24 ءساۋىر, 2024 الەم
كورنەكى سۋرەت
لاتۆيا ۇكىمەتى مەكتەپتەردە ورىس ءتىلىن ەكىنشى شەت ءتىلى رەتىندە وقىتۋدان بىرتىندەپ باس تارتۋ تۋرالى شەشىم قابىلدادى. 2026/27 وقۋ جىلىنان باستاپ وقۋشىلار ورىس ءتىلىن وقىمايدى. بۇل جونىندە لاتۆيا مينيسترلەر كابينەتىنىڭ سايتىندا جازىلعان ؛دەپ جازدى ازاتتىق راديوسى.
باستاۋىشتى بىتىرگەن وقۋشىلار ورىس ءتىلىنىڭ ورنىنا ەۋرووداق نەمەسە ەۋروپا ەكونوميكالىق ايماعىنا كىرەتىن ەلدەردىڭ ءتىلىن ەكىنشى شەت ءتىلى رەتىندە تاڭداي الادى.
ورىس ءتىلىن ەكىنشى شەت ءتىلى رەتىندە تاڭداعان وقۋشىلار وقۋىن جالعاستىرا بەرەدى. لاتۆيا مەكتەپتەرىندە ءبىرىنشى شەت ءتىلى رەتىندە اعىلشىن وقىتىلادى.
لاتۆيا ۇكىمەتى مۇنداي باستاما جاستاردى ەۋروپانىڭ ءبىلىم كەڭىستىگىنە كىرىكتىرۋىنە ىقپال ەتەدى دەپ سانايدى. ؛
"مەكتەپتە ەۋرووداق تىلدەرىنىڭ ءبىرىن ەكىنشى شەت ءتىلى رەتىندە تاڭداۋ ارقىلى ءبىز ەۋروپانىڭ مادەني كەڭىستىگىنە جانە دەموكراتيالىق الەم قۇندىلىقتارىنا جاتاتىندىعىمىزدى راستايمىز. وسى عاسىردا رەسەي باستاعان قاندى سوعىس جانە ۋكراين حالقىنىڭ گەنوسيدىنەن كەيىن ورىس ءتىلى لاتۆيا قوعامىنىڭ ەداۋىر بولىگى ءۇشىن مىندەتتى ەكىنشى شەت ءتىلى رەتىندە قالا المايدى" دەدى لاتۆيانىڭ ءبىلىم جانە عىلىم ءمينيسترى اندا چاكشا. ؛
ستاتيستيكا مالىمەتىنە سۇيەنسەك, 2022 جىلى لاتۆيادا ەكىنشى شەت ءتىلى رەتىندە ورىس ءتىلىن &ndash؛ 91,1 مىڭ, نەمىس ءتىلىن &ndash؛ 27,6 مىڭ, فرانسۋز ءتىلىن شامامەن 4 مىڭ وقۋشى وقىعان. بيلىك ەلدە ورىس ءتىلىن ۇيرەنگىسى كەلەتىن ازاماتتاردىڭ كوپ بولۋىن وزگە شەت ءتىلى وقىتۋشىلارىنىڭ ازدىعىمەن تۇسىندىرگەن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر