الماتى وبلىسىندا تاۋداعى ءورتتى ءسوندىرۋ كەزىندە ءۇش ادام قازا تاپتى

5 تامىزدا الماتى وبلىسى پانفيلوۆ اۋدانى تالدى اۋىلدىق وكرۋگىنىڭ اۋماعىنداعى تاۋلى جەرلەردە دالا ءورتىن ءسوندىرۋ كەزىندە 3 ادام قازا تاپتى qamshy.kz اقپارات اگەنتتىگى قر ءىىم ءباسپاسوز قىزمەتىنە سىلتەمە جاساپ. ؛

ونىڭ بىرەۋى جاركەنت ورمان شارۋاشىلىعى مەكەمەسىنىڭ قىزمەتكەرى, قالعان ەكەۋى ءورتتى ءوز كۇشتەرىمەن سوندىرۋگە تىرىسقان جەرگىلىكتى تۇرعىندار. سونىمەن قاتار, 7 ادام ءتۇرلى دارەجەدەگى كۇيىك الدى, ونىڭ ىشىندە 1 ادام اياعىن سىندىردى. زارداپ شەككەندەر لەسنوۆكا اۋىلىنا تىكۇشاقپەن جەتكىزىلدى, ولار ودان ءارى جاركەنت قالاسىنىڭ ورتالىق اۋداندىق اۋرۋحاناسىنا جاتقىزىلادى.

وقيعا ورنىندا الماتى وبلىسىنىڭ تجد مەن پوليسيا دەپارتامەنتىنىڭ جەكە قۇرامىنان 59 ادام, 13-تەن استام ارنايى تەحنيكا, سونداي-اق جاركەنت مەملەكەتتىك ورمان مەكەمەسىنىڭ قىزمەتكەرلەرى جۇمىس ىستەۋدە. ؛

ورت وشاعىن سوندىرۋگە ءورت سوندىرۋشىلەر جانە پوليسيا قىزمەتكەرلەرىمەن بىرگە جەرگىلىكتى تۇرعىندار, سونداي-اق ورمان شارۋاشىلىعى قىزمەتكەرلەرىنەن قۇرىلعان ەرىكتى ورتكە قارسى قۇرىلىمدار جۇمىلدىرىلدى. ؛

تاۋلى جەردەگى ءورتتى ءسوندىرۋ قيىندىق تۋعىزۋىنا بايلانىستى سۋاعار قۇرىلعىسى بار مي-8 تىكۇشاعى تارتىلدى. جاقىن ماڭدا سۋ الاتىن ايدىن-كول بولماعاندىقتان, اۋە كەمەسى ادامداردى تاسىمالداپ, قورجىندى بۇرىككىشتەردى سۋمەن قامتاماسىز ەتۋ ءۇشىن جۇمىس ىستەدى.

قازىرگى ۋاقىتتا ءورتتى ءسوندىرۋ بويىنشا جۇمىستار جالعاسۋدا. ءورت وشاقتارىن وقشاۋلاۋ ءۇشىن قوسىمشا كۇشتەر مەن قۇرالدار تارتىلدى. وقيعا ورنىنا تاعى ءبىر «؛قازاۆياقۇتقارۋ»؛ تىكۇشاعى جىبەرىلدى. ؛ ؛

ىشكى ىستەر مينيسترلىگى توتەنشە جاعدايلاردى جويۋ كەزىندە قازا تاپقان جانە زارداپ شەككەندەردىڭ وتباستارىنا كوڭىل ايتادى.