قازاقستاندىق ونەرتاپقىش كولىكتەردى بەينەەففەكتىلەردە تۇرلەندىرۋدىڭ جاڭا ءادىسىن ويلاپ تاپتى

ەربولات سارسەمباەۆ تۋرالى قىسقاشا توقتالا كەتسەك, كينو سالاسىندا 2009 جىلدان بەرى ەڭبەك ەتىپ كەلەدى. سونىمەن قاتار ول ءقازىر ارمانداعان جوباسى &ndash؛ عىلىمي-فانتاستيكالىق فيلممەن اينالىسادى. ەربولات العاشقى ؛بەينەينجەنەرلىك جۇمىسىن جاساۋ ءۇشىن ؛adobe after effects قولدانباسىن پايدالانىپتى. ؛

• مەدەۋدە اۆتوكولىك فەستيۆالى ءوتىپ جاتقانىن ءبىلىپ, كولىكتەردى جالعا الۋدى ءجون كوردىم. مەن بىرەگەي نارسە جاساعىم كەلدى, وڭدەۋدى جاڭا جولمەن قولدانعىم كەلدى. ارينە, شىعارما ەكسپەريمەنتتىك سيپاتتا بولعاندىقتان, ونى شىعارامىن با, جوق پا دەگەن كۇمانىم بولدى. ءبىراق بەينەروليك شىققاننان كەيىن ءبارى وزگەردى - بۇل بۇكىل الەمدەگى اۆتوموبيل كونتەنت يندۋسترياسىنا اسەر ەتتى, - دەيدى ەربولات سارسەمباەۆ.

بەينەجازبا جاريالانعاننان كەيىن ءار ەلدىڭ ماماندارى كەڭەس پەن نۇسقاۋ الۋ ءۇشىن سارسەمباەۆقا جۇگىنە باستاعان. ونىڭ بۇل جۇمىسى سۇرانىستا بولسا دا, ەشقانداي اقى الماستان, ؛ەربولات ءوز ازىرلەمەلەرىن تەگىن بەرگەن. «؛كوبىسى مەنىڭ جۇمىسىمدى قايتالاۋعا تىرىستى. ءبىراق بۇل ايتارلىقتاي وڭاي ەمەس. ءتىپتى after effects-تەگى كوپ جىلدىق تاجىريبەم بولسا دا, ءبىر جۇمىستى جاساۋعا ءبىر اپتا ۋاقىتىم كەتتى»؛, - دەيدى ول.

قازىرگى تاڭدا transform transition ەففەكتىسى جاھاندىق ترەندكە اينالعان. ءتىپتى الەمدىك بلوگەرلەر مەن كونتەنتمەيكەرلەر ونى ءوز جوبالارىندا بەلسەندى قولدانا باستاعان دا. دەگەنمەن, ەربولات اتاپ وتكەندەي, سالاعا دەم بەرگەن ادىستەمە الماتىدا جاسالعان. ؛  ؛

«؛جالپى youtube-تە مۇنداي ەففەكتىلەردى قالاي جاساۋعا بولاتىنى جايىندا كوپتەگەن ۆيدەوروليكتەر بار. ءبىراق ەشقايسىندا بۇل جۇمىستى مەنىڭ جاساعانىم تۋرالى ايتىلمايدى. مەن وعانر رەنجىمەيمىن دە. كەرىسىنشە, مەنىڭ جۇمىسىمنىڭ وزگەلەردى شابىتتاندىراتىنىنا جانە كوپشىلىككە قاجەت بولعانىنا قۋانىشتىمىن. ءارى قازاقستاندا دا بەينەينجەنەريا سالاسىندا جوعارى بىلىكتى ماماندار بار ەكەنىن الەم بىلسە دەيمىن»؛, - دەيدى ەربولات ءسوز اراسىندا.