• usd 409.19
  • eur 461.24
  • rub 5.67
  • cny 58.26

15 تامىز, 2019 الماتى

الماتىدا ءبىر توپ ادام اشتىق جاريالادى

15 تامىز كۇنى الماتىداعى «facility management group» جشس عيماراتىنىڭ الدىندا بىرنەشە تۇرعىن, اشتىق جاريالادى. اراسىندا ارباعا تاڭىلعان مۇمكىندىگى شەكتەۋلى ەكى جان بار – دەپ حابارلايدى qamshy.kz اقپارات اگەنتتىگى.

جينالعانداردىڭ مۇنداي قادامعا بارۋىنا ۇلكەن قالالارداعى ءجيى كەزدەسەتىن قوردالانعان ماسەلە &ndash؛ پاتەر يەلەرى كووپەراتيۆى اينالاسىنداعى داۋ سەبەپ بولعان. پيك-كە يەلىك ەتەتىن كومپانيا العاباس, اقكەنت, كوكجيەك ىقشاماۋدانىنداعى كوپقاباتتى ۇيلەرگە قىزمەت كورسەتپەيدى ەكەن. ايتالىق قوقىسىن تازالاپ, بۇلىنگەن باسپالداقتارىن, شاتىرىن, جەرتولەلەرىن جوندەمەيدى.

اشتىق جاريالادى

"جىلۋ جۇيەسىندەگى جىلۋ ايدايتىن ناسوس بۇزىلعان, ەندى ونى جاساماسا ءبىز قىستا ءۇسىپ ولەمىز عوي. قۇجاتتارىمىزدى قايتارسىن! ءبىز ءوزىمىز اقشا جيناپ, سول جىلۋدىڭ ناسوسىن جاساپ الامىز" &ndash؛ دەيدى جينالعاندار.

اشتىق جاريالاعانداردىڭ باستى تالابى &ndash؛ قۇجاتتارىن قايتارىپ, باسقا پيك-كە ءوتۋ. الايدا كومپانيا ولاردىڭ بۇل تالاپىن ورىنداماي, قۇجاتتارىن قايتارماي وتىرعان كورىنەدى.

ال تۇرعىندارعا قىزمەت ەتەتىن پيك قارايتىن كومپانيانىڭ ديرەكتورى جومارت يسماعۋلوۆ جۇمىستارىنا شاڭ جۋىتار ەمەس.

"ولاردىڭ نەگە اشتىق جاريالاپ وتىرعانىن بىلمەدىم. 2018 جىلدىڭ 1 قازانىنان باستاپ ءبىزدىڭ كومپانيا زەردەلىدەگى, العاباستاعى كوپقاباتتى ۇيلەردى كونكۋرس بويىنشا جەڭىپ الدى. سول ۋاقىتتان باستاپ ءبىز سول ۇيلەرگە قىزمەت جاساپ كەلەمىز" ؛&ndash؛ دەيدى ول.

كومپانيا باسشىسى كەرىسىنشە تۇرعىنداردىڭ بەرەشەگى بارىن ايتادى. ونىڭ سوزىنشە, العاباستاعى 141 ءنومىرلى كوپقاباتتى ءۇيدىڭ قارىزى 284 340 تەڭگە, 142 ءنومىرلى ءۇيدىڭ قارىزى 148 357 تەڭگە بولىپ كەتكەن. وسىلايشا كومپانيا تۇرعىنداردىڭ وزدەرىن ايىپتى قىلىپ وتىر.

ال سىرتتا جينالعان كوپقاباتتى ءۇيدىڭ تۇرعىندارى تۇيىتكىلدىڭ ءتۇيىنى شەشىلمەسە, جوعارى جاققا ارىزداناتىنىن ايتادى.

العابەك حاميتۇلى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر