قانداس مارتەبەسىن بەرۋ ءراسىمىن جەتىلدىرۋگە باعىتتالعان تۇزەتۋلەر ۇسىنىلدى - سەنات

وسى زاڭنىڭ ماقساتى - حالىقتىڭ كوشى-قونى جانە قىلمىستىق-اتقارۋ جۇيەسى سالاسىنداعى زاڭنامانى, حالىقتىڭ كوشى-قونى سالاسىنداعى مەملەكەتتىك باقىلاۋ تەتىكتەرىن جەتىلدىرۋ, توتەنشە جاعداي كەزىندە ازاماتتاردىڭ قۇقىقتارىنا كەپىلدىكتەردى قامتاماسىز ەتۋ, سونداي-اق زاڭنامادا ورىن العان قۇقىقتىق ولقىلىقتاردى جويۋ.

اتالعان زاڭ اياسىندا پەدوفيلدەرگە قازاقستانعا كىرۋگە جانە ازاماتتىق الۋعا, سونداي-اق ەكسترەميستىك نەمەسە تەرروريستىك ارەكەتتەرگە قاتىستىلىعى بار شەتەلدىكتەردىڭ ەلگە كىرۋىنە تىيىم سالىنادى.

«؛قوس ازاماتتىقتى بولعىزباۋ ماقساتىندا قازاقستان ازاماتتىعىن العاننان كەيىن باسقا مەملەكەتتىڭ ازاماتتىعىن راستايتىن قۇجاتتاردى پايدالانعان جاعدايدا, قازاقستان رەسپۋبليكاسىنىڭ ازاماتتىعىن جوعالتۋدىڭ جاڭا نەگىزى ەنگىزىلەدى. ايتا كەتسەك, قولدانىستاعى زاڭنامادا شەت مەملەكەتتىڭ ازاماتتىعىن العانى ءۇشىن عانا قازاقستان ازاماتتىعىن جوعالتۋدى تىركەۋ كوزدەلگەن»؛, ؛ دەدى دەپۋتات.

«؛قر ىشكى ىستەر مينيسترلىگىنىڭ دەرەكتەرى بويىنشا 2023 جىلى ۋاقىتشا تۇرۋعا 584 588 رۇقسات بەرىلدى, ەلگە كىرۋ ءۇشىن 55 091 شاقىرۋ رەسىمدەلدى, سونداي-اق 56 427 ۆيزا بەرىلدى. قازاقستان ازاماتتىعىنا 26,8 مىڭنان استام ادام قابىلداندى. ونىڭ ىشىندە قانداستاردىڭ سانى 20,5 مىڭنان استى. بىلتىر 16 028 ادام قازاقستان ازاماتتىعىنان ايىرىلدى (2021 جىلى - 17 179 ادام, 2022 جىلى-18 568 ادام). 32 جىل ىشىندە قازاقستانعا 1 ملن 128 مىڭ ەتنيكالىق قازاق كەلىپ, قانداس مارتەبەسىن العانىن اتاپ وتكەن ءجون, بۇل ەل حالقىنىڭ 5,6 پايىزىن قۇرادى»؛, - دەدى سەناتور.