شەنەۋنىكتەردىڭ ميىنداعى جاساندى شىندىق ءقاۋىپتى – دوسىم ساتباەۆ

پرەمەر-مينيستر لاۋازىمىنا جاساندى ينتەللەكتىنى تاعايىنداي سالساق دۇرىس بولار ەدى. ونىڭ ءبىر ءوزى ۇكىمەتتىڭ بار جۇمىسىن اتقارا بەرەر ەدى. ء

بىراق, ولاي ەتسەك, مەملەكەتتىك اپپارات قاراپ وتىرمايدى عوي...

«؛جارىقتى سوندىرەدى. جانتالاسىپ بىردەن شالت ارەكەتكە كوشەدى. ءسويتىپ ىستەتپەي تاستايدى ونى دا. كوردىڭىزدەر مە, ءتىپتى كەز-كەلگەن جاساندى ينتەللەكتىنىڭ ءوزى ىشكى نومەنكلاتۋرالىق ومىرشەڭدىك تۇيسىگىنە توتەپ بەرە المايدى.

بىزدەگى شىندىق, مىنە وسى! جاساندى ينتەللەكتى ءقاۋىپتى دەپ ءجۇر عوي بىرەۋلەر.

جووو... جوووق! شىنايى ومىردەن ءبىرجولا قول ۇزگەن, مەملەكەتتىك اپپارات جۇيەسىنىڭ تاماشا جۇمىس ىستەپ جاتقانىن كوزبوياۋشىلىقپەن كورسەتۋدى ابدەن مەڭگەرىپ العان, ءارى وزدەرى سوعان سەنەتىن شەنەۋنىكتەردىڭ ميىنداعى جاساندى رەال ءقاۋىپتى. ول پرەمەر-مينيستر, مينيسترلەر قانشا جەردەن اۋىسسا دا جولىنداعى كەز-كەلگەن نارسەنى الەمتاپىراق قىلىپ تالقانداي بەرەدى, ادەمى جوسپارلاردى دا, مىقتى جوبالاردى دا...  ؛

قازاقستانداعى پرەمەر-مينيستر دەگەن, ەڭ ءبىرىنشى كەزەكتە ىشكى نومەنكلاتۋرالىق توپتاردىڭ كوڭىلىنە جاعاتىن, بارىمەن ورتاق تىلگە كەلە الاتىن جالتاق تۇلعا بولۋى ءتيىس. وعان قوسا, ونىڭ بىلىگى مەن بىلىمىنەن گورى پرەزيدەنتكە جاقىن بولعانى ماڭىزدى. جىلدار بويى بىزدە وسىلاي بولىپ كەلەدى.

ۇكىمەتىمىز زاڭدىلىققا سايكەس, ورتاق مۇددەگە توپتاسقان ءبىرىڭعاي كوماندا دا ەمەس. ولاي بولسا, ء«؛بولىپ ال دا بيلەي بەر»؛ دەگەن قاعيدات جۇمىس ىستەمەي قالادى ەمەس پە؟ جالپى, ەلدىك ەمەس, جەكە مۇددەدەگىلەردى باسقارۋ, ەلدى تىعىرىققا تىرەۋ وڭاي. ال وڭاي, تەگىن نارسەگە ءبارى ۇيىرسەك كەلەتىنى بەلگىلى...»؛, دەپ جازىپتى ساياساتتانۋشى جەلىدەگى پاراقشاسىنا.