسكە قوسىلعان. ارتىنان ونىڭ ناتيجەسىن ەشكىم زەردەلەگەن جوق. دۇرىس ىستەدىك پە؟ بۇرىس ىستەدىك پە؟ ەشكىم ەسەپ بەرمەيدى. سوندا بىردە-بىر پيلوتتىق جوبانىڭ ناتيجەسىن كورمەي كەلەمىز", &ndash؛ دەپ اتاپ كورسەتتى نازارباەۆا.

وسى كەزدە وبلىس اكىمى پيلوتتىق جوبانىڭ تيىمدىلىگىنە ارنالعان كەستەنى كورسەتكىسى كەلدى. ءبىراق, سەنات ءتوراعاسى پرەزەنتاسيانى وقىپ شىققانىن جەتكىزدى.

"بىز پرەزەنتاسيانى وقىدىق. ول جەردە بارلىعى جازىلعان. قاعاز ءبارىن كوتەرەدى. ەندى, سونىڭ ءبارى ءىس جۇزىندە اسسا ەكەن دەيمىز...", &ndash؛ دەپ اتاپ كورسەتتى نازارباەۆا.