جامبىلدا مەملەكەت باسشىسىنىڭ تاپسىرمالارى ورىندالۋدا

مەملەكەت باسشىسى قاسىم-جومارت توقاەۆتىڭ ەل الدىنا قويعان مىندەتتەرىن جامبىلدىقتار دا قولدايدى. بايزاق اۋدانىنىڭ اكتيۆىمەن كەزدەسكەن وبلىستىق اقپاراتتىق توپ مۇشەلەرى ماڭىزدى قۇجاتتى جان-جاقتى تالقىلادى.

اۋدان اكىمىنىڭ ورىنباسارلارى, ءماسليحات دەپۋتاتتارى, اۋىلدىق وكرۋگتەر اكىمدەرى, اۋدان اكىمدىگىنىڭ بولىمدەرى, قۇقىق قورعاۋ ورگاندارى, ءبىلىم بەرۋ, دەنساۋلىق ساقتاۋ مەكەمەلەرىنىڭ باسشىلارى, ەتنو-مادەني ورتالىقتار, ۇكىمەتتىك ەمەس ۇيىمدار, بۇقارالىق اقپارات قۇرالدارى وكىلدەرىنىڭ قاتىسۋىمەن ەل پرەزيدەنتى ق.توقاەۆتىڭ «؛سىندارلى قوعامدىق ديالوگ &ndash؛ قازاقستاننىڭ تۇراقتىلىعى مەن وركەندەۋىنىڭ نەگىزى»؛ اتتى قازاقستان حالقىنا جولداۋىن تۇسىندىرۋگە ارنالعان يدەولوگيالىق اكتيۆ جينالىسىنا اۋدان اكىمى نۇرجان نۇرجىگىتوۆ مودەراتورلىق جاسادى.

نۇرجان مولديارۇلى پرەزيدەنت قۋاتتى مەملەكەت قۇرىپ, دامۋدىڭ جاڭا كەزەڭىنە اياق باستايتىن بەس مىندەتتى ۇسىنعانىن اتاپ ءوتىپ, جولداۋدان تۋىندايتىن وسى مىندەتتەردى تۇرعىندارعا كەڭىنەن ءتۇسىندىرۋ ماقساتىندا, اۋدانىمىزدىڭ 9 ەلدىمەكەنىندە وبلىستىق اقپاراتتىق توپ مۇشەلەرى جۇمىسىن باستاپ كەتكەنىن جەتكىزدى. سونداي-اق اتالمىش باسقوسۋعا وبلىستىق اقپاراتتىق توپ مۇشەلەرى, «؛جاڭارۋ»؛ قوعامدىق بىرلەستىگىنىڭ جامبىل وبلىستىق فيليالىنىڭ ءتوراعاسى قاسىمحان تولەنديەۆ پەن وبلىس اكىمدىگى تۋريزم باسقارماسىنىڭ باسشىسى قارلىعاش ارالبەكوۆا قاتىسىپ وتىرعانىن ايتتى.

جۇمىس رەگلامەنتى بەكىتىلگەن سوڭ «؛جاڭارۋ»؛ قوعامدىق بىرلەستىگى وبلىستىق فيليالىنىڭ ءتوراعاسى قاسىمحان تولەنديەۆ بايانداما جاسادى. قاسىمحان ەستەمەسۇلى بايانداماسىندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ العاش جاريالاعان جولداۋىنداعى نەگىزگى بەس مىندەتكە جەكە-جەكە توقتالدى. سونىڭ ىشىندە, حالىقپەن ءتيىمدى ديالوگ ورناتۋ ماسەلەسىنە ەرەكشە ءمان بەردى. جەرگىلىكتى تۇرعىندار كوتەرىپ وتىرعان ماسەلەلەردى زەردەلەپ, حالىقپەن كەرى بايلانىس ورناتۋ, اتقارۋشى ورگاندار جۇمىسىنىڭ ءتارتىبىن جۇيەلەندىرۋ جانە ونىڭ تيىمدىلىگىن ارتتىرۋ ماقساتىندا ءوڭىر باسشىسى اسقار مىرزاحمەتوۆتىڭ وكىمىمەن جەرگىلىكتى اتقارۋشى ورگاندار جۇمىسىنىڭ الگوريتمى بەكىتىلگەنىن تىلگە تيەك ەتتى. جۇرگىزىلگەن زەردەلەۋ جۇمىستارىنىڭ ناتيجەسىنەن ءبىرقاتار مىسالدار كەلتىردى. سونىمەن قاتار, قازاق ءتىلىنىڭ ءرولىن كۇشەيتۋ, ۇكىمەتتىك ەمەس ۇيىمداردىڭ بەدەلىن ارتتىرۋ, تاۋەلسىزدىكتىڭ 30 جىلدىق مەرەكەسى جانە حالقىمىزدىڭ ماقتانىشتارى ءال-فارابيدىڭ 1150 جىلدىق, اباي قۇنانباەۆتىڭ 175 جىلدىق مەرەيتويلارىنا وراي, الداعى ۋاقىتتا ءتۇرلى دەڭگەيدەگى ءىس-شارالار ۇيىمداستىرۋ, ميتينگتەر تۋرالى زاڭنامانى جەتىلدىرۋ,

قوعامدىق كەلىسىمدى نىعايتۋ, سىبايلاس جەمقورلىق, ينتەرنەت كەڭىستىگىندە جۇمىستار جۇرگىزۋ ءتارتىبى دە بايانداماشىنىڭ نازارىنان تىس قالمادى.

بۇدان سوڭ ءوز بايانداماسىن جاساعان وبلىس اكىمدىگى تۋريزم باسقارماسىنىڭ باسشىسى قارلىعاش ارالبەكوۆا مەملەكەت باسشىسى جولداۋىندا كورسەتىلگەن بيزنەستى قولداۋ, تۋريستىك ينفراقۇرىلىمدى دامىتۋ باعىتتارىنا باسىمدىق بەردى. وبلىس اۋماعىندا وسى باعىتتاعى اتقارىلىپ جاتقان ءبىرقاتار ىستەردى اتاپ ءوتىپ, جيىن مودەراتورى, اۋدان اكىمى نۇرجان نۇرجىگىتوۆكە بىرنەشە ءتيىمدى ۇسىنىستار جاسادى.

اۋدان باسشىسى نۇرجان مولديارۇلى اكتيۆ جيىنىنا قاتىسۋشىلاردى پرەزيدەنت جولداۋىنداعى مىندەتتەردى بىرلەسە وتىرىپ, جۇزەگە اسىرۋعا شاقىردى.