"؛التىن قۇرساقتى"؛ اناعا قۇرمەت

بۇگىندە مەملەكەت تاراپىنان كوپبالالى انالاردى قۇرمەتتەۋگە باعىتتالىپ جاتقان باستامالار از ەمەس. ءبىر عانا الەۋمەتتىك تولەمدەردىڭ ءوزى وتباسىلاردىڭ الەۋەتىن ارتتىرىپ, تۇرمىسىن تۇزەۋدە. جامبىل وبلىسىندا دا باتىر انالاردى ايالاۋدا اۋقىمدى شارالار اتقارىلۋدا. سونىڭ ءبىر كورىنىسى رەتىندە مويىنقۇم اۋدانىنىڭ اكىمى كوپبالالى اناعا «؛كۇمىس القا»؛ تابىس ەتتى دەپ جازادى qamshy.kz اقپارات اگەنتتىگى.

اۋدان اكىمدىگىندە ەلدى مەكەن باسشىسى مادەن مۇساەۆ التى بالا تاۋىپ, وسىرگەن مويىنقۇم اۋىلىنىڭ تۇرعىندارى سەڭگىرباەۆا اينۇر سابىرقىزى مەن سامبەتباەۆا اينۇر الپىسبايقىزىن قابىلداپ, ولاردىڭ جاعدايلارىمەن تانىستى. سودان سوڭ ەكى ارداقتى اناعا قازاقستان رەسپۋبليكاسى پرەزيدەنتىنىڭ 16 قىركۇيەك 2019 جىلعى جارلىعىمەن ناگرادتالعان «؛كۇمىس القا»؛ القاسىن سالتاناتتى جاعدايدا تاپسىرىپ, گۇل شوعىن ۇسىندى, يىقتارىنا اق ورامال جاپتى. سونداي-اق ولارعا اۋدان باسشىسى مادەن توقتاربايۇلى زور دەنساۋلىق, وتباسى اماندىعىن تىلەدى.قابىلداۋعا اۋداندىق ءماسليحاتتىڭ حاتشىسى شاحيكەرىم يسابەكوۆ قاتىسىپ, ىزگى تىلەگىن جەتكىزدى.

يا «؛اكە اسقار تاۋ»؛ دەسەك, «؛انا اعىم جاتقان بۇلاق»؛. ەشقاشان سارقىلمايتىن سارقىراما. بويىڭا بار جىلۋلىعى مەن مەيىرىمىن دارىتانىن مەيىرىمدى جان. قۇرساعى التىن وسىناۋ انالاردى قۇرمەتتەۋ بۇگىندە مەملەكەتىمىزدە ءبىرىنشى ورىنعا قويىلىپ وتىر. ناقتىراق ايتساق, كوپبالالى وتباسىلارعا اي سايىن الەۋمەتتىك تولەم تولەنىپ وتىرسا, ولاردىڭ بالارىنان وقۋ گرانتتارى مەن ءارتۇرلى جەڭىلدىكتەر ءبىرىنشى كەزەكتە جاسالۋدا. ودان بولەك, پاتەر كەزەگىندە تۇرعان كوپبالالى, «؛التىن»؛, «؛كۇمىس»؛ القالى انالار العاش بولىپ تۇرعىن ءۇي كىلتىنە قول جەتكىزۋدە. ەستەرىڭىزدە بولسا, ءبىر رەتتىك نەسيەلەرىن مەملەكەت تاراپىنان ۇكىمەت كەشىرىپ بەرگەندە دە الدىڭعى قاتاردا كوپبالالى انالار تۇردى. ەندى مىنە جامبىل وبلىسىنىڭ اكىمى اسقار مىرزاحمەتوۆتىڭ تۇرعىنداردىڭ تۇرمىسىن تۇزەۋگە باعىتتالعان جەمىستى جوباسىنىڭ دا شاراپاتىن ءبىرىنشى كەزەكتە كوپبالالى وتباسىلار كورگەلى تۇر. سوندىقتان قۇرساعى التىن انالارعا جاسالىپ جاتقان مەملەكەتتىك قامقورلىق ءۇشىن تەك العىس ايتۋ قاجەت. بۇل ورايدا مويىنقۇمدىقتاردىڭ دا انالارعا دەگەن قولداۋى مەن دەمەۋىن, ءىلتيپاتى مەن قۇرمەتىن ەرەكشە باعالاۋ قاجەت. امان بولىڭدار, التىن قۇرساقتى انالار! سىزدەن مەملەكەتىمىزدىڭ ەڭ اسىل قازىناسىزدار!