• usd 378.65
  • eur 430.07
  • rub 6
  • cny 55.1
23 قىركۇيەك، 00:12:26
كەكىلباەۆقا ارنالعان كەش

11 قىركۇيەك، 2019 news

اتىراۋلىق ۇكىمەتتىك ەمەس ۇيىم وكىلدەرى قاتىسقان "؛اقجايىقcamp 2019"؛ ترەنينگى ءوتتى

7-8 قىركۇيەك كۇندەرى ورال قالاسىندا اتىراۋلىق ۇكىمەتتىك ەمەس ۇيىمدارى وكىلدەرى اراسىندا «akzhaiykcamp19» ەكى كۇندىك سەمينار-ترەنينگى ءوتتى.

سەمينار-ترەنينگتىڭ ماقساتى &ndash؛ ءتۇرلى باعىتتا بەلسەندى ارەكەت ەتەتىن ۇكىمەتتىك ەمەس ۇيىمداردىڭ الەۋمەتتىك باعىتتاعى جۇمىستار مەن قارجىلىق ساۋاتتىلىقتارىن ارتتىرۋ، تىڭ يدەيالارىنىڭ جۇزەگە اسۋىنا جاردەمدەسۋ، فاندرايزينگ (جوباعا قارجى كوزدەرىن تارتۋ) باعىتى بويىنشا تاجىريبە الماسۋ.

بۇل شاراعا قاتىسۋ ءۇشىن اتىراۋلىق ۇكىمەت ەمەس ۇيىم وكىلدەرى سايتقا ءوتىنىم قالدىردى. 75 ۇەۇ ءوتىنىش تاپسىرىپ، كونكۋرس ەرەجەسىنە سايكەس كوميسسيالىق ىرىكتەۋدەن وتكەن 40 ۇكىمەتتىك ەمەس ۇيىم وكىلى وسى شاراعا ؛ قاتىستى.

اتىراۋ

اتىراۋ قالاسىنان ورال قالاسىنا جەتۋ ءۇشىن قاتىسۋشىلار ارنايى اۆتوبۋسپەن باردى. ۇيىمداستىرۋشىلار ورال قالاسىنا جەتكەن سوڭ قاتىسۋشىلاردىڭ تابيعات اياسىندا اسەرلى تانىسۋ كەشىن ۇيىمداستىردى.

ازاماتتىق ورتالىقتىڭ ديرەكتورى ايگەرىم دوسقاليەۆا شارانىڭ ماقساتى تۋرالى ايتىپ ءوتتى.

ايگەرىم دوسقاليەۆا، ازاماتتىق ورتالىقتىڭ ديرەكتورى:

قاتىسۋعا 70-تەن استام ۇەۇ ءوتىنىش ءبىلدىرىپ، سودان تالاپتاردى تولىق ورىنداعان 40 ۇيىم كۇزگى لاگەرگە جولداما الدى. ياعني، بىزدە ارنايى 10 سۇراقتان قۇرالعان ساۋالنامانى تولتىرۋ كەرەك بولدى. وندا كۇزگى لاگەرگە قاتىسۋ ماقساتى، قانداي جوبالىق يدەياسى بار، ءوزىڭنىڭ ۇەۇ-دى بەس جىلدان سوڭ قالاي ەلەستەتەسىڭ دەگەن سۇراقتار بولدى. كەلگەن ساۋالنامالارعا ءبىزدىڭ ارىپتەستەر جانە اتىراۋ وبلىسى ىشكى ساياسات باسقارماسى باسشىلىعى ىرىكتەۋ جاساپ، باعالاۋ جۇرگىزدى.

العاشقى كۇنى قاتىسۋشىلار شارانىڭ اشىلۋىنا قاتىستى. بۇدان سوڭ ءنوۆوسىبىر قالاسىنداعى «؛سولنەچنىي گورود»؛ بالالارعا ارنالعان قايىرىمدىلىق قورىنىڭ فاندرايزەرى، 285 ملن رۋبل كولەمىندە قورعا قارجى تارتقان ستۋلا زەمفيرا مەن «؛دوبرىي گورود &ndash؛ پەتەربۋرگ»؛ قايىرىمدىلىق قورىنىڭ ۇيلەستىرۋشىسى «؛جاڭادان باستاۋشىلارعا ارنالعان فاندرايزينگ»؛ جانە «؛ۇەۇ قىزمەتىنە قاراجات ىزدەۋ: سىرتقى جانە ىشكى رەسۋرستار»؛ تاقىرىبىندا سەمينار-ترەنينگ وتكىزدى. ءتۇرلى ويىندار ارقىلى كورسەتىلگەن ترەنينگتە ۇەۇ وكىلدەرى ءوز سالالارىنا بايلانىستى ءتۇرلى سۇراققا جاۋاپ الدى.

قاتىسۋشىلارعا سەمينار-ترەنينگ وتكىزگەن ترەنەر يانا زۋبكو شارا تۋرالى ءوز پىكىرىن ءبىلدىردى.

يانا زۋبكو، «؛دوبرىي گورود &ndash؛ پەتەربۋرگ»؛ قق ۇيلەستىرۋشىسى:

سەمينار-ترەنينگكە قاتىسۋشىلار ساباقتى جاقسى قابىلدادى. بۇل تاقىرىپتا ايتاتىن اقپارات وتە كوپ. ءبىر كۇندە بارلىعىن قامتۋ مۇمكىن ەمەس. سول سەبەپتى دە ءبىر كۇندە كوپ اقپاراتتى جەتكىزۋ جانە قابىلداۋ قيىن بولۋى مۇمكىن. ءبىراق، قيىندىق بولماسا ۇلكەن جەتىستىككە جەتۋ دە دامۋ دا بولمايدى دەپ ويلايمىن.

سەمينار-ترەنينگتەن سوڭ قاتىسۋشىلار كەشكىسىن كوماندالىق ويىندار ويناپ، سوڭى كوڭىلدى كەشكە ۇلاستى.

شارانىڭ ەكىنشى كۇنى اتىراۋلىق ۇەۇ وكىلدەرى ۇلىبريتانياداعى فاندرايزينگ ينستيتۋتىنىڭ مۇشەسى، قازاقستاندىق فاندرايزەر ينديرا شاحتىڭ «؛جوبالىق ءوتىنىم دەگەن نە؟ جوبانىڭ ناتيجەسى مەن تيىمدىلىگى قانداي؟»؛ تاقىرىبىندا سەمينار-ترەنينگىنە قاتىستى. ءاربىر قاتىسۋشى ءوزىنىڭ قازىرگى باستاعان نەمەسە ويىندا جۇرگەن جوبالىق يدەيالارىن ترەنەرمەن اقىلداسا وتىرىپ، ماقساتى مەن ناتيجەسىن بىرگە تالقىلادى. كومانداعا بولىنگەن قاتىسۋشىلار ءوزارا جارىسا وتىرىپ، جاقسى جوبالىق ءوتىنىمنىڭ تيىمدىلىگى مەن ماقساتىن ءتۇسىنىپ شىقتى.

ەكى كۇندىك شارادان سوڭ قاتىسۋشىلار ءوزىنىڭ اسەرىمەن ءبولىستى.

مەيىرىم ەرداۋلەت، «؛تالشىن»؛ قوعامدىق قورىنىڭ جەتەكشىسى:

جاقسى دەمالىس پەن كەرەمەت لاگەر بارلىعىن بىرگە ۇيىمداستىرعان ازاماتتىق ورتالىققا كوپ راقمەت! 40 ۇيىم مەن بىلگىر ترەنەرلەردىڭ ءتالىمى، ؛ قوناقجايلىلىق پەن جىلى قابىلداۋ، جاڭا يدەيالار مەن كوكەيدە جۇرگەن ماقساتتاردى جۇزەگە اسىرۋعا دەگەن ۇلكەن مۇمكىندىك، كوماندالىق ۇيىمشىلدىق جانە يگى ءىستىڭ قاشاندا باسىندا ءجۇرۋدىڭ قىر-سىرىن سانامىزعا قۇيعان لاگەر ءۇشىن راقمەت ساعان، ازاماتتىق ورتالىق!

اقىلبەك مۇحانوۆ، «؛يگى ىسكە باستاما»؛ قوعامدىق بىرلەستىگىنىڭ جەتەكشىسى:

ارىپتەستەرىمە كوپ راحمەت ايتامىن! وسىنداي پايدالى ترەنينگتەر كوپ بولسىن! ءبىزدىڭ باعىتىمىز ءار قيلى بولعانىمەن، ماقساتىمىز &ndash؛ ءبىر. ءبىر-بىرىمىزدى اركەز قولپاشتاپ جۇرە بەرەيىك!

ەلۆيرا ارالوۆا، «؛سامعا، جۇرەگىم»؛ قوعامدىق قورىنىڭ جەتەكشىسى:

كوڭىلدى اتموسفەرا، جايلى ورتادا ءبىلىمىمزدى ارتتىرعان كەرەمەت شارا بولدى. قازاقتا «؛بىلگەنىم &ndash؛ ءبىر توعىز، بىلمەگەنىم &ndash؛ توقسان توعىز»؛ دەگەن ءسوز راس. جوبانى قالاي جازۋ كەرەك، قارجىنى قالاي تارتۋعا بولادى جانە ت.ب. ويىمداعى كوپتەگەن سۇراققا جاۋاپ الدىم. قاتىسۋشىلار دا وزدەرىنىڭ تاجىريبەلەرىمەن ءبولىستى. ءبارىمىز ءبىر سالادا جۇرگەننەن سوڭ بۇل پايداسىن تيگىزەدى دەپ ويلايمىن. "اقجايىق camp" اتتى لاگەر ۇيىمداستىرعان ازاماتتىق ورتالىققا ۇلكەن العىس بىلدىرەمىن. وسىنداي شارالار كوپ بولىپ، اتىراۋلىق ۇەۇ-دىڭ بەلسەندىلىگى ارتا بەرگەي!

قايداربەك قۇرماشەۆ، «؛اقجول ماحامبەت»؛ مۇگەدەكتەر قوعامدىق بىرلەستىگى:

بىلۋ، ۇيرەنۋ قاي جاستا دا ۇيات ەمەس دەپ ويلايمىن. ال مىناداي كوڭىلدى ورتامەن ءبىلىمىڭدى ارتتىرۋ تىپتەن كەرەمەت! ءبىز ءبىر دۇنيەگە جان-جاقتى كوزقاراسپەن قاراۋىمىز كەرەك. ءالى دە ۇيرەنەرىمىز كوپ. ءوزىم اركەز ىزدەنىستە جۇرگەندى جاقسى كورەمىن. وسىنداي شارالار ءجيى ۇيىمداستىرىلا بەرسە، قاتىسۋدان قاشپاس ەدىم. مەن ءۇشىن قاجەتتى دۇنيەلەر ايتىلدى. ازاماتتىق ورتالىق ۇجىمىنا العىسىم شەكسىز.

سەمينار-ترەنينگ بىتكەن سوڭ ازاماتتىق ورتالىق ۇجىمى قاتىسۋشىلاردى ورال قالاسىنىڭ كورىكتى جەرلەرىنە ارالاتتى. شارا سوڭىندا قورىتىندى كەش ۇيىمداستىرىلىپ، ءاربىر قاتىسۋشىعا ازاماتتىق ورتالىقتىڭ ديرەكتورى ءامينا جاردەمقىزى سەرتيفيكات تابىستادى.

ايتا كەتەيىك، فاندرايزينگ &ndash؛ ءوز باعدارلامالارىن ىسكە اسىرۋ جانە ماقساتتارىنا قول جەتكىزۋ ءۇشىن قاجەتتى رەسۋرستار الۋعا باعىتتالعان قىزمەت.

اتىراۋ

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر