25 ماۋسىم, 2019 news
ارنايى شىعارىلىم: ءدال ءقازىر ارىس قالاسىندا نە بولىپ جاتىر؟
ارىسقا اتتانعان qamshy.kz اقپارات اگەنتتىگىنىڭ قوس ءتىلشىسى ءدال ءقازىر وقيعا ورىنىنان جەدەل اقپار بەرۋدە...
وقيعانىڭ رەسمي مالىمدەمەسى شىققان بويدا الماتىدان ارىسقا اتتانعان ؛qamshy.kz اقپارات اگەنتتىگىنىڭ قوس ءتىلشىسى كەشە عانا مىڭداعان حالىقتى ابىگەرگە سالعان قالانىڭ ىشىندە. وقيعا ورىنىنا جۋرناليستەر قاۋىمىن بۇگىن ءتۇس قايتا كىرگىزگەن. ونىڭ وزىندە جارىلىس بولعان ايماقتاردى ەمەس, قالانىڭ ءىشىن عانا ارالاۋعا رۇقسات ەتىپتى. ؛
قولحات ؛
جۋرناليستەردىڭ تابانداپ تۇرىپ العانىنىڭ ارقاسىندا عانا وقيعا ورىنىن كوزبەن كورىپ, تاسپاعا تارتىپ الۋ مۇمكىندىگى تۋدى. جۋرناليستەردىڭ بارلىعىنا تومەندەگىدەي ماتىندەگى قولحات جازعىزىپ, تەمىر كيىم كيگىزىپ, قاۋىپسىزدىك شارالارىن جاساپ بارىپ رۇقسات ەتتى. ؛
قازىر ارىس قالاسىندا مامىراجاي تىرشىلىك ورناعان. ادامداردىڭ كىرۋىنە تىيىم سالىنسا دا, قازىرگى ۋاقىتتا توتەنشە جاعدايلاردىڭ الدىن الۋعا بولىنگەن قىزمەتكەرلەر, اسكەري قىزمەتكەرلەر قالادا ءجۇر. ؛
مال قىرىلىپ جاتىر
"ورتتىڭ اراسىندا قالعان مالدار سانى وتە كوپ, ولاردىڭ باسىم بولىگى ءىرى قارا. بارلىعىنىڭ قۇلاعىنداعى سىرعاسى ارقىلى مەكەن-جايىن انىقتاپ ەگەلەرىنە الىپ بارىپ بەرەمىز. ەگەر انىقتالماسا وندا بۇل شارۋامەن وبلىس اينالىسادى. ءبىزدى ءقازىر كىرگىزبەي جاتىر قالاعا. كەشە تۇندە تىعىلىپ كىرىپ ەدىك قۋىپ شىقتى پوليسيالار. رۇقسات قاعاز بەرمەي جاتىر قولىمىزعا",- دەيدى سۇلتان جالعاسوۆ. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر