ارىستانبەك مۇحامەديۇلى جاڭا قىزمەتكە تاعايىندالدى

قازاقستاننىڭ ەكس-مادەنيەت جانە سپورت ءمينيسترى ارىستانبەك مۇحامەديۇلى ەل پرەزيدەنتى قاسىم-جومارت توقاەۆتىڭ وكىمىمەن قازاقستان رەسپۋبليكاسىنىڭ ۇلتتىق مۋزەيىنىڭ ديرەكتورى قىزمەتىنە تاعايىندالدى ؛دەپ حابارلايدى qamshy.kz اقپارات اگەنتتىگى. بۇل تۋرالى ؛اقوردانىڭ ؛رەسمي سايتىندا جازىلدى.

مۇحامەديۇلى ءوزىنىڭ ەڭبەك جولىن 1984 جىلى جامبىل اتىنداعى قازاق مەملەكەتتىك فيلارمونياسىنىڭ مەملەكەتتىك سيمفونيالىق وركەسترىنىڭ ءارتىسى بولىپ باستاعان. 1991-1993 جىلدارى ارالىعىندا مادەنيەت مينيسترلىگىندە مامان بولدى. 1993 جىلى قر مادەنيەت ءمينيسترىنىڭ كومەكشىسى بولىپ تاعايىندالدى. ءار جىلدارى قر پرەزيدەنتىنىڭ وركەسترىندە قىزمەت اتقاردى. سونىمەن قاتار «؛قازاق اۋەندەرى»؛ اق-نا باسشىلىق ەتتى.

2006 جىلى قر مادەنيەت جانە اقپارات ۆيسە-مينيسترى بولىپ جۇمىس جاسادى. سونداي-اق ول قر پرەزيدەنتى اكىمشىلىگىنىڭ ىشكى ساياسات ءبولىمىنىڭ مادەنيەت سەكتورىنىڭ مەڭگەرۋشىسى بولعان.

2008 جىلدان بەرى ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى قىزمەتىن اتقارعان.

2014 جىلعى 14 ناۋرىزدان - قر سول كەزدەگى پرەزيدەنتى ن. نازارباەۆتىڭ جارلىعىمەن قر مادەنيەت ءمينيسترى قىزمەتىنە تاعايىندالدى.

2014 جىلعى 12 تامىزدان 2019 جىلدىڭ 17 ماۋسىمىنا دەيىن قازاقستان رەسپۋبليكاسىنىڭ مادەنيەت جانە سپورت ءمينيسترى بولدى.