29 قاراشا, 2024 news
2025 جىلعى كوكتەمگى ەگىس جانە ەگىن جيناۋ جۇمىستارىن قارجىلاندىرۋ باستالدى
مەملەكەت باسشىسى اگروفورۋمدا اگروونەركاسىپتىك كەشەن ەكونوميكالىق ءوسىمنىڭ نەگىزگى كۇشتەرىنىڭ ءبىرى سانالاتىنىن اتاپ ءوتتى.
كورنەكى سۋرەت
ۇكىمەت اوك دامىتۋ جونىندەگى مىندەتتەرگە قول جەتكىزۋ ماقساتىندا كەشەندى شارالار قابىلداۋدا. قازاقستاندا پرەمەر-مينيستردىڭ تاپسىرماسى بويىنشا فەرمەرلەردىڭ وتىنىش-تىلەكتەرىن ەسكەرە وتىرىپ, وسى جىلدىڭ 29 قاراشاسىنان باستاپ 2025 جىلعى كوكتەمگى ەگىس جانە ەگىن جيناۋ جۇمىستارىن جۇرگىزۋدى قارجىلاندىرۋ باستالدى.
پرەزيدەنتتىڭ تاپسىرماسىن ورىنداۋ شەڭبەرىندە 2025 جىلعى كوكتەمگى ەگىس جانە ەگىن جيناۋ جۇمىستارىنا 700 ملرد تەڭگەگە دەيىن باعىتتالادى, ونىڭ 560 ملرد تەڭگەسى كاپيتالدىڭ نارىقتىق كوزدەرىنەن تارتىلاتىن بولادى.
بۇگىننەن باستاپ "اگرارلىق نەسيە كورپوراسياسى" اق جىلدىق 5% دەڭگەيىندە جەڭىلدىكتى سىياقى مولشەرلەمەسىمەن "كەڭ دالا 2" باعدارلاماسى بويىنشا قارجىلاندىرۋ تەتىگى ىسكە قوسىلدى.
684 اۋىل شارۋاشىلىعى تاۋارىن وندىرۋشىلەردەن شامامەن 82 ملرد تەڭگە سوماعا وتىنىمدەردىڭ جالپى پۋلى قالىپتاستىرىلدى, ونىڭ ىشىندە 176 ءوتىنىم جۇمىسقا قابىلداندى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر