• usd 389.52
  • eur 429.21
  • rub 6.07
  • cny 54.94
13 قاراشا، 02:32:16
قازاقستان ۋكراينانىڭ ساۋدا نارىعىنا الاڭداۋلى

01 تامىز، 2019 ءداستۇر

اتادان قالعان كاسىپ: ۇلتتىق كيىم قالاي تىگىلەدى؟

بۇگىنگى كۇنى دە اتا-بابا ءداستۇرى جاڭعىرىپ، ۇلتتىق كيىم ءوندىرىسى وزىندىك جالعاسىن تاۋىپ كەلەدى.

ار حالىقتىڭ بولمىسىن اشا تۇسەتىن، ءسوزسىز جاراسا كەتەتىن كيىم بولسا، ول البەتتە، سول ەلدىڭ ۇلتتىق كيىمى. تەك قازاقستاندا عانا ەمەس الەمنىڭ بارلىق ەلدەرىندە مەملەكەتتىڭ ۇلتتىق قۇندىلىقتارىنا دەگەن سۇرانىس ارتىپ كەلەدى. وزگەلەردى الەمدىك برەندتەرمەن تاڭ قالدىرا قويۋ ەكىتالاي. ال ۇلتتىق ناقىشتاعى كيىمدەر ءارقاشان ساندە.

اتا-بابامىز كيىم تىگۋ بارىسىنا اسا قاتتى كوڭىل بولگەن. ءار كيىمدى كيۋدىڭ وزىندىك ادەبى قالىپتاسقان. ءتىپتى كيىمگە سالىناتىن ويۋ-ورنەككە دەيىن ءجىتى قاداعالاپ، ءار قايسىسىنىڭ ماعىناسىنا تەرەڭ ۇڭىلگەن. ۇلتتىق كيىمنىڭ تۇرلەرىن دايىنداۋدا كوشپەلى قازاق حالقى ءتورت تۇلiك مالدىڭ ءجۇنi مەن تەرiسiن پايدالانعان. ءجۇندi يiرiپ، مال تەرىسىن يلەپ كۇندەلىكتى كيەتىن كيىمدەرىن دايىنداعان. بۇگىنگى كۇنى دە اتا-بابا ءداستۇرى جاڭعىرىپ، ۇلتتىق كيىم ءوندىرىسى وزىندىك جالعاسىن تاۋىپ كەلەدى.

قازاقتىڭ ۇلتتىق كيىمى دەگەندە كوز الدىمىزعا ويۋلى شاپان، زەرلى كامزول، ساپتاما ەتىك كيگەن، ءسانى مەن سىمباتى جاراسقان اتا-اپالارىمىزدىڭ ءتۇر-سيپاتى كەلەدى.

شەبەردىڭ ينەسى دە، كۇيمەسى دە &ndash؛ التىن دەمەكشى تاپسىرىس بەرۋشىنىڭ تالعامىنا ساي كەلەتىن ۇلتتىق كيىمنىڭ قالاي دايىندالاتىنىن بىلگىڭىز كەلسە qamshy.kz اقپارات اگەنتتىگى دايىنداعان ماتەريالعا نازار اۋدارىڭىز.

«؛البەتتە، ۇلتتىق كيىمدى دايىنداۋ بارىسى بىرنەشە كەزەڭنەن وتەدى»؛، - دەيدى abyroikz.kz تىگىن شەبەرحاناسىنىڭ ديزاينەرى ميرۋانا اققاس.

وزىنىڭ جەكە تالعامى بويىنشا تاپسىرىس بەرگىسى كەلگەن ادام، ەڭ الدىمەن تىكەلەي ديزاينەرمەن جۇمىس ىستەيدى. ءوزىنىڭ قالاۋىن جەتكىزىپ، قانداي ماقساتتا كيەتىنىن ايتادى. ديزاينەر تاپسىرىس بەرۋشىنىڭ كوكەيىندەگىنى ءدوپ باسۋ ءۇشىن كيىم ۇلگىسىن الدىمەن قاعاز بەتىنە تۇسىرەدى. دايىن بولعان ۇلگىگە جان ءبىتىرۋ ءۇشىن ماتا مەن ءونىمدى تاڭداۋ جۇمىستارى باستالادى.

abyroikz.kz

كەيىن قۇراستىرۋشى (كونسترۋكتوردىڭ) جۇمىسى باستالادى. قۇراستىرۋشى (كونسترۋكتور) ماتامەن كيىمدى ءپىشۋشى. ول ءوزىنىڭ جۇمىسىنا بايلانىستى ولشەمدەر الادى. كيىمنىڭ ولشەمىن الۋ ءۇشىن كىسىنىڭ دەنە ءبىتىمى، تىگىلەر كيىمنىڭ ديزاينى ەسكەرىلەدى. ديزاينى بەلگىلى بولىپ ولشەم الىنعان كيىم ءپىشۋ بولىمىنە جىبەرىلەدى.

ديزاينەر، مودەلەر-قۇراستىرۋشى، تىگىنشىلەر بىرلەسە جۇمىس ىستەيدى.

abyroikz.kz

 ؛

ارى قاراي ول تىگىن سەحىنا وتەدى. تىگىن سەحىنا دەيىن اشەكەيلەيتىن جۇمىستارى بولسا، ول قايتادان ديزاينەردىڭ الدىنا كەلەدى. قازاقتىڭ ۇلتتىق كيىمىندە، اسىرەسە، ويۋ-ورنەكتىڭ الار ورنى ەرەكشە. سول سەبەپتى قانداي ويۋ قويىلاتىنى، ويۋ قولمەن كەستەلەنە مە، الدە كومپيۋتەرمەن تۇسىرىلە مە دەگەن ماسەلەلەر تالقىلانادى. قولمەن تىگىلسە، قولونەرىمەن اينالىساتىن شەبەرلەردىڭ قولىنا تاپسىرىلادى.

abyroikz.kz

ديزاينەر باستان-اياق سۋرەتىن سالىپ بەرەدى. ەگەر ايەلدەرگە ارنالعان كيىم بولسا، ارى قاراي مونشاقتارى الىنادى، مونشاقتاردىڭ ءتۇسى شەشىلەدى.

abyroikz.kz

قول جۇمىسى بىتكەننەن كەيىن استارىن دايىنداپ، كونسترۋكتور قايتادان تىگىن سەحىنا وتكىزەدى.

تىگىن سەحىنا وتكىزىلگەننەن كەيىن دايىن كۇيىندە تىگىلىپ شىعادى نەمەسە تاپسىرىس بەرۋشىنى تاعى ءبىر مارتە شاقىرىپ قايتادان ولشەم جاسالادى. ولشەم كەزىندە كونسترۋكتور مەن ديزاينەر تاپسىرىس بەرۋشىگە دايىن بولىپ قالعان كيىمدى كيگىزىپ كورىپ، ۇلكەن-كىشىلىگىن، قىسقارتاتىن نەمەسە قوساتىن جەرلەرىن، تاپسىرىس بەرۋشىنىڭ كوڭىلىنەن شىعۋ-شىقپاۋىن قاداعالاپ، بارلىق جۇمىستاردى قوسىمشا پىسىقتاپ، قايتادان تۇزەۋ ءۇشىن تىگىن سەحىنا جىبەرىلەدى.

ابىرويكز

بارلىق جۇمىستار جۇرگىزىلىپ بولعاننان كەيىن دايىن ءونىم تاپسىرىس بەرۋشىنىڭ قولىنا تاپسىرىلادى. ۇلتتىق كيىم تىگۋ ءادىسى قاراپايىم كيىم تىگۋ ادىسىنەن ايتارلىقتاي ەرەكشەلەنبەيدى. الايدا، اسا جاۋاپكەرشىلىكتى تالاپ ەتەدى.

بۇگىندە abyroikz.kz تىگىن شەبەرحاناسىندا تىگىلگەن ۇلتتىق كيىمدەردى قوعام قايراتكەرلەرى، ونەر ادامدارى، سپورت ساڭلاقتارى ەرەكشە ىقىلاسپەن قابىلداپ، ارنايى تاپسىرىسپەن تىكتىرەدى.

ارنايى تاپسىرىسپەن تىگىلگەن كيىم مىندەتتى تۇردە سىمباتىڭىزعا ءسان بەرەدى. ويتكەنى ءسىزدىڭ دەنە ءبىتىمىڭىزدىڭ ءاربىر ەرەكشەلىگى ەسەپكە الىنادى، ءارى ءوز قالاۋىڭىز بويىنشا تىكتىرە الاسىز. قازاق ونەرىنىڭ قايتالانباس كورىنىسى بار ۇلتتىق كيىمدەرگە تاپسىرىس بەرەردە ءاربىر ۇساق-تۇيەك جۇمىستارعا دەيىن ءمان بەرگەنىڭىز ءجون.

ۇلتتىق جادىمىزدىڭ جاقۇتىنداي بولعان ۇلتتىق ونەردىڭ وركەندەگەنى ءاربىر قازاق ءۇشىن ماڭىزدى.

وقي وتىرىڭىز: ؛

&diams؛ ؛ايدار ءماسىمعازى: ساۋدامەن اينالىسپاساڭ، "ساۋداڭ" بىتەدى...

 ؛

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر