نەگە جالعىزباستى انالار كوبەيىپ بارادى؟ (ۆيدەو)

ەلىمىزدە جالعىزباستى انالار سانى ارتۋدا. ءتىپتى, بيىل ولاردىڭ قاتارى جارتى ميلليونعا جەتكەن دەپ جازادى qamshy.kz اقپارات اگەنتتىگى ەۋرازيا ءبىرىنشى ارناسىنىڭ سايتىنا سىلتەمە جاساپ.

ماماندار مۇنداي تەندەنسيانىڭ كەڭ ەتەك جايۋى, ياعني ارۋلاردىڭ تىم بەلسەندى ءارى تاۋەلسىز بولۋى تىم داراقى ۇرپاقتىڭ كوبەيىپ كەتۋىنە ىقپال ەتەدى دەپ قاۋىپتەنۋدە. ءبىراق, جالعىزباستى انالاردىڭ وعان قاتىستى ايتار باسقا ۋاجدەرى بار.

بۇگىندە ەلىمىزدە 500 مىڭعا جۋىق جالعىزباستى انا تىركەلگەن. ونىڭ ىشىندە اجىراسقاندار مەن وزدەرى ءۇشىن بالا تۋىپ العاندار دا بار. ءقازىر مۇنداي "ستاتۋسقا" يە ؛بولۋ جاستار اراسىندا قۇددى ءبىر ترەندكە اينالعانداي. ءارى ولار مۇنىسىن "ەشقاينداي ؛ۇيات" دەپ ەسەپتەمەيدى, دەيدى ساراپشىلار. ال, زامانعا ساي بويجەتكەندەر ۇيدە دە تۇزدە دە بەلسەندى بولا باستاعان. "زامان وزگەرىپ, الەۋمەتتىك تەڭدىك, گەندەرلىك تەڭدىك ورىن العان زامان. ءداستۇرلى زاماندا ايەل ەركەككە تاۋەلدى, ءقازىر وزگەردى, بىزدە ەركەكتىڭ ءوز ءومىرىن قالاي رەتتەيدى, قانداي ۇستانىمدار ءوز ەركى, دەموكراتيا ەل دەگەن ءوز تاڭداۋى", - دەيدى الەۋمەتتانۋشى رامازان ساتتاروۆ. ؛

راشيدا ەستەكباەۆانىڭ جاسى 25-تە. ءوزى جالعىزباستى انا. كاسىپكەر.  ؛جولداسىمەن ءدام-تۇزى  ؛جاراسپاي, بولەك تۇرۋعا شەشىم قابىلداعان.  ؛ونىڭ سوزىنشە, وتباسىندا زورلىق-زومبىلىق كورگەننەن گورى, الاڭسىز بالانى باعىپ-قاعىپ وسىرگەن مىڭ ەسە ارتىق. ال مۇنداي شەشىم قابىلداعان ارۋلاردى جەردەن الىپ, جەرگە سالىپ ايىپتاۋدىڭ تۇك قاجەتى جوق. "نەگىزى جالعىزباستى انا بولۋ قيىن. ويتكەنى, ءبىزدى قوعام قابىلداعىسى كەلمەيدى. ءبىراق, مەنىڭ اتا-انام ماعان قول ۇشتارىن بەرىپ, بارىنشا ىشكى كۇيزەلىسپەن كۇرەسۋگە كومەكتەستى. البەتتە, اجىراسقان ۇيات سانالادى. مەنىڭ ويىمشا, ۇيدە كۇيەۋىڭنەن قىسىم كورىپ, زورلىق-زومبىلىقتى جاسىرۋ, مىنە سول ۇيات!", - دەيدى ؛راشيدا ەستەكباەۆا.

ال قوعام بەلسەندىسى قارلىعاش بەكپاتشا, قازىرگى ارۋلاردىڭ تىم ەركىن, ءوزىمشىل بولىپ قالىپتاسۋىنا ەر جىگىتتەر تىكەلەي كىنالى دەگەن پىكىردە. "ەر ازامات تا ەركەكشە, ەر ازامتشا كوتەرۋ كەرەك. ول دا جاۋاپكەرشىلىكتى سەزىنۋ كەرەك, ونىڭ ەتەگىن ۇستاعاناننان كەيىن, بىرلەسىپ كوتەرگەن جۇك جەڭىل. قانشاما اتا-انا جالعىز ءوسىپ جاتىر, جەڭىل ومىرگە ۇيرەنىپ قالدى, ۇلكەن ءبىر وتباسىنداعى تاربيە, ەردى ەرشە, قىزدى قىزشا تاربيەلەپ مەكتەپكە دە وسى پروگراممالاردى ەنگىزۋ قاجەت", - دەيدى قوعام بەلسەندىسى. دەسە دە ماماندار ارۋلاردىڭ تىم بەلسەندى ءارى تاۋەلسىز بولۋى اكەسىز بالالاردىڭ كوبەيىپ كەتۋىنە ىقپال ەتەتىنىن ايتادى. ال اكە تاربيەسى جەتىسپەگەن جاستاردىڭ تەرىس جولعا ءتۇسىپ كەتۋ ىقتيمالدىعى دا جوعارى كورىنەدى. وسى رەتتە, جاستاردىڭ ساناسىنا وتباسىلىق قۇندىلىقتار, انا مەن بالا, اكەنىڭ رولىنە قاتىستى تاربيەنى تەرەڭ قۇيىپ, قوعام اراسىندا ۇگىت-ناسيحات جۇمىستارىن جۇرگىزگەن دۇرىس دەيدى.