سەناتتىڭ العاشقى ءتوراعاسى ومىربەك بايگەلدى ومىردەن ءوتتى

بۇگىن استانا قالاسىندا كورنەكتى مەملەكەت جانە قوعام قايراتكەرى ومىربەك بايگەلدى 85 جاسقا قاراعان شاعىندا ومىردەن ءوتتى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى. ؛ ؛

ومىربەك بايگەلدى &ndash؛ قازاقستان رەسپۋبليكاسى پارلامەنتى سەناتىنىڭ العاشقى ءتوراعاسى بولدى (1996-1999 ج.ج.).

ول 1939 جىلى جامبىل وبلىسىنىڭ قىزىل-وكتيابر اۋىلىندا دۇنيەگە كەلگەن. ەڭبەك جولىن جامبىل وبلىسى جامبىل اۋدانىنىڭ قىزىل-وكتيابر كولحوزىندا جۇمىسشى بولىپ باستاعان.

1990 جىلدارى جامبىل وبلىستىق اتقارۋ كوميتەتىنىڭ ءتوراعاسى, جامبىل وبلىسىنىڭ اكىمى, قازاقستان رەسپۋبليكاسى پرەزيدەنتىنىڭ كەڭەسشىسى بولىپ قىزمەت اتقارعان.

قازاقستان رەسپۋبليكاسى پارلامەنتى سەناتىنىڭ ءبىرىنشى, ەكىنشى, ءۇشىنشى جانە ءتورتىنشى شاقىرىلىمداعى دەپۋتاتى بولىپ, پارلامەنت سەناتىندا 16 جىلدان استام قىزمەت اتقارعان.