• usd 378.65
  • eur 430.07
  • rub 6
  • cny 55.1
19 تامىز، 09:26:00
اكىمدىك قىزمەتكەرلەرى مەن باق وكىلدەرى اراسىنداعى الادوپ الامانى

11 تامىز، 2019 بارلىق ايماقتار

باس ءمۇفتي: وتانداستارىمدى مال باعاسىن شارىقتاتپاي، پايداعا ەمەس، ساۋاپقا بولەنۋگە ۇندەيمىن

قۇربان ايت – قاناعات پەن قايىرىمدىلىقتىڭ مەرەكەسى.

سەرىكباي قاجى وراز،

قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي

قۇربان ايت قۇتتى بولسىن!

اسا قامقور، ەرەكشە مەيىرىمدى اللانىڭ اتىمەن باستايمىن! ؛

قۇرمەتتى قاۋىم!

بارشاڭىزدى قاسيەتتى قۇربان ايتتىڭ كەلۋىمەن قۇتتىقتايمىن. ايت قابىل بولسىن! وتباسىلارىڭىزعا باق-بەرەكە، ىرىس پەن ىنتىماق، اللانىڭ اماندىعىن تىلەيمىن!

قۇربان ايت &ndash؛ ءيسى مۇسىلماننىڭ ۇلىق مەيرامى. ايت كۇندەرى اعايىن-جۇرت بىر-بىرىنە: "ايت قابىل بولسىن!" ايتىپ، ىزگى تىلەكتەرىن جەتكىزىپ، العىستارىن جاۋدىرادى. وسى رەتتە سىزدەرگە ىزگى نيەتپەن جاراتقاننىڭ جاقسىلىعىن تىلەيمىن.

تۋىس پەن باۋىرعا، كورشى مەن دوس-جارانعا ايتتاپ بارۋ، ءقادىرلى قوناققا ايتتىق بەرىپ، ۇلكەننىڭ العىسى مەن باتاسىن الۋ &ndash؛ سوناۋ زاماننان جالعاسىپ كەلە جاتقان مۇسىلماندىق ءداستۇرىمىز. وسى يگى ءداستۇردى قوعامدا قايتا جاڭعىرتىپ، جاستارعا ۇلگى-ونەگە كورسەتۋگە شاقىرامىن!

"قۇربان" ءسوزى "جاقىن بولۋ"، "جاقىنداۋ" دەگەن ۇعىمداردى بىلدىرەدى. مۇسىلمان بالاسى ايت كۇنى قۇرباندىق شالۋ ارقىلى اللاعا دەگەن اق نيەتىن پاش ەتەدى.

ويتكەنى، اللا تاعالا قاسيەتتى قۇراندا:

"ۇمىتپاڭدار، ولاردىڭ ەتى دە، قانى دا ەشقاشان اللاعا جەتپەيدى. وعان جەتەتىن نارسە &ndash؛ جۇرەكتەرىڭىزگە ۇيالاعان تاقۋالىقتارىڭ (شىنايى نيەتتەرىڭ)" ("حاج" سۇرەسى، 37-ايات)، &ndash؛ دەپ ادال نيەتتىڭ ماڭىزدىلىعىن اتاپ وتكەن.

ارداقتى اعايىن!

قۇربان ايتتا ورىندالاتىن ەڭ قايىرلى امال &ndash؛ قۇربان شالۋ. ايت كۇنى جاعدايى بار كىسىلەر قۇربان شالىپ، ونى قاراۋسىز قالعان قاريالار مەن جەتىمدەرگە، كوپبالالى وتباسىلارعا تاراتىپ، ساۋاپ الۋعا تىرىسادى. الايدا، ايت كۇندەرى مال باعاسى قىمباتتاپ كەتەتىن جاعداي ءجيى ورىن الادى. وسى رەتتە وتانداستارىمدى مال باعاسىن شارىقتاتپاي، پايداعا ەمەس، ساۋاپقا بولەنۋگە ۇندەيمىن. ويتكەنى، قۇربان ايت &ndash؛ قاناعات پەن قايىرىمدىلىقتىڭ مەرەكەسى.

ۇلىق مەيرامدا جاسايتىن بارشا ساۋاپتى امالدارىڭىز، قايىرىمدىلىق ىستەرىڭىز قابىل بولعاي! قاسيەتتى مەككە قالاسىندا قاجىلىعىن وتەپ، ەلىمىزدىڭ يگىلىگى ءۇشىن دۇعا جاساپ جاتقان اتا-اپالارىمىزدىڭ، باۋىرلارىمىزدىڭ تىلەگى قابىل بولعاي!

اللا تاعالا بارشامىزدى ايتتان ايتقا امان-ەسەن جەتكىزىپ، ىزگى ىستەر مەن قۋانىشتى ساتتەردە باسقوسۋىمىزدى ءناسىپ ەتكەي! ءامين!

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر