03 قازان, 2019 ادەبيەت
مەملەكەت باسشىسى نۇر-سۇلتان قالاسىنىڭ اكىمى التاي كولگىنوۆتى قابىلدادى, - دەپ حابارلايدى qamshy.kz اقپارات اگەنتتىگى اقوردا سايتىنا ؛سىلتەمە جاساپ.
مەملەكەت باسشىسىنا الەۋمەتتىك ءالسىز توپتاردى قولداۋ ماقساتىندا اشىلعان "جانۇيا" ورتالىعىنىڭ جۇمىسى, ەندى سالىناتىن يپپوتەراپيا جانە ەكى بىردەي وڭالتۋ ورتالىعى جايىندا باياندالدى.
قازاقستان پرەزيدەنتىنىڭ ءۇي كەزەگىندە تۇرعان ازاماتتاردى, ونىڭ ىشىندە از قامتىلعان وتباسىلاردى, جۇمىس ىستەيتىن جاستاردى تۇرعىن ۇيمەن قامتۋ ماقساتىندا قولجەتىمدى باسپانا قۇرىلىسىن ارتتىرۋ تۋرالى تاپسىرماسىنىڭ ورىندالۋ بارىسى جايىندا ەسەپ بەرىلدى.
ەلوردا اكىمى ۇلەسكەرلىك پروبلەمالى قۇرىلىستار جايى, قالا شەتىندەگى اۋىل-ايماقتاردى دامىتۋ ماسەلەسى الداعى 3 جىلدىق بيۋدجەتتە قاراستىرىلعانىن اتاپ ءوتىپ, قالانى گازبەن قامتۋ بويىنشا اتقارىلىپ جاتقان جۇمىستار تۋرالى جەتكىزدى. قالانى اباتتاندىرۋ بويىنشا ەسەپتەن بەلگىلى بولعانداي, ەسكى الاڭنىڭ اۋماعىنان باستاپ شاھاردىڭ ەكى جاعىن قوساتىن جاياۋ جۇرگىنشىلەرگە ىڭعايلى جول توسەلەدى.
جالپى جاياۋ جۇرگىنشىلەرگە ىڭعايلى 80 شاقىرىم جول توسەلىپ, الداعى 3 جىلدا 100 شاقىرىمنان استام ۆەلوجول سالىنادى. سۋمەن قامتۋ جۇمىستارىن جەتىلدىرۋ ءۇشىن اتقارىلاتىن شارالار تۋرالى دا ايتىلدى. قالا اكىمى شارۋاشىلىقپەن قاتار مەگاپوليستىڭ مادەني ءومىرى بويىنشا دا جوسپارلارمەن ءبولىستى.
نۇر-سۇلتان قالاسىندا ۇلى ابايدىڭ 175 جىلدىعىنا وراي "اباي الەمى" ورتالىعى بوي كوتەرەدى. سونىمەن قاتار ساكەن سەيفۋللين, بەيىمبەت مايلين جانە ءىلياس جانسۇگىروۆتىڭ 125 جىلدىق مەرەيتويلارىنا بايلانىستى قولادان قۇيىلعان ء"ۇش ارىس" ەسكەرتكىشى ورناتىلادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر