جامبىلداعى جىلقىشىتوبە قالاشىعىندا ارحەولوگيالىق زەرتتەۋ جۇمىستارى قارقىن الدى

جامبىل وبلىسى جۋالى اۋدانىنداعى جىلقىشىتوبە كونە قالاشىعى ورنىنداعى ارحەولوگيالىق زەرتتەۋ جۇمىستارى قارقىن الدى ؛دەپ جازادى qamshy.kz اقپارات اگەنتتىگى. ؛

قازاقستاندىق تاريحشىلاردىڭ ەرەكشە قىزىعۋشىلىعىن تۋعىزعان تاريحي نىسان اۋماعىندا عىلىمي قىزمەتكەرلەرمەن بىرگە ون ادامنان تۇراتىن توپ جۇمىس ىستەپ جاتىر. جىلقىشىتوبە قالاشىعىنىڭ جۇرتى وتكەن جىلى جۋالى اۋدانداعى تەرىس اۋىلىنىڭ ماڭىندا ارحەولوگتار جۇرگىزگەن بارلاۋ جۇمىستارى ناتيجەسىندە تابىلعان بولاتىن. ماماندار بۇل قالاشىقتىڭ ىرگەتاسىن ءبىزدىڭ داۋىرىمىزگە دەيىنگى ءىى جانە ءى عاسىرلاردا قالانعان بولۋى مۇمكىن دەپ بولجام جاساۋدا. ءارى ولاردىڭ ايتۋىنشا تاريحى تەرەڭدە جاتقان مۇنداي نىساندار رەسپۋبليكا اۋماعىندا سيرەك كەزدەسەتىن كورىنەدى.

&ndash؛ بۇل قالاشىق وسىدان ەكى مىڭ جىل بۇرىن تۇرعىزىلعان. مۇنداي بايلامعا ءبىز جۇرگىزىلىپ جاتقان زەرتتەۋ جۇمىستارىنىڭ ناتيجەسىندە كەلىپ وتىرمىز. قالا جۇرتىنىڭ ورنى تولىقتاي ارشىلاتىن بولسا وتاندىق تاريح عىلىمى ءبىرقاتار تىڭ دەرەكتەرمەن تولىعا تۇسەتىندىگىنە سەنىمدىمىن. ءقازىر قالانىڭ قابىرعالارى ارشىلدى. الدىن الا بولجام بويىنشا كونە قالا جۇرتى ەكى قاباتتان تۇرادى. قالانىڭ كەي قابىرعالارى بۇزىلماي سول كۇيىندە ساقتالعان. قالىڭدىعى ەكى مەتر, كەي جەرلەردە ءۇش مەترگە دەيىن جەتەدى. تاريحي ورىننىڭ ءبىرى رەتىندە «؛جىلقىشىتوبەنى»؛ كەلەشەكتە تۋريستىك ورتالىققا اينالدىرۋعا بولادى,&ndash؛ دەيدى الكەي مارعۇلان اتىنداعى ارحەولوگيا ينستيتۋتىنىڭ جەتەكشى عىلىمي قىزمەتكەرى دوكەي تالەەۆ

تاريحشى عالىمدار سوناۋ ءبىزدىڭ داۋىرىمىزگە دەيىنگى ءىى جانە ءى عاسىرلارعا جاتاتىن جىلقىشىتوبە قالاشىنىڭ ورنىنا ورتا عاسىرلاردا ايگىلى بولعان باركۋاب قالاسىنىڭ سالىنۋى مۇمكىن دەگەن اقپاراتتى دا ايتادى.

&ndash؛جىلقىشىتوبە قالاشىعىنىڭ جۇرتى وتە ۇلكەن اۋماقتى الىپ جاتىر. ءارى ونىڭ ءقازىر قازبا جۇمىستارى جۇرگىزىلىپ جاتقان تۇسى ءبىر كەزدەرى باسقارۋ ورتالىعى بولۋى دا عاجاپ ەمەس,&ndash؛دەيدى تاريحشى ساۋران قاليۇلى.

جىلقىشىتوبە قالاشىعىنىڭ جۇرگىزىلگەن ارحەولوگيالىق قازبا جۇمىستارى كەزىندە عالىمدار بايقاعان ءبىر ەرەكشەلىك قالا جۇرتىنىڭ شاتىرى قازاقى كيىز ءۇيدىڭ توبەسىنە كوبىرەك ۇقساس بولۋىندا بولىپ ءوتىر.تىپتى قازبا جۇمىستارى بارىسىندا ارحەولوگتار جەرلەنگەن ادامنىڭ سۇيەكتەرى دە تابىلعان. ولار سۇيەكتەر كەيىننەن باقالى اۋىلى ماڭىنداعى زيراتقا قايتا جەرلەنگەن.