بۇلار ... ومىردە جوق...

thispersondoesnotexist.com سايتى ءبىرازدان بەرى جاساندى ينتەللەكتتىڭ ءونىمىن ۇسىنىپ كەلەدى دەپ حابارلايدى qamshy.kz اقپارات اگەنتتىگى zen.yandex.ru سايتىنداعى ەرلان وسپاننىڭ جازباسىن نەگىزگە الىپ.

"بۇلار ... ومىردە جوق..." دەپ باستالادى اۆتوردىڭ جازباسى... ء"بىراق, دۇنيەنىڭ جالعاندىعى مەن جەتى قات جەردىڭ استىنان تاۋىپ الاتىن تىمىسكى اجالدى ويلاپ, قامىقپاي-اق قويىڭىز. «اتتەگەن-اي, جاس ەكەن!» دەپ مۇسىركەمەي تۇرا تۇرىڭىز.

بۇلار ومىردە جوق. بولماعان دا. كادىمگى جاساندى ينتەللەكتتىڭ ءونىمى. thispersondoesnotexist .com (قازاقشالاساق, «مۇندايادامومىردەجوق.com») سايتى ءبىرازدان بەرى جاساندى ينتەللەكت ارقىلى ادام فوتولارىن «ويدان شىعارىپ» كورسەتەدى. پاراقتى جاڭارتقان سايىن (f5 پەرنەسىن باسۋعا دا بولادى) — جاڭا فوتو ۇسىنادى.

بۇل قالاي مۇمكىن بولدى؟

the verge حابارلاۋىنشا, بۇل سەرۆيستى پروگرامميست philip wang جاساعان. جاساۋ ءۇشىن وزدەرىڭىزگە, اسىرەسە گەيمەرلەرگە ايگىلى nvidia زەرتتەۋلەرىن پايدالانىلعان. بۇل گرافيكالىق پروسەسسور الپاۋىتىن كەلەسىدە ەرەكشە اتاپ وتەرمىز. ايتەۋىر بيزنەسىن قازىرشە ايتقاندا - «ديۆەرسيفيكاسيالاپ», بۇگىندەرى ءوزى ماشىقتانعان گرافيكالىق تەمىر-تەرسەكتەر شىعارۋدان باسقا, جاساندى ينتەللەكت زەرتتەۋدە دە وزىپ وتىر. وسى فوتولاردىڭ «ومىرگە كەلۋىنە» وسى كومپانيا جاساعان stylegan الگوريتمى قولدانىلعان. جانە وسى بيىگىندە قالاتىن ءتۇرى جوق. ءقازىر زەرتتەۋشىلەر ەندى — انيمە كەيىپكەرلەرىن جاساۋ, ءتىپتى, گراففيتي سالۋ مەن ءقارىپ «ويلاپ تابۋدىڭ» جولىن قاراپ جاتىر!

بىراق ەتيكالىق ماسەلە بار. مۇنداي جاساندى فوتولاردى مىڭداپ, جوق, شەكسىز شىعارۋ مۇمكىندىگى قوعامدى بىلىقتىرۋى مۇمكىن. مىسالى, ساياسي ناۋقاندار, ۇگىتتەۋ جۇمىستارىندا قولدانىلسا قايتەمىز؟ تىرىگە بەرگىسىز مىڭداعان فەيك-اككاۋنتتار زىمياندارعا قاجەت «قوعامدىق كوزقاراس» قالىپتاستىرىپ بەرۋى مۇمكىن دەگەن ۇرەي بار. كەزىندە اتوم بومباسىن جاساۋشىلار دا وسىلاي تولعانعان. ءبىراق ءبارىبىر جاساعان. ەندەشە مۇنىڭ توقتايتىن, مۇنى توقتاتاتىن ەش العىشارت كورىپ تۇرعان جوقپىن. شىنىمەن سولاي بولاتىن شىعار.

ايتپاقشى, google images سەرۆيسىنەن مىناۋ, وزىمشە «قازاق بالا» دەپ ات قويىپ العان فوتونى ىزدەپ كوردىم:

شىنىمەن, google ەشتەڭە تاپپادى. ءبىراق ءناسىلىن شامالاپ تۇرعانداي ما, قالاي:

وزىم بايقاعان ءبىر جايت: ادامزات گرافيكالىق شىعارما جاساۋدى وسىنداي قارقىنمەن ۇيرەنىپ جاتسا دا, ءماتىن جازۋدى ۇيرەتۋدە ايتارلىقتاي جەتىستىك جوق. قىزىق, كەرىسىنشە - بەينە جاساتۋ قيىن بولۋى كەرەك سياقتى عوي قيسىنعا سالساق؟

ايتپاقشى, مىنا «بالانىڭ فوتوسىندا» ايتارلىقتاي ارتەفاكت بار:

توقەتەرى, thispersondoesnotexist.com سايتىن ارا-تۇرا قاراپ قويىڭىزدار, قازاققا ۇقسايتىن بىرەۋلەر شىعىپ قالار.

ەرلان وسپان, it مامانى

ۇسىنعان: ماقپال سەمباي