استانادا جاستار ادەبي كلۋبىنىڭ العاشقى وتىرىسى ءوتتى

قر ۇلتتىق اكادەميالىق كىتاپحاناسىندا جاستار ادەبي كلۋبىنىڭ العاشقى باسقوسۋى ءوتتى. وعان ەلمىزدىڭ ءار ايماعىنان كەلگەن 18-35 جاس ارالىعىنداعى جاس قالامگەرلەر, "دارىن" مەملەكەتتىك جاستار سىيلىعىنىڭ, پرەزيدەنتتىڭ ارنايى ادەبي سىيلىعىنىڭ لاۋرەاتتارى, حالىقارالىق, رەسپۋبليكالىق ادەبي بايقاۋلاردىڭ جەڭىمپازدارى قاتىستى, دەپ حابارلايدى ؛qamshy.kz اقپارات اگەنتتىگى.

مادەنيەت جانە اقپارات مينيسترلىگى جانىنان قۇرىلعان جاستار ادەبي كلۋبىنىڭ ماقساتى &ndash؛ قازاق ادەبيەتىندەگى وزەكتى ماسەلەلەردى, جاڭا ادەبي تەندەنسيالار مەن شىعارمالاردى تالقىلاۋ, اۆتورلاردى ناسيحاتتاۋ.

"مەملەكەت باسشىسى ۇلتتىق قۇرىلتايدا جالپى جاستار تاربيەسى, ونىڭ ىشىندە كىتاپحانالاردى دامىتۋ, جالپى كىتاپ وقۋ ماسەلەلەرىن قولعا الۋعا قاتىستى ناقتى تاپسىرمالار بەردى. تۇپتەپ كەلگەندە نەگىزگى ماقسات &ndash؛ ۇلت رۋحانياتىن دامىتۋ, ساپالى ۇرپاق ءوسىرۋ. ويتكەنى, كىتاپ وقيتىن بالا رۋحاني دۇنيەسى باي ازامات بولىپ وسەرى انىق. بار ونەردىڭ ءتۇپ نەگىزى &ndash؛ ادەبيەت. سوندىقتان جاس قالامگەرلەرگە ورتاق الاڭ ۇسىنىپ, ادەبيەتتەگى وزەكتى ماسەلەلەردى تالقىلاۋ &ndash؛ زامان تالابى", - دەدى مادەنيەت جانە اقپارات ءمينيسترى ايدا بالاەۆا.

وتىرىستا كلۋبتىڭ كۇن ءتارتىبى بەكىتىلىپ, باسشىلىق قۇرامى جاساقتالدى, الداعى جوسپارلارى ايقىندالدى. جيىنعا قاتىسۋشىلار زاماناۋي ادەبي پروسەسس پەن اۋدارما سالاسىنا, كىتاپ شىعارۋ جانە باسپا ىسىنە, بالالار ادەبيەتىن دامىتۋعا قاتىستى وزەكتى ماسەلەلەرگە قاتىستى ويلارىن ورتاعا سالىپ, ءتۇرلى ۇسىنىستارىن ايتتى. سونداي-اق ادەبي اگەنتتىك, وتاندىق اۆتورلاردىڭ شىعارمالارىن ناسيحاتتاۋ, كىتاپ وقۋ مادەنيەتىن قالىپتاستىرۋ توڭىرەگىندە ءبىرقاتار ماسەلەلەر كوتەرىلدى.

"جاس قالامگەرلەرگە قولداۋ كورسەتۋدە بۇگىنگى باسقوسۋدىڭ ماڭىزى زور دەپ ەسەپتەيمىن. جاڭا ادەبي كلۋب قازاق ادەبيەتىنىڭ دامۋ كوكجيەگىن كەڭەيتىپ, ۇلت رۋحانياتىنىڭ دامۋىنا ءوز سەپتىگىن تيگەزەدى دەپ ويلايمىن", - دەدى مەملەكەتتىك "دارىن" جاستار سىيلىعىنىڭ يەگەرى, سىنشى-ادەبيەتتانۋشى باعاشار تۇرسىنبايۇلى.

الداعى ۋاقىتتا ادەبي كلۋبتىڭ وتىرىسى ەلىمىزدىڭ وزگە دە ايماقتارىندا كوشپەلى نەگىزدە ۇيىمداستىرىلادى.