پارلامەنت تۇرمىستىق زورلىق-زومبىلىق تۋرالى زاڭدى قابىلدادى

تۇزەتۋلەر مەملەكەتتىك وتباسىلىق ساياساتتىڭ قۇقىقتىق, الەۋمەتتىك, ينستيتۋسيونالدىق جانە وزگە دە نەگىزدەرىن جەتىلدىرۋگە, ايەلدەردىڭ قۇقىقتارى مەن بالالاردىڭ قاۋىپسىزدىگىن قورعاۋدى كۇشەيتۋگە, ولاردىڭ قاۋىپسىزدىگىن بۇزعانى ءۇشىن اكىمشىلىك جانە قىلمىستىق جاۋاپكەرشىلىكتى قاتايتۋعا, وتباسى مەن تۇرمىستاعى زورلىق-زومبىلىقتىڭ الدىن الۋعا باعىتتالعان.

"مەملەكەت باسشىسى كامەلەتكە تولماعاندارعا قاتىستى زورلىق-زومبىلىقتىڭ كەز كەلگەن ءتۇرى ءۇشىن جازانى قاتاڭداتۋدى, سونداي-اق ءبىلىم بەرۋ مەكەمەلەرىندە پسيحولوگيالىق قولداۋ قىزمەتىن ينستيتۋسيونالدىق كۇشەيتۋدى, ءبىرىڭعاي سەنىم تەلەفونىن ۇيىمداستىرۋدى جانە قاراۋعا ۇسىنىلعان زاڭداردا كورىنىس تاپقان زورلىق-زومبىلىق پەن بۋللينگ قۇرباندارىنا كومەك كورسەتۋدىڭ پارمەندى باعدارلاماسىن ازىرلەۋدى تاپسىردى", - دەدى سەنات دەپۋتاتى جاننا اسانوۆا.

"ايەلدەردىڭ قۇقىقتارى مەن بالالاردىڭ قاۋىپسىزدىگىن رەتتەيتىن" زاڭمەن قىلمىستىق كودەكسكە مىناداي وزگەرىستەر ەنگىزىلەدى:

• ادامداردىڭ كامەلەتكە تولماعاندارعا قاتىستى زورلىق-زومبىلىققا بايلانىستى قىلمىستار كەزىندە كودەكستىڭ ەرەكشە بولىگىندە كوزدەلگەننەن نەعۇرلىم جەڭىل جازا تاعايىنداۋعا تىيىم سالۋ؛
• تاراپتاردىڭ كامەلەتكە تولماعاندارعا قاتىستى زورلىق-زومبىلىققا بايلانىستى قىلمىستار بويىنشا, سونداي-اق كودەكستىڭ 108-1 ("دەنساۋلىققا قاساقانا جەڭىل زيان كەلتىرۋ") جانە 109-1 ("ۇرىپ-سوعۋ") - باپتارىندا كوزدەلگەن قىلمىستىق قۇقىق بۇزۋشىلىقتار تاتۋلاسقاننان كەيىن ءبىر جىلدان كەيىن قايتالاپ جاسالعان جاعدايلاردا تاتۋلاسۋىنا جول بەرىلمەيدى؛
• دەنساۋلىققا قاساقانا اۋىر زيان كەلتىرۋگە, دەنساۋلىعىنا اۋىرلىعى ورتاشا زيان كەلتىرۋگە باعىتتالعان ىس-ارەكەتتەر ءۇشىن باس بوستاندىعىن شەكتەۋ تۇرىندەگى بالامالى جازا الىنىپ تاستالادى جانە باس بوستاندىعىنان ايىرۋ تۇرىندەگى جازا بەلگىلەنەدى؛
• كامەلەتكە تولماعان ادامدى ولتىرگەنى ءۇشىن (قك-نىڭ 99-بابى), كامەلەتكە تولماعانعا قاتىستى زورلاۋ جاساعانى ءۇشىن (قك-نىڭ 120-بابى) جانە كامەلەتكە تولماعانعا قاتىستى جىنىستىق سيپاتتاعى زورلىق-زومبىلىق ارەكەتتەرى ءۇشىن (قك-نىڭ 121-بابى) قك-نىڭ قولدانىستاعى نورمالارىندا كوزدەلگەن باسقا بالاما جازالاۋ شارالارىن الىپ تاستاۋ ارقىلى ءومىر بويىنا باس بوستاندىعىنان ايىرۋ تۇرىندەگى جازا بەلگىلەنەدى؛
• 16 جاسقا تولماعان ادامدارعا جىنىستىق سيپاتتاعى ءتيىسۋ ءۇشىن جاۋاپكەرشىلىك ەنگىزىلەدى؛
• وزىن-وزى ولتىرۋگە يتەرمەلەۋ نەمەسە كومەكتەسۋ ءۇشىن جازا بەلگىلەيدى؛
• قىلمىستىق قۇقىق بۇزۋشىلىق جاساعان ادامنىڭ مىنەز-قۇلقىنا سوت قولداناتىن ەرەكشە تالاپتاردى بەلگىلەيتىن جاڭا باپ ەنگىزىلدى؛
• سەنات دەپۋتاتتارى زاڭدى ءبىرىنشى جانە ەكىنشى وقىلىمدا ماقۇلداۋعا داۋىس بەردى. قۇجات پرەزيدەتتىڭ قول قويۋىنا جىبەرىلەدى. ول قول قويىلعاننان كەيىن كۇشىنە ەنەدى.