27 قىركۇيەك, 2019 ايتتى-ەي, باۋىرىڭ!
مەن وسىعان دەيىن 21000 تەڭگە جايلى تالاي رەت جازدىم. بۇگىن جاڭا دەپۋتات بولعان دانا نۇرجىگىت قارىنداسىمنىڭ تاقىرىپقا بايلانىستى بىلدىرگەن پىكىرىنە جاۋاپ جازعالى وتىرمىن... الدىمەن قارىنداسىم دەپۋتات بولار الدىندا "ديىرمەنگە تۇسكەلى بارا جاتىرمىن" دەگەن, داناعا ساتتىلىك تىلەي وتىرىپ, مەن "تەك ديىرمەنگە ءتۇسىپ ۇنعا اينالىپ كەتپە" دەپ ەسكەرتۋ دە جاساعانمىن...
جارايدى, قارىنداسىم ءوز پىكىرىندە بەس بالالى مەدبيكە جايلى جازىپتى, ؛نەگىزى ول بالا قۇساپ, بىرنەشە جەردە ەدەن جۋىپ نەسىبەسىن تاۋىپ جۇرگەندەر جەتكىلىكتى, اينالايىن, دينا!..
شىنىمەن, "ماسىل" بولىپ, جۇمىس ىستەگىسى كەلمەيتىندەر دە بار, ونى دا جاسىرۋعا بولمايدى. ءبىراق وندايلار نەكەن-ساياق...
نەگىزگى ماسەلە: جۇمىسسىزدىق پەن باسپانانىڭ جوقتىعى, جالاقىنىڭ جەتىمسىزدىگى, كۇنكورىس دەڭگەيىنىڭ تومەندىگى!... نەگە نازارباەۆ كۇنكورىس دەڭگەيىن تومەنگى جالاقىدان ازايتىپ تاستادى, 1414 تەڭگەگە عانا كوتەردى, 28698, ال تومەنگى جالاقىنى 42500 قىلدى. نەگە ەكەۋى تەڭ ەمەس, نەلىكتەن ەكەنىن تولىق ەسەپتەۋلەرمەن بۇرىن جازبالارىمدا كورسەتكەنمىن... بۇل دا الداپ-ارباۋدىڭ ءبىر ءتۇرى!..
ەڭ نەگىزگى نارسە مىناۋ, شىراعىم: حالىققا تيەسىلى نارسەنى "مەملەكەت بەرىپ جاتىر" دەمەي, ااك دەمەي, قازاقستان تابيعي رەسۋرستار بايلىعىنان, كەن بايلىعىنان, انا ماشكەەۆيچ, شوديەۆ, ميتتال تاعى باسقالار تەگىن الىپ كەتىپ جاتقان جەر-انا بايلىعىنان ءار قازاقستان ازاماتىنىڭ, ءار دۇنيەگە كەلگەن ءسابيدىڭ ۇلەسىن بەرسىن, بيلىك! بيلىكتىڭ كلاندارىمەن شەتەل كومپانيالارى عانا كورەتىن پايدادان حالىققا نە پايدا؟ "ينۆەستيسيا, ينفراسترۋكتۋرا, جول, قۇرىلىس, اناۋ-مىناۋ.." دەگەن سىلتاۋدىڭ قاجەتى شامالى, ولاردىڭ قانشالىقتى ورىندالىپ جاتقانى دا حالىققا بەلگىلى. كومپانيالارداعى الەۋمەتتىك تەڭسىزدىكتەر نەگە تۇرادى!..
جارايدى قاراعىم, باسىڭدى كوپ اۋىرتپايىن, حالىققا پىكىرىڭدى جەتكىزۋ ءۇشىن الدىمەن حالىقتىڭ "توپاس" ەمەستىگىن ەمەستىگىن ۇمىتپاڭدار!
21000 تەڭگە ەمەس, حالىققا اتا-باباسى امانات ەتكەن جەر-انادان وزدەرىنە تيەسىلى نەسىبەسىن بەرىڭدەر, ماسەلە سول, شىراعىم!
حالىق ەشتەڭە سۇرامايدى, وزىنە تيەسىلىنى تالاپ ەتەدى!..
.. ساعان تىلەگىم, حالقىڭا قىزمەت ەتەمىن دەسەڭ, مەنىڭ جوعارىداعى ەسكەرتۋىمدى ۇمىتپا! دەپۋتاتتاردىڭ ىشىندە "اڭداماي سويلەپ, اۋىرماي اۋزىنان اۆاريا بولىپ جاتقاندار جەتكىلىكتى, قاراعىم! بۇل اعالىق اقىلىم (دۇنيەدە اقىل ايتۋ وڭاي عوي), ارتىق ايتسام ايىپ ەتپە.
... ال تاقىرىپقا ورالساق, حالىق تالابى ورىندالماسا, حالىق بىرىكسە, كەز كەلگەن قامالدى الادى! حالىق قۋاتى - بىرلىكتە! وسى ەستەرىڭدە بولسىن, ويلان بيلىك!
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر