سىزدىڭ مىنەزىڭىز قانداي؟: سۋرەتتەگى قولشاتىردىڭ ءبىرىن تاڭداڭىز (پسيحولوگيالىق تەست)

تومەندەگى سۋرەتتەن كوزىڭىزگە بىردەن تۇسكەن نەمەسە وزىڭىزگە ۇناعان قولشاتىردى تاڭداپ, سيپاتتاماسىن وقىڭىز. ءسىز تاڭداعان قولشاتىر مىنەزىڭىزدىڭ قانداي ەكەندىگىنەن حابار بەرەدى. ەندەشە, ىسكە ءسات!

№1 قولشاتىر نازارىڭىزدى اۋدارتسا:

سىز ەشقاشان جۇرەگىڭىزدىڭ ۇنىنە قۇلاق اسپايتىن جانسىز. بالكىم ءومىرىڭىزدىڭ ءبىر كەزەڭىندە جۇرەگىڭىزدىڭ ايتقانىن تىڭداپ, وپىق جەگەن بولارسىز. سودان بەرى ماسەلەلەردى تەك اقىلمەن شەشەسىز. اقىلىڭىز ءسىزدى ەشقاشان اداستىرعان ەمەس. ءار ءىستىڭ تۋرا جولىن وڭاي تاباتىن ادامسىز.

ەگەر №2 قولشاتىردى تاڭداساڭىز:

سىز ۋاقىت كوشىنەن وزا جۇرەتىن جانسىز. ءاردايىم جاڭالىققا جانىڭىز قۇمار. ەشكىمنىڭ ويىنا كىرىپ شىقپايتىن يدەيالاردى جۇزەگە اسىرىپ جۇرەسىز. كيىم كيۋ ۇلگىڭىز دە وزگەلەرگە ۇقسامايدى. باسقالار ءۇشىن باتىل قادام بولىپ سانالاتىن ىس-ارەكەتتەر ءسىز ءۇشىن ۇيرەنشىكتى. ويتكەنى ءسىز وزگەلەردىڭ ءتىسى باتپايتىن شارۋالاردى اپ-ساتتە تىندىرا الاسىز. ءسىزدىڭ قولىڭىزدان بارلىعى كەلەدى.

№3 قولشاتىر ۇناسا:

سىز وزگەلەردىڭ نازارىن اۋدارتقىڭىز كەلمەيتىن جانسىز. ءسىز تەك تۋىستارىڭىز بەن جاقىندارىڭىزعا عانا اشىلا سويلەيسىز. ەموسياڭىزدى وزگەلەرگە بىلدىرتپەسەڭىز دە وتە مەيىرىمدى ەكەنىڭىزدى جاقىندارىڭىز جاقسى بىلەدى. سىرت كوزگە سۋىق كورىنەتىن ءجۇزىڭىزدىڭ ار جاعىندا جىلۋلىق بارىن سەزگەن ءاربىر ادام ءسىزدىڭ ادال نيەتىڭىزگە ءتانتى بولارى انىق.

№4 قولشاتىرعا تاڭداۋىڭىز تۇسسە:

سىز ومىردە مايدا-شۇيدە ماسەلەلەرگە باس قاتىرمايتىن ادامسىز. ءومىردىڭ ءاربىر ءساتىن باعالاي الاتىن قاسيەتىڭىزدىڭ ارقاسىندا كوپتەگەن جەتىستىكتەرگە جەتەسىز. كىشكەنە جولىڭىز بولا قالسا, ارقاڭىزدى كەڭگە سالىپ, كوپ ماقتانىپ كەتەتىن قاسيەتىڭىز بار. ءبىراق ءسىز ءۇشىن ول دا ماڭىزدى ەمەس. بارلىعىنا قولىڭىزدى ءبىر سىلتەپ, تەك ءوز مۇددەڭىز ءۇشىن عانا ءومىر سۇرەسىز.

№5 قولشاتىردى تاڭداساڭىز:

سىز ارمانشىل ادامسىز. اينالاڭىزداعى ءاربىر قۇبىلىستان عاجايىپ ىزدەيسىز. ءسىز ءۇشىن شىعارماشىلىقپەن اينالىسىپ, ءوز قابىلەتىڭىزدى ارتتىرۋ ماڭىزدى. ومىردەگى عاجايىپتاردىڭ سىرىن ۇعۋعا تالپىناسىز. كوپ ويلاناتىندىقتان, ءجۇزىڭىز ازداپ شارشاڭقى كورىنۋى مۇمكىن. الايدا, ءسىز كوڭىلدى جۇرەتىن جانداردىڭ قاتارىنانسىز.

№6 قولشاتىردى كوزىڭىزگە تۇسسە:

سىز سويلەۋ شەبەرلىگىڭىزبەن, ءوزىڭىزدى ۇستاۋىڭىزبەن وزگەلەردى تارتا الاسىز. ادامداردىڭ ورتاسىندا كوشباسشىلىق قاسيەتكە يەسىز. بارلىعى ءسىزدىڭ اقىل-كەڭەسىڭىزگە جۇگىنەدى. جانە ءسىزدىڭ بەرگەن كەڭەسىڭىز پايداعا اسىپ جاتادى. سول سەبەپتى ادامدار ءسىزدى سىيلايدى. وكىنىشتىسى, وزگەلەرگە ايتقان اقىلىڭىز وزىڭىزگە جۇرمەي قالادى. قيىن ساتتە قام جەمەڭىز, ءسىز ءبارىبىر تىعىرىقتان شىعۋدىڭ جولىن جاقسى بىلەسىز.