12 ءساۋىر, 2024 بارلىق ايماقتار
قايرات ساتىبالدى مەملەكەتكە تاعى 50 ملرد تەڭگە قايتارادى
تەرگەۋ بارىسىندا قايرات ساتىبالدىۇلى ءوز كىناسىن تولىق مويىنداپ, قىلمىستىق جولمەن الىنعان مۇلىكتى اشۋعا ىقپال ەتكەن.
فوتو: اشىق دەرەككوزدەن
ەكس-پرەزيدەنت نۇرسۇلتان نازارباەۆتىڭ نەمەرە ءىنىسى قايرات ساتىبالدىۇلى ءىسى بويىنشا مەملەكەتكە تاعى 50 ملرد تەڭگە قايتارۋ جوسپارلانىپ وتىر, دەپ حابارلادى سىبايلاس جەمقورلىققا قارسى ءىس-قيمىل اگەنتتىگى.
"11 ساۋىردە ق.ساتىبالدىۇلىنا قاتىستى قىلمىستىق ءىستى قاراۋ شەڭبەرىندە سوت (قر قك 218-بابى 3-بولىگىنىڭ 3-تارماعى) پروكۋروردىڭ ءوتىنىشى بويىنشا زاڭسىز ساتىپ الىنعان اكتيۆتەردى قايتارۋ جونىندەگى راسىمدەردى ورىنداۋ قاجەتتىلىگىنە بايلانىستى پروسەستىك كەلىسىم جاساسۋ ءۇشىن قوسىمشا مەرزىم بەرۋ تۋرالى شەشىم قابىلدادى", - دەلىنگەن حابارلامادا.
اتاپ ايتقاندا, سوتتالۋشىنىڭ جالپى سوماسى 50 ملرد تەڭگەدەن اساتىن قوسىمشا مۇلىكتىك اكتيۆتەرىن مەملەكەت پايداسىنا قايتارۋ تۋرالى ماسەلە قارالىپ جاتىر.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر