جامبىل وبلىسىنىڭ باعباندارى ەرەكشە كاسىپتى يگەرىپ جاتىر

جامبىل وبلىسى كاسىپكەرلەر پالاتاسىنىڭ باستاماسىمەن تۇڭعىش رەت وبلىستىڭ بارلىق ايماقتارىندا ليمون, انار, ءجۇزىم جانە بادام ءوسىرۋ بويىنشا وقىتۋ سەمينارلارى وتكىزىلۋدە. وسىعان وراي مەركى اۋداندىق مادەنيەت ۇيىندە جامبىل وبلىسى كاسىپكەرلەر پالاتاسىنان قۇرالعان توپ مۇشەلەرى كەلىپ, كاسىپكەرلەرمەن كەزدەستى ؛دەپ جازادى qamshy.kz اقپارات اگەنتتىگى. ؛

قوسالقى شارۋاشىلىقتى ءتيىمدى پايدالانۋ, ءوز اۋلاڭداعى جەر تەلىمىڭنەن تابىس تابۋعا باعىتتارىن ۇيرەتۋدى ماقسات تۇتقان جيىندى وبلىستىق «؛اتامەكەن»؛ كاسىپكەرلەر پالاتاسىنىڭ ديرەكتورى ولجاس قارجاۋوۆ جۇرگىزدى.

450-گە جۋىق جەكە كاسىپكەرلەر مەن كاسىپ اشۋعا نيەتتى ازاماتتار ليمون ءوسىرۋ, بادام, ءجۇزىم, انار ءوسىرۋدىڭ تاسىلدەرى مەن ادىستەرىن تىڭداۋعا جينالدى. ەندى ايماقتاعى تۇرعىنداردىڭ الەۋمەتتىك-ەكونوميكالىق جاعدايىن كوتەرۋ ماقساتىندا كاسىپكەرلەر پالاتاسىنىڭ ۇيىمداستىرۋىمەن جامبىل وبلىسىندا قوسالقى شارۋاشىلىقتى دامىتۋ بويىنشا «؛10 سوتىق»؛ پيلوتتىق جوباسىن ىسكە اسىرۋدى قولعا العان بولاتىن. جوبانىڭ ماقساتى: قوسالقى شارۋاشىلىقتى ءتيىمدى پايدالانۋ, ودان تابىس تابۋ, اۋىلدىق جەرلەردەگى تۇرعىنداردىڭ الەۋمەتتىك جاعدايىن كوتەرۋ.

وسى ماقساتتاردى ىسكە اسىرۋ ءۇشىن كاسىپكەرلەر پالاتاسىنىڭ جامبىل وبلىسىنىڭ اۋا رايى مەن توپىراق قۇرامىنا جايلى, جاقسى ءونىم بەرەتىن داقىلداردى زەردەلەپ, تابىسى مول بولاتىن داقىلداردى تاڭدادى. ولار: انار تالىن ءوسىرۋ, ءجۇزىم, ليمون, بادام وسىرۋمەن اينالىسۋ بولىپ تاڭدالدى. بۇدان باسقا كاسىپكەرلەر پالاتاسى اۋىل تۇرعىندارىنا 50 جوبا بويىنشا ۇيرەتۋ سەمينارلار وتكىزىپ, دايىن جوبالاردى ىسكە اسىرۋعا شاقىرۋدا.

وسى سەميناردا وزبەكستان مەملەكەتىنىڭ انديجان قالاسىنان كەلگەن اگرونوم - مامان ماشال حۋشۆاكت انار ءوسىرۋ مەن ءجۇزىم, بادام ءوسىرۋدىڭ ادىس-تاسىلدەرىن ۇيرەتتى.

سونىمەن قاتار شىمكەتتەن كەلگەن سەرعازى بەكمۇراتوۆ ءوزىنىڭ ليمون ءوسىرۋ جىلىجايىن كورسەتىپ, ونىڭ سۇرىپتارىمەن تانىستىردى.

جيىنعا كەلگەندەر قىزۋشىلىق ءبىلدىرىپ, ءوز سۇراقتارىن قويدى. كوبىنە «؛اتامەكەن»؛ كاسىپكەرلەر پالاتاسى ارىقىلى نەسيە الۋدىڭ جولدارى, كوشەت الۋ, نەسيەلەندىرۋ جونىندەگى سۇراقتار قويدى. وبلىستىق «؛اتامەكەن»؛ كاسىپكەرلەر پالاتاسىنىڭ ديرەكتورى ولجاس قارجاۋوۆ بارلىق سۇراقتارعا تولىققاندى جاۋاپ بەردى.

مانى مەن ماڭىزى زور باسقوسۋدى اۋدان اكىمى مەيىرحان ومىربەك قورىتىندىلاپ, قوسالقى شارۋاشىلىقتى قولعا الۋعا شاقىردى.