ماسكەۋدەگى تەراكت: تەگى ينگۋش ءۇش رەسەي ازاماتىنا ىزدەۋ جاريالانعانى حابارلاندى

 ؛

ۆۆس ورىس قىزمەتىنىڭ مالىمەتىنشە, كەمى 60 ؛ادام قازا تاۋىپ, 145 ادام زارداپ شەككەن.

 ؛

22 ناۋرىز كۇنى ماسكەۋ ۋاقىتىمەن 8-دەن وتە "كروكۋس سيتي حولل" زالىندا پيكنيك توبىنىڭ كونسەرتى باستالاردا كامۋفلياج كيگەن بىرنەشە ادام اۆتوماتتان وق جاۋدىرىپ, وقيعا ورنىنان ءىزىن سۋىتقان.

 ؛

تەلەگرام-ارنالاردا تاراعان اقپاراتقا قاراعاندا كۇدىكتىلەر اق ءتۇستى "رەنو" كولىگىمەن سىتىلىپ كەتكەن بولۋى مۇمكىن. بەيرەسمي دەرەكتەرگە سايكەس, تەگى ينگۋش ءۇش رەسەي ازاماتىنا ىزدەۋ جاريالانعان.

 ؛

رەسەيدىڭ بۇرىنعى پرەزيدەنتى دميتريي مەدۆەدەۆ تەراكتكە ۋكراينانى كىنالاپ سويلەدى, الايدا ۋكراينا تارابى بىردەن وقيعاعا قاتىسى جوقتىعىن مالىمدەدى. اقش تا شابۋىلعا ۋكراينانى ايىپتاۋعا نەگىز جوق دەپ رەاكسيا تانىتتى.

 ؛

ۇزاماي كوپتەگەن ەلدەردە لاڭكەستىك  ؛دەپ تانىلعان "يسلام مەملەكەتى" ۇيىمى لاڭكەستىك شابۋىلدى ءوز موينىنا الدى. الايدا ءۆۆس-دىڭ ورىس قىزمەتى اقپاراتتى تاۋەلسىز راستاۋ قيىن ەكەنىن, اتالعان ۇيىم بۇرىن وزدەرى قاتىسى جوق وقيعالاردى موينىنا العان كەزدەر بولعانىن ەسكە سالدى.

 ؛

7 ناۋرىز كۇنى ؛اقش رەسەيگە 48 ساعاتتىڭ ىشىندە لاڭكەستىك شابۋىل جاسالۋى مۇمكىن دەگەن اقپارات تاراتىپ, رەسەيدەگى ازاماتتىرىن ادام كوپ جينالاتىن جەرگە بارماۋعا ۇندەگەن.

 ؛

9 ناۋرىز كۇنى رەسەيدىڭ فسب قىزمەتى ماسكەۋ سيناگوگا شىركەۋىنە جاسالماق بولعان شابۋىلدىڭ الدىن العانىن, ارنايى قىزمەتپەن اتىس كەزىندە ەكى قازاقستاندىق قازا تاپقانىن حابارلاعان.

 ؛