21 مامىر, 2019 شارۋاشىلىق
تابيعات تارتۋى: جاڭا تۋعان قۇرالايدىڭ سۋرەتتەرى جارىق كوردى (ۆيدەو)
تابيعات تارتۋى: قۇرالاي سۇلۋلىعى كوپتى تامساندىردى.
اۋىل شارۋاشىلىعى مينيسترلىگىنىڭ جانۋارلار الەمى مەن ورمان شارۋاشىلىعى كوميتەتىنىڭ ءباسپاسوز حاتشىسى ساكەن دىلداحمەت ءوزىنىڭ الەۋمەتتىك جەلىدەگى پاراقشاسىندا جاڭا تۋعان اقبوكەن ءتولىنىڭ فوتو/ۆيدەوماتەريالدارىن جاريالادى دەپ حابارلايدى qamshy.kz اقپارات اگەنتتىگى.
"قۇستار داۋىسى, جەل سىبىرى, جاڭبىر تامشىسى جانە تىپ-تىنىش ۇيىقتاپ جاتقان قۇرالاي. بۇل - ماعان ۇنايتىن كورىنىس. جاي عانا قالتامنان سمارتفونىمدى شىعارىپ, تابيعاتتىڭ كەرەمەتىن تاسپاعا تارتىپ الدىم", - دەيدى ساكەن دىلداحمەت.
سونىمەن قاتار, كوميتەتتىڭ ءباسپاسوز حاتشىسى ىرعىز-تورعاي تابيعي قورىعىندا ورنالاستىرىلعان فوتوقاقپاندارعا تۇسكەن اقبوكەندەردىڭ سۋرەتىن جاريالادى.
"بەتپاقدالادا تولدەتۋ ماۋسىمى ويداعىداي ءوتتى. فوتولاردان جاڭا تۋعان قۇرالاي مەن جەلىنى سىزداعان بوكەندەردى كورۋگە بولادى", - دەپ جازدى ول.
دايىنداعان: ادىلەت مادەنيەت
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر