قازاقستاندىق پاراشيۋتشىلەر 21 ەلدىڭ ىشىندە ەكىنشى ورىندى يەلەندى

رەسەي فەدەراسياسىنىڭ پسكوۆ وبلىسىندا ءوتىپ جاتقان «؛دەسانتتىق ۆزۆود»؛ كونكۋرسىنىڭ اسا قيىن كەزەڭدەرىنىڭ ءبىرى, دەسانتشىلاردىڭ دالدىككە جەكە سەكىرۋ سىناعى بولدى. سەكىرۋلەر "قانات" كلاسسيفيكاسياسىنداعى باسقارىلاتىن سەريالىق پاراشيۋتتىك جۇيەلەرىمەن جاسالىندى. اتالمىش كەزەڭدە 21 ەلدىڭ دەسانتشى-پاراشيۋتيستتەرى تارتىسقا ءتۇستى.

پاراشيۋتپەن دالدىككە سەكىرۋ مي-8 تىكۇشاقتارىنان 1200-1300 مەتر بيىكتىكتەن ورىندالدى. ولاردىڭ سەكىرۋ ينتەرۆالدارى ءۇش سەكۋندتى قۇراپ, ەركىن قالىقتاۋ جاعدايىندا دا ءۇش سەكۋندتان كەم بولماۋى ءتيىس بولاتىن. ەرەجە بويىنشا پاراشيۋتيستتەر اسكەري كيىم ۇلگىدە, قارۋ-جاراقپەن جانە دەسانتشىلار شلەمىندە بولۋى ءتيىستى. جەرگە قونۋ بارىسىندا ديامەترى 10 مەتردى قۇرايتىن قىزىل شەڭبەرگە اياقتارىن تيگىزۋى قاجەت ەدى. ناتيجەنى ەسەپتەۋ شەڭبەردىڭ ورتاسىندا ورنالاسقان قىزىل جاستىقشادان جۇرگىزىلىپ وتىردى. ءار ەلدەن ءۇش دەسانتشى سەكىرىپ, ولاردىڭ شەڭبەر ورتاسىنان اۋىتقىعان قاشىقتىق مولشەرى بويىنشا جەڭىمپازدار انىقتالدى.

وسى كەزەڭنىڭ ناتيجەسىندە قازاقستاندىق دەسانتشىلار ەكىنشى ورىندى يەلەندى. ولار بەلارۋس رەسپۋبليكاسى دەسانتشىلارىنان 50 سانتيمەترگە عانا ۇتىلدى, ءۇشىنشى ورىندى ماروككو ەلىنىڭ اسكەريلەرى يەلەندى. قازاقستاندىق دەسانتشىلار اراسىندا ۇزدىك ناتيجەنى مايور ۆياچەسلاۆ لوپارەۆ كورسەتتى. ول شەڭبەردىڭ ءدال ورتاسىنا قونىپ, بارلىعىن تاڭ قالدىردى.

قازاقستاندىق كوماندانىڭ ءنۇسقاۋشى-پاراشيۋتيستى مايور ازامات ءابدىرايىمنىڭ ايتۋىنشا, قازاقستاندىق پاراشيۋتيستەر سايىستىڭ وسى كەزەڭىنە 7 سەكسيالىق پاراشيۋتتىك جۇيەسىمەن دايىندالعان.

"الايدى وسى جەرگە كەلگەندە تورەشىلەر كوللەگياسى ءبىزدىڭ پاراشيۋتتەردى سپورتتىق دەپ تانىپ, وزدەرىنىڭ 9 سەكسيالى اربالەت-2 پاراشيۋتتىك جۇيەسىن ۇسىندى. الايدا سوعان قاراماستان, تانىستىق سەكىرۋلەردى جاساماي-اق, بەيتانىس پاراشيۋتتەرمەن ءبىزدىڭ جىگىتتەر جاقسى ناتيجە كورسەتە ءبىلدى", &ndash؛ دەپ ويىمەن ءبولىستى.

ەستەرىڭىزگە سالا كەتسەك, قازاقستاندىق اسكەري قىزمەتشىلەر 3-17 تامىز ارالىعىندا رەسەي فەدەراسياسىنىڭ پسكوۆ وبلىسىندا حالىقارالىق ارميالىق ويىندارعا قاتىسۋدا.

 ؛

رۋستەم يگيسينوۆ,

 ؛كاپيتان

 ؛"باتىس" وڭىرلىك قولباسشىلىعىنىڭ ءباسپاسوز قىزمەتى

 ؛