قارا دالانىڭ يەسى مەن كيەسى

 ؛  ؛  ؛  ؛ ەكى كۇنگە جوسپارلانعان ساياحات-ساپاردىڭ العاشقى كۇنى تاريحي جانە تابيعي كادەلى جەرلەردى كورۋگە ارنالعان ەكەن. ول وسى ءتىزىمنىڭ شالعاي نۇكتەسى, نارىنقول مەن كەگەننىڭ ەتەگىن باسىپ, شىعىسقا بەت تۇزەگەن كەرۋەن جولداردان ءسال بۇرۋ ورنالاسقان اتاقتى شارىن شاتقالىنان باستالادى. وسى جولداردىڭ اۆتورى بيىل كوكتەمدە بۇل جەرگە فرانسۋز تەاتر رەجيسسەرى, ونەرتانۋشى, پروديۋسەر ەدۋارد فلامەنستى الىپ كەلگەن-دى. سوندا الەمنىڭ تالاي بۇرىشىن ارالاعان, كولورادو ۇستىرتىندەگى ايگىلى گراند-كانونىڭدى كورىپ تاستاعان كەزەگەن ساياحاتشى الىپ اڭعار, قىزعىلت قامال, مىستان سايلاردى كورىپ قاباعات قايران قالعان, مۇنداي كەرەمەتتىڭ باسقا جەردە جوقتىعىن مويىنداعان. سونداعى ءبىر ءسوزى ەسىمدە قالىپتى: c'est magnifique! («؛بۇل نەتكەن كەرەمەت!»؛). فرانسۋزدار بۇل ءسوزدى ءبىر نارسەگە اسا تاڭ بولعاندا ايتادى.

 ؛ ؛ ؛ ؛ ؛ ؛ ؛ ؛ ؛ شارىن... ايتقانداي, بۇل جەرگە الەمدىك دەڭگەيدەگى ءماشھۇر ءانشىمىز ديماش قۇدايبەرگەن ءتۇسىرىلىم توبىمەن كەلىپ, ءوزىنىڭ جاڭا ءسان جەلىسى &ndash؛ dq ءپارفيۋمىنىڭ جارناما روليگىن تۇسىرگەن كورىنەدى. قۇدايشىلىعىن ايتايىق, سول شامادا يرلانديادا, سارقىراما جانىندا تۇسىرىلگەن ءانشىنىڭ جەتى مينۋتتىك «؛زناي»؛ بەينەبايانىنان شارىندا جانە كولسايدا تۇسىرىلگەن 46 سەكۋندتىك پروموروليكتىڭ اسەر-قۋاتى الدەقايدا جوعارى. ونىڭ سەبەبى, الگى تۇسىرىلىمدە انشىگە كۇش سىيلاعان تۋعان جەردىڭ بيوقۋاتى, سوزبەن ايتىپ جەتكىزۋ قيىن الدەبىر سيقىرلى ماگياسى بار. روليكتى يۋتۋبتان تاماشالاپ, شارىنعا عاشىق بولىپ قالعان ديماش تالانتىنا تابىنۋشى مىڭداعان شەتەلدىكتەر وسىنى ايتىپ وتىر. وتكەن جولعى وسىنداي ساياحاتتارىمىزدىڭ بىرىندە ىشىندە سەكسەننەن اسىپ سەلكىلدەگەن امەريكان قاريا بار سولاردىڭ ءبىرقاتارىن ەسىك مۋزەيىنەن ۇشىراتىپ ەدىك, ەندى سولار شارىندا دا ءورىپ ءجۇر. بىلتىر مۇندا ون بەس مىڭ ادام كەلسە, بيىلعى توعىز ايدا 18 807 تۋريست ات باسىن بۇرعان.

 ؛ ؛ ؛ ؛ ؛ ؛ ؛ ؛ ؛ شارىننىڭ شاتقالىنا كىسى باسىنا 750 تەڭگە تولەپ كىرەسىڭ. تاماققا ورتا ەسەپپەن ەكى جارىم مىڭ تەڭگەنى شىتىرلاتىپ تۇرىپ ساناپ بەرەسىڭ. توپ بولىپ كەلىپ, 45 مىڭ تەڭگەگە كيىز ءۇي جالداپ, تۇنەپ كەتۋگە دە بولادى. شەتەلدىكتەر ول جاعىنا قىسىلمايدى. ولاردىڭ تۇسىنبەيتىنى باسقا جايلار. مىسالى, بۇل جەردە شارىنداي الاپات كوركەم, ءماشھۇر ورىن تۇرعاندا ول ورنالاسقان اۋداننىڭ نەگە ۇيعىر اۋدانى اتالاتىنىن سۇرايدى. الدە بۇل تاريحي ەسكى ات پا, ۇيعىرلار وسى جەردىڭ ابوريگەندەرى (بايىرعى حالقى) ما دەيدى. نە دەيسىڭ, تاريحتان قۇلاتىپ جاۋاپ بەرگەن بولاسىڭ, ءبىراق سوعان ءوزىڭ دە سەنبەي تۇراسىڭ. سەبەبى, وسى كىسىلەر كەلگەن سولتۇستىك امەريكادا ۇندىستەر رەزەرۆاسيالارىنىڭ ءوزى سول ابوريگەندەردىڭ اتىمەن اتالمايتىنىن, ەڭ باستىسى اۋدان ات قىلىپ تاعىنىپ وتىرعان ەتنونيمنىڭ ءدال وسى ولكەگە قاتىسى شامالى ەكەنىن جاقسى بىلەسىڭ. بىلەسىڭ دە «؛اپىر-اۋ, شارىن دەگەن ات وسى جەردىڭ اۋماقتىق-اكىمشىلىك بولىنىسىنە ابدەن سۇرانىپ تۇرعان جوق پا, اربەردەسىن نارىن, شارىن دەگەن جەر اتتارى جاڭاشا جىل ساناۋىمىزدان دا ارىرەك كەتەتىن كونە تۇركى سوزدەرى عوي, ياعني قازاعىڭا دا, ۇيعىرىڭا دا ورتاق جەر-سۋ اتاۋلارى ەمەس پە؟!»؛, &ndash؛ دەگەن ويعا كەتەسىڭ. شارىن اۋدانى... قانداي ادەمى, تاريحي ماعىنالى, ايتۋعا دا جەڭىل. «؛ۇيعىر»؛ دەپ ءتىلىڭدى بۇراپ جاتپايسىڭ.

 ؛ ؛ ؛ ؛ ؛ ؛ ؛ ؛ ؛ وسىنداي ويلاردىڭ قورشاۋىندا ەرەن اعاشتارعا جىلجىدىق.

 ؛ ؛ ؛ ؛ ؛ ؛ ؛ ؛ ؛ جەر ءجانناتى جەتىسۋداعى تابيعات جاۋھارلارىنىڭ ءبىرى &ndash؛ «؛شارىن»؛ مەملەكەتتىك ۇلتتىق تابيعي پاركىنىڭ اۋماعىندا ورنالاسقان ەرەن توعايى. مۇندا ءبىرىنشى بولۋىم. وسىندا بۇكىل ورتالىق ازيا مەن ەۋرازيادا تەڭدەسى جوق, بەس ملن جىلدىق تاريحى بار ەرەكشە اعاش وسەدى دەگەندى ەستۋىم بار-دى, سونى كورىپ, قۇماردان شىقتىق. بيىكتىگى &ndash؛ ۇشار باسىنا قاراساڭ قالپاعىڭ جەرگە تۇسەدى, قيما بەتى ەكى مەتردەن اسادى, قانداي زور ادامنىڭ دا قۇشاعى جەتپەيتىنى تۇسىنىكتى, ال باسىنىڭ دۋدارى جيىرما بەس مەترگە دەيىن جايىلعان. مۇحيتتىڭ ارعى جاعىندا سەكۆوييا دەيتىن وسى الىپتەس اسا زور اعاشتار بارىن ءبىلۋشى ەدىك, قۇدايا توبا, مىنا اعاشتار سولاردان ءبىر دە كەم تۇسپەيتىن شىعار. ايىرماشىلىعى, سەكۆوييانى الەم بىلەدى, ال عىلىم fraxinus sogdiana bunge دەيتىن «؛سوعدى شەتەنىن»؛ («؛شاعان ەرەنى»؛) پالەن جىل ىرگەسىندە تۇرىپ ءبىزدىڭ ءوزىمىز ەندى كەپ كورىپ, كوزايىم بوپ جاتىرمىز.

 ؛ ؛ ؛ ؛ ؛ ؛ ؛ ؛ ؛ ۇلتتىق پارك اۋماعىنداعى ەرەن اعاشتى القاپ 1015 گەكتار جەردى الىپ جاتىر. كۇتىمىنە ءسوز جوق, الايدا بىلەتىندەردىڭ ايتۋىنشا, سوڭعى جىلدارى مويناق سۋ ەلەكتر ستانساسىنىڭ سالىنۋىمەن شارىندى بويلاپ كەلەتىن سۋ مولشەرى كۇرت ازايىپ, سونىڭ سالدارىنان توعايدى سۋلاندىرۋ ماسەلەسى قيىنداپ كەتكەن ەكەن. بۇيتە بەرسە شارىننان باسقا كولورادونىڭ گراند شاتقالىندا عانا وسەتىن بۇل تاۋسىنشاق (رەليكت) توعايدان ايىرىلىپ قالۋىمىز دا مۇمكىن. سەبەبى, ءزايتۇن تۇقىمداس شاعان اعاشتارى ىلعالدى اسا جاراتادى.

 ؛ ؛ ؛ ؛ ؛ ؛ ؛ ؛ ؛ توعايدا ەرەننىڭ ەل اقساقال اعاش دەيتىن اسا ەرەن ءتۇرى دە بار ەكەن. جاي كولىك بارا المايدى. جۋرناليست ەمەسپىز بە, كولىگىمىزدەن ءتۇسىپ جاياۋ تارتتىق. ءۇش شاقىرىمعا جۋىق جولدى كورىپ بارعان ەڭبەگىمىز ابدەن قايتتى. قايتپاعاندا شە, ويباي-اۋ, ەرىنشەكتەر كورە الماعاندى ءبىز, اۆانتيۋريست تىلشىلەر كوردىك. ماناعى ەكى مەترلىكتەرىڭ مىنانىڭ قاسىندا ويناپ قالادى: سىزگە وتىرىك, ماعان شىن, اقساقال اعاشتىڭ (وزدەرى ۇشەۋ) جۋاندىعى سونشا, جەتى ادامنىڭ قۇشاعى ارەڭ جەتەدى. ءدىڭى تەمىردەن بەرىك, تاستان قاتتى. نەگە ەكەنىن, سول جەردە مەنىڭ ويىما دوسقان جولجاقسىنوۆ اعامىز ايتاتىن: «؛قۇرىشتان قۇيعان قۇدىرەت, قارتتارىم, امان-ساۋمىسىڭ؟!»؛ دەپ كەلەتىن ءان جولدارى ورالدى. الىستا قالعان بالداۋرەن بالالىق شاق, بالابيگە بارار جولدا, بايگەقۇمدى بويلاي اسان اتا, دوسبول داتقا, وقشى اۋليەلەردىڭ قورىمىندا ماڭگىلىك تىنىم الىپ جاتقان ەرەن اتا-بابالارىم ەسكە تۇسكەنى ەرەن اعاشتى قۇشاقتاپ, قاپ-قاتتى قابىعىنا الاقانىمدى تيگىزىپ وتىرعانىمدا. سول جەردە وقىلعان قۇران سۇرەلەرى دە اعاشقا ەمەس, سول اعاشتاي الىپ ءارۋاقتاردىڭ رۋحىنا باعىشتالدى دەپ ويلايمىن...

 ؛ ؛ ؛ ؛ ؛ ؛ ؛ ؛ ؛ ودان ءارى... يە, ودان ءارى ىشتەي «؛جانسىز دەي بەر اعاشتان جاسالعاندى, ال اعاشتا ءومىر بار, انىق مۇنىم»؛, &ndash؛ دەپ الىپ, تىزگىنىندە نۇرسۇلتان وتىرعان اتىمىزدىڭ &ndash؛ كەرتومپاق اۆتوبۋسىمىزدىڭ باسىن تۇمسا تابيعاتتىڭ تاعى ءبىر مۇيىسىندەگى اراسانعا بۇردىق. ەرەن توعاي بىزگە اۋاسىمەن قۋات سىيلاسا, تەرەڭ جەر قويناۋىنان ءتۇرلى تۇزىلىستەر مەن حيميالىق ايقاسۋلار اسەرىمەن قايناپ شىعىپ جاتقان تەرمال ءوزىنىڭ قايناق سۋىمەن ءبىزدى شيپالاندىرۋى ءتيىس. ءوزىمنىڭ دە كوپتەن اسىعا كۇتكەنىم دە وسى ىستىق سۋ. بۇل ساپاردى ۇيىمداستىرۋشى ۇيعىر اۋدانى اكىمدىگىنىڭ قىزمەتكەرلەرى قۇرعان جوسپار سولاي, ءبىزدى باستاپ كەلە جاتقان اۋداننىڭ ىشكى ساياسات باسقارماسى ءبولىمىنىڭ باسشىسى گۇلجاحان كəكىشقىزى مەن اۋدان اكىمدىگىنىڭ ءباسپاسوز حاتشىسى تالانت احمەتوۆكە دە ونى وزگەرتۋگە بولمايدى.

 ؛  ؛ اراساننىڭ بويى قۇجىناعان شيپاجاي. ءبىراق ادەتتەگى ساناتوريي-شيپاجايلار ەمەس, مۇندا ولارداعىداي ستاندارتتى ەمشارا جۇرگىزىلمەيدى, سەبەبى, اراساننىڭ سۋى پروسەدۋراسىز, جاي شومىلىپ, ىشكەنىڭمەن-اق ەم. ارناۋلى اۋىتتە شومىلعان ادامنىڭ قان اينالىمى جاقسارادى, بۇل &ndash؛ سۋداعى مينەرالداردىڭ تەرى ارقىلى ءسىڭىپ, مەتابوليزمدى جەڭىلدەتۋىنەن. ءيا, بار گاپ مينەرالدا &ndash؛ حيميالىق كومپونەنتتەر, ورگانيكالىق زاتتار, گازدار وتىز گرادۋستان اسىڭقى جوعارى تەمپەراتۋرامەن كەلىپ اعزاڭدى الىپ, بۋىنىڭدى قۇرتىپ, باسىڭدى قاڭعىتسا, وندا شيپانىڭ ءدارۋ بولىپ, بويىڭداعى فيزيولوگيالىق, ارتريت, جۇيكە, تەرى اۋرۋلارىن قۋىپ شىعارىپ جاتقانى دەپ ءبىلىڭىز.

 ؛ ؛ ؛ ؛ ؛ ؛ ؛ ؛ ؛ تۇندە قاتىپ ۇيىقتادىق. تاڭەرتەڭ تۇلا بويىم جەپ-جەڭىل بولىپ, سەرگەك وياندىم. «؛جول ۇزاق ءالى, جەر شالعاي»؛ دەمەكشى, شيپاجايدا ازىراق اۋقاتتانىپ العاننان كەيىن ساپارىمىزدىڭ ءماندى دە ءدامدى ءتۇيىنى وتەتىن كەتپەنتاۋ ەتەگىندە ورىن تەپكەن كەتپەن اۋىلىن بەتكە الدىق. مۇندا ءسادىقوجا اتامىزعا اس بەرىلمەكشى. كەتپەن اۋدان ورتالىعى شونجى كەنتىنەن شىعىسقا قاراي ءجۇز شاقىرىمداي جەردە, كەتپەن (ۇزىنقارا) جوتاسىنىڭ سولتۇستىك بوكتەرىندەگى ۇلكەن كەتپەنساي وزەنىنىڭ اڭعارىندا, بوزعىلت-قوڭىرتوپىراقتى تاۋالدى جازىعىندا ورنالاسقان. قارادالا دەپ اتالادى, ايتسا ايتقانداي, جارىقتىق, قازاقتىڭ كادىمگى قارا دالاسى. اقىن, سازگەر, ءانشى ءسادىقوجا موشانۇلى 1917 جىلى وسى قارادالانىڭ ءتورى ساربۇلاق دەگەن جەردە دۇنيە ەسىگىن اشقان. تاعدىرلى تۇلعا. وتىزىنشى جىلدارعى كۇشتەپ ۇجىمداستىرۋ كەزىندە اعايىن-اۋماعىمەن قىتاي اسىپ, سول جاقتا 1946 جىلى وتىز بەس جاسىندا دۇنيە سالعان. سۇيەگى قۇلجا قالاسىنىڭ ماڭىندا جاتىر. كوزى جۇمىلعانشا ء«؛بىزدىڭ اۋىل كەتپەننىڭ ەتەگىندە..»؛ دەپ اڭىراپ وتكەن...

 ؛ ؛ ؛ ؛ ؛ ؛ ؛ ؛ ؛ سادىقوجا اتامىز وكىلى بولىپ تابىلاتىن قوجبانبەت-اعىمسارى, جالپى البان ەلى رەسپۋبليكالىق كولەمدە اتاپ ءوتىلىپ وتىرعان شاراعا مىقتاپ دايىندالعانى كورىنىپ تۇر. ادەتتەگىدەي ات شاپتىرىلدى, بالۋان تۇرعىزىلدى. استىڭ الدىندا كەتپەن اۋىلىندا قۇرمەت يەسىنىڭ كەۋدە ءمۇسىنى اشىلىپ, ونىڭ شىعارماشىلىعىنا ارنالعان عىلىمي كونفەرەنسيا, ء«؛سادىقوجا سازدارى»؛ ءان بايقاۋى وتكىزىلگەن. ال سالتاناتتى شارانىڭ ءوزى وسى ايماقتىڭ تۋماسى, اقىن باقىت بەدەلحانۇلىنىڭ «؛مۇڭ جايلاتۋ: ءسادىقوجا موشانۇلىنىڭ رۋحىنا»؛ دەيتىن وتە اسەرلى تەاترلاندىرىلعان قويىلىمىمەن اشىلدى. تويدىڭ كوركى &ndash؛ ءان عوي. ونىڭ ۇستىنە اس داۋىسى التى قىردى اداقتاعان انشىگە بەرىلىپ وتىرسا, ول ان-كۇيسىز وتەر مە؟! سادەكەڭنىڭ سوڭىندا جەتى ءان قالعان ەكەن. ارينە, ءبىز بىلەتىن, كەزىندە دانەش راقىشەۆتاي ماقپال داۋىستى ءانشىنىڭ, ءارى ادەبيەتتانۋشى عالىم, ءارى ءانشى قۇنىپيا الپىسباەۆتىڭ ء(سادىقوجانىڭ ۇرپاعى) ايتۋىنان نوتاعا ءتۇسىرىلىپ, ءان جيناقتارىنا ەنگەن «؛سارى بيداي»؛, «؛احاۋ, قالاۋلى-اي»؛, «؛احاۋ, ايىم»؛, «؛ساعىنساڭ, قالقا, ءوزىڭ كەل»؛, «؛ەركەم-اي»؛, «؛بەكزاتىم»؛, «؛اق قاز ەدىڭ, داريعا-اي»؛ ىسپەتتى جەتى ءان ونەرپازدىڭ مول مۇراسىنىڭ ءبىر كەسەگى عانا بولۋى مۇمكىن, جاستاي كەتپەگەندە ودان دا مولىراق بولار ما ەدى دەيسىڭ. ءبىراق سول ازدىڭ ءوزى ءسادىقوجا اتامىزدىڭ ءداستۇرلى ءان ونەرىندە الاتىن ورنىن ايقىنداپ تۇر دەۋگە لايىق. شارا ۇستىندە سولاردى رامازان ستامعازيەۆ, تىلەۋلەس قۇرمانعاليەۆ, نۇرجان جانپەيىسوۆتەر قۇلاق قۇرىشىن قاندىرا ورىنداعان شاقتا ءسادىقوجا موشانۇلىنىڭ ءداستۇرلى ءان ونەرىمىزدىڭ ۋىزىنا جارىعان ونەرپاز بولعانىنا انىق كوز جەتكىزدىك. سادەكەڭ ءانىنىڭ شوقتىعى &ndash؛ «؛سارى بيداي»؛. ون ءتورت جاسىندا ەلدەن كەتىپ قالۋى سەبەپتى جاسىندا اتاستىرىپ قويعان ابزەلحان قىزدى اڭساعاندا تۋعان دۇنيە. «؛سارى بيداي, ساعىندىم قالقام, اۋىلىڭدى-اي»؛ دەپ كەلىپ, جاس جۇرەكتىڭ ىنتىزارلىق ۇنىمەن جەر مەن كوكتىڭ اراسىندا قالىقتاپ تۇرىپ الىپ, سوڭىندا جۇتىلىپ كەتكەندەي بولاتىن اسا ەمپاتيالى بۇل كومپوزيسيانى تىلەۋلەس قۇرمانعاليەۆ شىرايىن شىعارا ورىندادى. باستان-اياق دولەنتەگە, سوسپيراندوعا قۇرىلعان شىعارمانىڭ مۋزىكالىق تاقىرىبىنا اينالىپ تۇرعان «؛سارى بيداي»؛ ءسوزىنىڭ ءوزى ءداستۇرلى اندەگى جاڭالىق &ndash؛ ءسادىقوجا شىعارماشىلىعىن ارنايى زەرتتەگەن ادەبيەتشى عالىم س.مەدەۋبەكۇلى مەن بەلگىلى ءداستۇرلى ءانشى, ءارى مۋزىكاتانۋشى ر.ستامعازيەۆ وسىلاي دەپ جازادى. ادەتتە قازاق ءانى «؛قىز ەمەس, قىزدىڭ اتى قىزىل بيداي..»؛ دەپ كەلسە, ءسادىقوجا بابامىزدىڭ «؛سارى بيدايى»؛ توسىن تەڭەۋمەن ورنەكتەلگەن. وندا باسقا ءداستۇرلى ءان وڭىرىنەن بولەك جەتىسۋ ايماعىنا ءتان ءيىرىم بار. ءاندى تىڭداعان كەزدە كوز الدىڭا بىردەن ساپ-سارى ماساعىن كوتەرە الماي ساباعىنان ءيىلىپ, تەڭىزدەي تولقىعان ەگىس القابى, سوعان تەڭەلگەن بيداي ءوڭدى, كوركەمنيەت قازاق قىزىنىڭ بەينەسى كەلىپ تۇرا قالادى. ال «؛احاۋ, قالاۋلى-ايدىڭ»؛ دىبىسقاتارىن جوعارىداعى زەرتتەۋشىلەر ماجورلى پەنتاتونيكالىق لادقا جاتقىزادى. داۋىس كولەمى قازاقتىڭ ءداستۇرلى اندەرىندەگىدەي سەكستا ينتەرۆال كولەمىندە, ءبىراق سول كولەمنەن اسپاي تۇرىپ-اق ءاندى ديناميكالىق ۆارياسيالارىمەن قۇبىلتۋ, جوعارى رەگيستردى بۇزباي-اق فيليروۆكا جانە التەراسيامەن (دىبىستاردى قالاۋىنشا باسەڭدەتىپ, كۇشەيتۋ) اجارلاندىرۋ, زادى, قازاق انشىلەرىنىڭ عانا قولىنان كەلەتىنىنە ء(قازىر ساحنادا ديماش قولدانىپ جۇرگەندەي) ءسادىقوجا موشانۇلىنىڭ ءان ايتۋ ءستيلى تۋراشى. ال پەنتاتونيكا جونىندەگى اڭگىمە ءتىپتى بولەك: بۇرىنعى زەرتتەۋشىلەر قازاق ءانىن دياتونيكالىق دىبىسقاتارعا تەلىگەنىمەن, كەيىنگى زەرتتەۋلەر ونىمەن ارالاس پەنتاتونيك لاد تا كەزدەسەتىنىن كورسەتىپ وتىر. مۇنىڭ ءوزى دياتونيكا ءان ونەرىمىزگە كەيىنىرەكتەۋ, ەجەلگى پەنتاتونيكانىڭ ورنىن باسا كەلگەنىن ايعاقتاعانداي. ولاي بولسا قازاق مۋزىكاسى ءاۋ باستا شىعىستىڭ بەس نوتالى پەنتاتونيكالىق مودالدىق سازى نەگىزىندە تۇزىلگەنى انىققا شىعادى. وسى ورايدا ساعاتبەك, رامازان اعالارىمىزدىڭ ءسادىقوجا اندەرىن پەنتاتونيكا باسىمداۋ بولىپ كەلەتىن ارقا انشىلىك داستۇرىمەن ۇقساستىرۋى ابدەن قۇپتارلىق. نە دەسە دە, اينالايىن حالىقتىق مۋزىكامىزدا ايماقتىق داستۇرلەر, جەكەلەگەن انشىلىك مەكتەپتەر بولعانىمەن, جالپى قازاق ءانى ەنشىسى بولىنبەگەن ءبىرتۇتاس كەسەك دۇنيە ەكەنىن ايتۋ ءجون. ەندەشە س.موشانۇلىنىڭ انشىلىك شەبەرلىگى, كومپوزيتورلىق مۇراسى وسى تۇرعىدان دا زەرتتەلۋى كەرەك-اق...

 ؛ ؛ ؛ ؛ ؛ ؛ ؛ ؛ ؛ قارادالانىڭ كەتپەنىنەن ءبىز وسىنداي ويلارمەن اتتاندىق. ءيا, ينتەرنەت جاعالاعان جامان ەمەس, ال ەل ارالاعان ودان دا جاقسى ەكەن. اتتەڭ, ەكى كۇن ازدىق قىلدى. قازاق دالاسىنىڭ قاي قويناۋى دا قۇت قانا ەمەس, ونەردىڭ, كيەنىڭ دە كەنىشى عوي. قارا دالامىزدىڭ يەسى دە, كيەسى دە بار. وسى شىندىقتى جانە ءبىر ۇقتىرىپ, ارنايى پرەسس-تۋر ۇيىمداستىرعان اۋدان اكىمدىگىنە, ءبىزدى ايرانداي ۇيىتىپ اپارعان ب.جوكەنقىزىنا, سونداي-اق وسى تۇرعىدا كولساي, تۇرگەن ساپارلارى جولىندا جۇمىستانعان قازاق جۋرناليستەرى چاتىنداعى ە.ازانبەك پەن ا.قوجامامبەتوۆاعا العىستان باسقا ايتارىم جوق.

 ؛گۇلميرا اسىلبەكقىزى